BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

9 جەلتوقسانعا ارنالعان جۇلدىز-جورامال

بۇگىن جۇلدىزدار نە دەيدى؟

توقتى

كەلەر كۇننىڭ ىرىسى جەتىپ ارتىلادى. تەك بارلىعىنا كوڭىل ٴبولىپ ۇلگەرسەڭىز بولعانى. باستاعان بارلىق ىسىڭىزدە جەتىستىككە جەتەسىز، ول قىزمەتتە بولسىن، جەكە ومىرىڭىزدە بولسىن. شىعارماشىلىق جولدا جۇرگەن توقتىلاردىڭ ٴومىرى جاڭا شابىتقا تولى بولادى.

تورپاق

سالعىرتتىققا بوي الدىرماڭىز. ٴسال عانا دەمالىسىڭىزدىڭ ٴوزى جەكە ٴومىر جاعىڭىزدا ۇلكەن پروبلەمالاردىڭ تۋىنداۋىنا الىپ كەلەدى. سوندىقتان اسا بەلسەندى بولىپ، كىشكەنتاي ىسكە دە باسا نازار اۋدارعانىڭىز ٴجون. بۇل كۇن سىزگە قيىنداۋ تۇسكەنىمەن، كەيىن جەمىسىن دە ٴوزىڭىز كورەتىن بولاسىز. «ەڭبەك ەتسەڭ ەرىنبەي، تويادى قارنىڭ تىلەنبەي» دەگەندى ەستەن شىعارماڭىز.

ەگىزدەر

دوستارىڭىزبەن جۇزدەسۋلەرىڭىز مۇمكىن. سىزدەن دوستارىڭىز ۇلكەن جاۋاپكەرشىلىكتى كۇتەدى. ەڭ باستىسى، بۇل كۇن سىزگە جاعىمدى جاڭالىقتارمەن قاتار جاعىمسىزىن دا تارتۋ ەتۋى مۇمكىن. قانداي بولعان جاعدايدا دا وز-وزىڭىزگە دەگەن سەنىمىڭىزدى جوعالتپاڭىز.

شايان

جاقسى مەن جاماندى اجىراتۋ ادام بالاسىنا وتە اۋىرعا تۇسەتىن دۇنيە. بۇگىن جۇلدىزدار شاياندارعا بارلىق جاقسى-جاماندى ايىرىپ، تارازالاي ٴبىلۋ قاجەت دەيدى. جاقىن دوستارىڭىزدىڭ ساتقىندىعىن سەزگەندەي بولۋىڭىز دا ابدەن مۇمكىن، دەگەنمەن بارلىعىنا سابىرلىق تانىتىڭىز. ٴومىر اق، قارا جولاقتاردان تۇراتىنىن ۇمىتپاڭىز.

ارىستان

دەنساۋلىعىڭىزعا نازار اۋدارىڭىز. اۋىرىپ ەم ىزدەگەنشە، اۋىرماۋدىڭ جولىن ىزدە دەمەكشى، كۇننىڭ كوزى سالقىنداۋ كۇندەرى دالاعا شىعۋدان باس تارتا تۇرعان ٴجون بولار. ارىستانداردىڭ دەنساۋلىعىنىڭ سىر بەرەتىن مەزگىلى وسى ايدىڭ اياعىنا دەيىن سوزىلۋى مۇمكىن، سوندىقتان بۇل كۇن ىشىندە وتباسىڭىزبەن كوبىرەك ۋاقىت وتكىزىپ، وزىڭىزگە-وزىڭىز بەرىك بولعانىڭىز ابزال.

بيكەش

قىدىرۋعا دايىندالىپ جاتقان بيكەشتەردىڭ جولى بولماق. كوڭىلدى دوس جارانداردىڭ ورتاسىندا كوڭىلدى كەشتەر وتكىزەتىن ۋاقىت تۋدى. ٴبىراق جازداي اسىر سالعان شەگىرتكە ىسپەتتى بولىپ قالماڭىزدار. قاجەتتى ساتتە ٴوز-وزىڭىزدى توقتاتا ٴبىلۋ قاجەت. بۇل قۋانىشتار دا بيكەشتەردىڭ قالتاسىن قاعىپ قالۋى ابدەن ىقتيمال.

تارازى

كەلەر كۇندە وزىڭىزگە كوبىرەك كوڭىل ٴبولىڭىز. قىرۋار شارۋا جاسايمىن دەپ، ساتسىزدىككە ۇشىراپ قالماڭىز. بۇل كۇن ىشىندە جۇلدىزدار سىزگە بەلسەندى بولماۋدى جورىپ وتىر. اسىقپاي-اپتىقپاي جاساعان ٴىسىڭىزدىڭ جەمىسىن جەيتىن بولاسىز. ىسكەرلىك جاعدايىڭىز دا ٴبىراز تىنىشتىققا كەنەلەتىن بولادى.

سارىشايان

بۇل كۇنى قۇلاعىڭىزدى جاعىمدى جاڭالىقتارعا تۇرە ٴجۇرىڭىز، ويتكەنى ولار كوپ بولادى. ۇزاق ۋاقىت بويى مازالاعان شارۋالارىڭىز وڭ شەشىلىپ، جاقسى كوڭىل-كۇي سىيلايدى. باقىتتى كەزەڭدەرىڭىزدى وتباسىڭىزبەن نەمەسە جاقىن ادامدارىڭىزبەن بولىسكەنىڭىز دۇرىس. قىزمەتتە/وقۋدا جەتىستىكتەر كۇتىپ تۇر. ەڭ باستىسى سالماقتىق پەن سابىرلىق تانىتا ٴبىلىڭىز.

مەرگەن

بۇگىن جەكە ومىرىڭىزگە ەرەكشە نازار اۋدارۋ قاجەت بولادى. ابايسىزدان جاقىن ادامىڭىزدىڭ كوڭىلىن قالدىرىپ قويۋىڭىز دا ىقتيمال. سوندىقتان اشۋىڭىزدى جۇگەندەۋگە تۋرا كەلەتىن بولادى. جالپى بۇل كۇنى ٴوزىڭىزدىڭ ىشكى جان دۇنيەڭىزدەگى وزگەرىستەرگە قۇلاق سالاتىن ۋاقىت. جاۋاپتى ٴىستى باستاماس بۇرىن، بارلىق جامان-جاقسىنى تارازىلاپ كورگەن ٴجون.

تاۋەشكى

جاقىندارىڭىزدان كوڭىلىڭىز قالاتىن ساتتەر بولۋى مۇمكىن. مويىماڭىز، بار كەتكەن قاتەلىكتەرىڭىزدى ٴتۇسىنىپ، دۇرىس شەشىم قابىلداي بىلگەن ٴجون. قاتتى شارشاپ جۇرگەندىكتەن، ومىرگە دەگەن كوزقاراسىڭىز وزگەرگەن. بويىڭىزداعى بارلىق كۇش قۋاتىڭىزدى جيناپ، تەك العا ۇمتىلىڭىز. تالاپتىنىڭ ورگە جۇزەتىنىن ويىڭىزدا ۇستاڭىز.

سۋقۇيعىش

ادامنىڭ جامان قاسيەتتەرىنە نازار اۋدارماعان ٴجون. قىزمەتتە ٴبىرقالىپتى بولعانىمەن، وتباسىڭىزدا تۇسىنىسپەۋشىلىك ورىن الۋى ىقتيمال. جاقىندارىڭىزدىڭ جامان جاعىن ەمەس، جاقسىلىعىن كورە بىلگەنىڭىز وزىڭىزگە دە جەڭىلدىك الىپ كەلەدى.

بالىقتار

ۇلكەن ناتيجەگە جەتۋ ٴۇشىن كوپ كۇش جۇمساۋ كەرەكتىگى ايدان انىق. سوندىقتان دا قولعا العان ٴىسىڭىزدىڭ بارىنشا ناتيجەلى بولۋىن قالاساڭىز، ايانىپ قالماڭىز. التىن ۋاقىتتى قادىرلەپ، ٴار ٴساتتى ٴتيىمدى جۇمساي ٴبىلىڭىز.

anabol.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي