BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

4 ساعاتتىق جۇمىس كۇنىن ەنگىزۋ مۇمكىن بە؟

فوتو: ашық дереккөзден

ادام قاتتى قىسىلعان ساتتەردە نەمەسە سترەسسكە تۇسكەندە از جۇمىس ىستەپ، ٴوز مۇمكىندىكتەرىن تولىعىمەن پايدالانا الادى، دەپ جازادى baq.kz اقپارات اگەنتتىگى forbes باسىلىمىنا سىلتەمە جاساپ.

دەگەنمەن، بۇل جەتىستىككە جەتۋدىڭ كىلتىنە اينالىپ، ٴومىردى ٴبىر بالانستا ۇستاۋعا كومەكتەسە الادى.

بۇگىنگى تاڭدا مەنەدجەرلەردىڭ كوپشىلىگى مي مەن ادامنىڭ دەنەسى از ۋاقىتتا كوپ نارسە ىستەۋ كەرەك كەزدە جەمىستى قىزمەت ەتەتىنىنە كوز جەتكىزگەن. زەرتتەۋ ناتيجەلەرىنە سەنسەك، اپتاسىنا 35 ساعات جۇمىس ىستەيتىن ادامدار اپتاسىنا 20 ساعات جۇمىس ىستەيتىندەرگە قاراعاندا ەكى ەسە از ونىمدىلىكپەن جۇمىس ىستەيدى ەكەن. بۇگىندە بۇل جاعدايدى پسيحولوگيادا دا ٴتۇسىندىرىپ جاتقاندار بار. مىسالى، مۋلليناتان مەن شافير اتتى اۆتورلار وسى تۋرالى ارنايى كىتاپ تا جازىپ، وسى قۇبىلىستى تۇسىندىرۋگە تىرىسقان. ولار كىتاپتا از ۋاقىت نە سەبەپتى ادامداردىڭ ەڭبەك ونىمدىلىگىن ارتتىراتىنىن تۇسىندىرگەن.

ادام ٴبىر كۇنىن تولىعىمەن جۇمىسقا ارناعان كەزدە بەيبەرەكەت جۇرە بەرەدى. ال ۋاقىتى شەكتەۋلى بولسا، ادام وزىنە تيەسىلى جۇمىستى جىلدام ورىنداي الادى. بۇل ەنەرگەتيكالىق جاعداي ادامنىڭ ارەكەتىنە اسەر ەتىپ، يمپۋلس تۋعىزادى. ياعني، ادام ونىمدىرەك جۇمىس ىستەپ، ٴبىر جۇمىس كۇنىندە اتقارىلۋى ٴتيىس جۇمىستى اناعۇرلىم از ۋاقىتتا ىستەپ تاستاۋعا قاۋقارلى بولادى.

بۇل جاعدايدىڭ باسقا دا ارتىقشىلىقتارى بار: جۇمىس ۋاقىتىنىڭ قىسقا بولۋى تەك جۇمىس ورنىنىڭ سانىن ازايتىپ قانا قويماي، قورشاعان ورتاعا دا ەرەكشە اسەر ەتەتىن بولادى. بۇل ونىمدىلىكتىڭ از بولۋىمەن بايلانىستى بولسا كەرەك. ارينە، ادامنىڭ كۇنى بويى جۇمىستا وتىرۋىن تالاپ ەتەتىن ماماندىقتاردا جاعداي باسقاشا. مىسالى، قۇقىق قورعاۋ قىزمەتى، ٴبىلىم بەرۋ، دەنساۋلىق ساقتاۋ، قۇرىلىس دەگەن سەكىلدى سالالار ادام سانىنىڭ كوپ بولۋىن تالاپ ەتەدى.

دەگەنمەن، وسى سالادا قىزمەت ەتەتىن ادامدار جۇمىستا از ۋاقىت وتكىزگىسى كەلسە نەمەسە جۇمىس ۋاقىتىن قىسقارتۋدى كوزدەسە، كەلەسى كەڭەستەرگە جۇگىنسە بولادى:

وزىڭىزدەن «بۇگىنگى جۇمىسىما كوڭىلىم تولادى ما؟» دەپ سۇراڭىز

جۇمىس ۋاقىتىندا اتقارىلاتىن ٴىستىڭ ماڭىزدىلىعى مەن قيىندىق دەڭگەيىنە ٴمان بەرىپ، ارنايى قۇرىلىم جاساڭىز. ەڭ ماڭىزدىسىنا باسىمدىق بەرىڭىز. كەزدەيسوق مىندەتتەردى اتقارۋدىڭ ورنىنا، ٴوزىڭىزدىڭ كوڭىلىڭىز تولاتىن، كۇنىڭىزدىڭ بوسقا كەتپەي، ٴونىمدى وتكەنىن كورسەتە الاتىن ىستەرگە ٴمان بەرىڭىز.

ٴونىمدى بولىڭىز

جۇمىستا بوس ۋاقىتىڭىزدىڭ بولماي ەڭبەك ەتۋىڭىز ماڭىزدى ەمەس. باستىسى، ونىمدىلىك. ۇنەمى «قولى بوس ەمەس» ادامدار نەگىزىنەن ناشار مەنەدجەرلەر. سەبەبى ولار ٴوز ۋاقىتى مەن ەنەرگياسىن دۇرىس جۇمساي المايدى. ال ٴونىمدى قىزمەتكەرلەر كەرىسىنشە، ۋاقىت پەن ەنەرگياسىن ۇنەمدەپ تە كوپ جۇمىس اتقارا الادى.

كەيبىر ماڭىزدى مىندەتتەردى اۆتوماتتاندىرىڭىز

ماشينامەن، كومپيۋتەرمەن اۆتوماتتاندىرۋعا بولاتىن ىس-ارەكەتتىڭ ەشقايسىسىن ٴوزىڭىز اتقارماڭىز. الدىمەن مىندەتتەردى جان-جاقتى قاراستىرىپ، اۆتوماتتاندىرۋ جولدارىن قاراستىرىپ كورىڭىز. سول ارقىلى ٴوزىڭىزدىڭ ەنەرگياڭىزدى بوسقا كەتىرىپ جاتپاعانىڭىزعا كوز جەتكىزە الاسىز.

ميكروديستريكسيادان اۋلاق بولىڭىز

جۇمىس ۋاقىتىڭىزدى ۇزىلمەگەنىن، باسقا ىستەرگە كوڭىلىڭىزدىڭ اۋلانباعانىنا كوز جەتكىزىڭىز. ەلەكتروندى پوشتادان، الەۋمەتتىك جەلىلەردەن شىعىپ، ماڭىزدى مىندەتتەرگە باسىمدىق بەرىڭىز.

ەنەرگەتيكالىق رەسۋرستارىڭىزعا ٴمان بەرىڭىز

ٴسىزدى الاڭداتاتىن، كوڭىلىڭىزدى جابىرقاتاتىن ەشتەڭە جوق ەكەنىنە كوز جەتكىزىڭىز. تاڭعى ۋاقىتىڭىزدى تۇسكە دەيىن كۇتە الاتىن قيىن تەحنيكالىق پروبلەماعا جۇمساماڭىز.

كۇندەلىكتى ٴومىرىڭىزدى تارتىپكە كەلتىرىڭىز

جۇمىسقا كيەتىن كيىمىڭىزدى تۇندە ۇيىقتار الدىندا تاڭداپ قويىڭىز. تۇسكى استىڭ قامىنا دا ەرتەرەك كىرىسىڭىز. كۇندەلىكتى تۇرمىستاعى ۇساق-تۇيەك ارەكەتتەرگە ەنەرگياڭىزدى كەتىرمەڭىز.

تابىسىڭىزدى ارتتىرۋدى كوزدەڭىز

اي سايىن الاتىن تابىسىڭىزدى جۇمىس كۇنىنە، ونى ٴبىر كۇندەگى جۇمىس ساعاتتارىنا ٴبولىڭىز. ياعني، كۇن سايىن ىستەيتىن ىسكە ەمەس، ساعات سايىن اتقارىلىپ جاتقان جۇمىسقا ٴمان بەرىپ، تابىستى ارتتىرۋعا بولاتىن جولداردى ىزدەڭىز.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي