BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

13 قاراشاعا ارنالعان جۇلدىز-جورامال

بۇگىن جۇلدىزدار قانداي كەڭەس بەرەدى؟

توقتى

بۇگىن وزگە ادامداردىڭ ۇسىنىسى مەن باستاماسى ٴسىز ٴۇشىن پايدالى بولۋى مۇمكىن. جاقىندارىڭىزبەن جىلى قارىم-قاتىناس ورناتىڭىز. قانداي قيىندىققا دا مويىماي ەڭبەك ەتسەڭىز، ٴوز جەمىسىن بەرەدى.

تورپاق

قارجىلىق جاعدايىڭىزدى جاقسارتۋ ٴۇشىن قولدان كەلگەننەن ايانىپ قالماڭىز. قىزعانشاقتاردىڭ كەسىرىنەن زارداپ شەگۋدەن ساق بولىڭىز. شەكتەن تىس سابىرسىزدىق سىزگە پايدا اكەلمەيدى.

ەگىزدەر

ٴومىردىڭ جاقسىلىعىندا دا جاماندىعىندا دا تەك ٴوز تاپقىرلىعىڭىزعا جۇگىنىڭىز. بۇگىنگە ارنالعان جۇمىستى الدىن-الا جوسپارلاپ قويىڭىز. اقشاڭىزدى ۇنەمدەپ جۇمساڭىز. جۇرتتىڭ قاڭقۋ سوزىنە ٴمان بەرمەڭىز.

شايان

قامقورلىعىڭىزعا مۇقتاج ادامدارعا كومەك قولىن سوزۋدان ايانىپ قالماڭىز. بۇگىن جانجالداسىپ قالعان جاقىندارىڭىزبەن كەلىسىمگە كەلۋگە تاپتىرمايتىن كەزەڭ بولماق. ٴار نارسەنى كوڭىلىڭىزگە الىپ، بوسقا دەنساۋلىعىڭىزدى قۇرتىپ الماۋعا تىرىسىڭىز.

ارىستان

بۇگىن ماڭىزدى كەزدەسۋلەر، رومانتيكالىق كەشتەر بولادى. سۇيگەنىڭىزدىڭ ٴتىلىن تابۋعا تىرىسىڭىز. كوڭىل كوتەرۋگە دە ۋاقىت تابىڭىز. جولدا جۇرگەندە اباي بولىڭىز. كوپتەن بەرى شەشىمىن تاپپاي جۇرگەن پروبلەمادان ارىلاسىز.

بيكەش

ٴۇيدىڭ بار تىرشىلىگىن ٴوز موينىڭىزعا جۇكتەي بەرمەي، وتباسى مۇشەلەرىمەن ٴبولىسىپ الىڭىز. جوسپارلاعان ىستەرىڭىز اياق استىنان وزگەرۋى مۇمكىن، وعان بولا ابىرجىماڭىز. دوستارىڭىزبەن جاقسى وتىرىس كۇتىپ تۇر.

تارازى

ەگەر جاقسى دايىندالساڭىز، قولعا العان ٴاربىر ٴىسىڭىز ساتىمەن بولادى. ساقتىق پەن ۇستامدىلىقتى ۇمىت قالدىرماڭىز. شەكتەن تىس قۇشتارلىققا بوي الدىرۋدان اۋلاق بولىڭىز. كەشكە ارتىق ويدان ارىلىپ، جاقسىلاپ تىنىعۋعا تىرىسىڭىز.

سارىشايان

وزىڭىزگە ۇنايتىن زاتتى ساتىپ الۋ ٴۇشىن كوبىرەك شىعىن شىعاراسىز. جاڭاشا باستاما ۇسىنعاندار بولسا، ودان باس تارتپاڭىز. قانداي قيىندىق بولسا دا تىعىرىقتان شىعار جول تابىڭىز. بۇگىن جولعا شىعۋعا تىرىسپاڭىز.

مەرگەن

تۋىستارىڭىزدىڭ كومەگىمەن قولعا العان ٴىسىڭىزدى اياعىنا جەتكىزەسىز. كۇتپەگەن جەردەن پايدالى ۇسىنىستار ٴتۇسۋى مۇمكىن. دەنساۋلىعىڭىزعا كوڭىل ٴبولىپ، دارىگەرگە قارالىپ الىڭىز. بارلىق مۇمكىندىكتى قۇر جىبەرمەۋگە تىرىسىڭىز.

تاۋەشكى

كۇتپەگەن وزگەرىستەردى سابىرمەن قارسى الىڭىز. ۇمىتشاقتىق پەن الاڭعاسارلىققا سالىنباڭىز. كولىكتەن اباي بولىڭىز. دوستارىڭىزعا كومەك قولىن سوزۋدان تارتىنباڭىز. جەكە ومىرىڭىزدە وزگەرىستەر بولۋى مۇمكىن.

سۋقۇيعىش

مومىندىق پەن قاراپايىمدىلىقتان اسا پايدا كورە قويمايسىز. ٴوزىڭدى سىيلاساڭ، وزگەگە دە سىيىمدى بولاسىڭ. ومىرلىك سەرىگىڭىزدىڭ كوڭىلىنە قاراي ٴبىلىڭىز. كەشكە شاعىن وتىرىسقا قاتىسۋىڭىز مۇمكىن. اينالاداعى ادامدارمەن تۇسىنبەستىك تۋىنداتىپ الماۋعا تىرىسىڭىز.

بالىقتار

كۇنىڭىز بەن ٴتۇنىڭىزدى جوسپارلاپ، ۋاقىتتى ٴتيىمدى پايدالانىڭىز. كەزدەسكەن قيىندىقتارعا قاراماستان بۇل كۇن ٴسىز ٴۇشىن كوتەرىڭكى كوڭىل-كۇيگە تولى بولماق. سونشالىقتى كوپ تەر توكپەسەڭىز دە، ساتتىلىكتىڭ ارقاسىندا جەكە ومىرىڭىزدە جاقسى ناتيجەگە قول جەتكىزەسىز. سۇيگەنىڭىزدىڭ تۇسىنىكسىز ارەكەتتەرىنە بولا باس اۋىرتپاڭىز.

anabol.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي