استانا: 
3705 
0
بەتىڭىزگە جاعاتىن كوسمەتيكانىڭ باعاسى ەمەس، ونى قالاي قولداناتىنىڭىز تەرىڭىزگە ماڭىزدىراق. ۋاقىتىلى جاسالعان كۇتىم مەن كوسمەتيكانى دۇرىس قولدانۋ اجىمدەردىڭ پايدا بولۋىنىڭ الدىن الىپ، قارتايۋ پروسەسىن باياۋلاتا الادى.
تەرىنى تازالاۋ
ستاتيستيكالىق دەرەكتەرگە سۇيەنسەك، ون ارۋدىڭ تورتەۋى بەتىندەگى ماكياجدى تازالاماي، ۇيقىعا جاتاتىن كورىنەدى. ال بۇل – ەرتە قارتايۋعا جاسالعان ٴبىر قادام. سوندىقتان تەرىنى تازالاۋدىڭ ماڭىزى زور.
سونىمەن، بەت پەن مويىن تەرىسىن كۇندەلىكتى ەكى ۋاقىت تازالاۋ كەرەك. تاڭەرتەڭ ارتىق مايدان، ال كەشكە شاڭ-توزاڭ مەن كوسمەتيكادان تازارتۋ. ول ٴۇشىن تەرىنىڭ تۇرىنە قاراي ساي كەلەتىن كوسمەتيكا ونىمدەرىن تاڭداڭىز. مايلى تەرىنى كوپىرشىك نەمەسە گەلمەن، ال قۇرعاق تەرىنى ٴسۇتتى قوسپامەن (مولوچكو) تازالاعان ٴجون.
تەرىنى تازارتاتىن ٴونىمدى (گەل، كوپىرشىك نەمەسە ٴسۇتتى قوسپا) بەتكە ماسساجدى قيمىلمەن جاعىپ، 20 سەكۋندتان كەيىن جۋىڭىز.
سەرگىتۋ
تەرىنى سەرگىتىپ، ارلەندىرۋ ٴۇشىن تازالاپ بولعان سوڭ تونيك قولدانۋ كەرەك. قۇرامىندا س دارۋمەنى بار ٴونىمدى الىڭىز. ول تەرىنى سەرگىتىپ قانا قويماي، قورعايدى دا. ال راۋشان سۋى تەرىنى جاسارتاتىن قاسيەتكە يە.
نارلەندىرۋ
قارتايۋعا قارسى قادامنىڭ ٴبىرى – سارىسۋ قولدانۋ. ويتكەنى ونىڭ قۇرامى كرەم مەن گەلدەردىڭ قۇرامىنان الدەقايدا باي. ال ونىڭ ارنايى فورمۋلاسىنىڭ ارقاسىندا پايدالى زاتتار تەرىگە تەرەڭنەن سىڭەدى.
سارىسۋدىڭ مايلى جانە سۋلى نەگىزدە دايىندالعان ەكى ٴتۇرى بولادى جانە ولاردى تەرىنىڭ تۇرىنە قاراي ناقتى «ماسەلەلەر» بويىنشا قولدانادى.
سارىسۋدى كۇنىنە ەكى رەت قولدانىڭىز.
كوزدىڭ اينالاسىنا كۇتىم جاساۋ
سارىسۋ تەرىگە ٴسىڭىپ جاتقاندا كوزدىڭ اينالاسىنداعى تەرىگە كۇتىم جاساۋدى ۇمىتپاڭىز. قاراپايىم كرەمدەر مەن گەلدەر بۇل ايماققا جاعۋعا جارامايدى. قاباق پەن كوزدىڭ استىنداعى تەرى وتە نازىك بولعاندىقتان بەتكە جاعاتىن كرەمدەر بۇل ايماققا تىم اۋىر تيەدى. سونىڭ سالدارىنان كوزدىڭ استى مەن قاباق ٴىسىپ تۇرادى.
قاباققا ارنالعان ارنايى كرەمدى جۇقالاپ، ساۋساقتىڭ ۇشىمەن سوققىلاي وتىرىپ، جەڭىل قيمىلمەن جاعۋ كەرەك. ەگەر ۇساق اجىمدەردى بايقاساڭىز، جالعىز كرەممەن شەكتەلۋ از بولادى. سوندىقتان كرەم جاعاردان بۇرىن قاباققا ارنالعان سارىسۋ دا جاعىڭىز.
ىلعالداندىرۋ جانە نارلەندىرۋ
سارىسۋدان كەيىن كرەمنىڭ دە كەزەگى كەلەدى. بەت تەرىسىن ىلعالداندىرىپ، نارلەندىرەتىن، جۇمسارتىپ، تەگىستەيتىن ساپالى ٴونىم قولدانىڭىز. قارتايۋعا قارسى كرەمنىڭ قۇرامىندا نيكوتين قىشقىلى، رەتينول، گيالۋر قىشقىلى، باعانالىق جاسۋشا، پەپتيدتى كومپلەكس، تىنىشتاندىراتىن مايلار بولۋى كەرەك.
وسىناۋ قاراپايىم قادامدار – تەرى كۇتىمىنىڭ باستى ەرەجەلەرى. بۇلارعا قوسىمشا اپتاسىنا 1-2 رەت تەرىنى سكرابپەن تازالاپ، ٴتۇرلى ماسكالار جاساپ تۇرىڭىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6556
0