BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

105 جاس؟! ودان دا ۇزاق ٴومىر ٴسۇرۋ مۇمكىن بە؟ – the guardian

عالىمدار جۇرگىزگەن زەرتتەۋ ناتيجەلەرىنەن بەلگىلى بولعانداي، ادامداردىڭ ورتاشا ٴومىر ٴسۇرۋ ۇزاقتىعى 105 جاسقا جەتە الادى. ٴبىراق بۇل كورسەتكىشكە ادامزات جاقىنداپ قالدى ما؟ the guardian باسىلىمى جاريالاعان ماقالادا اۆتور وسى سۇراققا جاۋاپ بەرۋگە تىرىسادى، دەپ حابارلايدى baq.kz اقپارات اگەنتتىگى.

جوعارىداعى سۋرەتتە ەڭ ۇزاق ٴومىر سۇرگەن فرانسيالىق ايەل جاننا كالمەنت بەينەلەنگەن. ول 1997 جىلى 122 جاسىندا قايتىس بولعان. ول رەسمي مالىمەتتەر نەگىزىندە ەڭ قارت ادام سانالعان ەدى. بۇگىنگى تاڭدا ٴومىر ٴسۇرۋ جاسى ارتىپ جاتقانىمەن، بۇل رەكوردقا ٴالى كۇنگە ەشكىم جەتە المادى. سوندىقتان دا بولار، بۇل جاستان ارتىق ٴومىر ٴسۇرۋ مۇمكىن ەمەس دەگەن قاتىپ قالعان قاعيدا دا پايدا بولعان بولاتىن. ٴبىراق سوڭعى جۇرگىزىلگەن زەرتتەۋ ناتيجەلەرى بۇل ويدى جوققا شىعارىپ، پىكىرتالاستى ارتتىرا ٴتۇستى.

ٴومىردىڭ ٴبىز قاشىپ قۇتىلا الماس زاڭدىلىعى سول – ادام قارتايعان سايىن ٴولىم جاقىنداي تۇسەدى. ٴبىراق عالىمدار جۇرگىزگەن جاڭا زەرتتەۋدە 105 جاسقا جەتكەن سوڭ ادامدا ٴولۋ ٴقاۋپى ازايا تۇسەدى ەكەن.

زەرتتەۋ ناتيجەسىندە بەلگىلى بولعانداي، قارتايعان سايىن ٴولىم ٴقاۋپى ارتقانىمەن، 80 جاستان كەيىن بۇل كورسەتكىش تۇراقتاپ، ٴتىپتى، 105 جاستان كەيىن كەمي باستاۋى مۇمكىن. بۇل جاستا ادامنىڭ ٴولۋ ٴقاۋپى ەلۋ دە ەلۋدى قۇرايدى.

«بۇل جىل سايىن وزگەرىپ وتىرۋى مۇمكىن»، دەيدى گەرمانياداعى ماكس پلانك اتىنداعى دەموگرافيالىق زەرتەتۋلەر ينستيتۋتىنىڭ پروفەسسورى، قارتايۋ پروبلەماسىنىڭ مامانى جانە عىلىمي ماقالا اۆتورلارىنىڭ ٴبىرى دجيم ۆوۋپەل.

بۇل زەرتتەۋ عالىمداردىڭ ەكى توبى اراسىنداعى پىكىتالاستى جانداندىرا ٴتۇستى. ولاردىڭ ٴبىرى ادامزاتتىڭ ورتاشا ٴومىر ٴسۇرۋ جاسى ۇزارىپ كەلە جاتىر دەسە، ەكىنشى توپ ادامنىڭ ورتاشا جاس كورسەتكىشى وزگەرمەيدى دەگەن پىكىردى ۇستانادى.

ۆوۋپەلدىڭ كومانداسى جۇرگىزگەن زەرتتەۋدە 2009-2015 جىلدار ارالىعىندا يتاليادا تۇرعان 105 جاستان اسقان ادامداردىڭ ٴومىر كورسەتكىشتەرى نەگىزگە الىنعان. ولاردىڭ ايتۋىنشا، بۇل جاعدايدىڭ تۇراقتانىپ جاتقانىن كورسەتەدى.

«ٴولىم جاسى تۇراقتى بولسا، ادامداردىڭ كوبى قارتتىققا جەتىپ جاتسا، جاعداي وزگەرەدى»، دەيدى ۆوۋپەل.

بۇل زەرتتەۋ قاي جەرلەردە حالىقتىڭ وتە ۇزاق ٴومىر سۇرەتىنىنە بايلانىستى جۇرگىزىلگەن العاشقى ىزدەنىس ەمەس. دەگەنمەن، بۇعان دەيىن عالىمدار زەرتەتۋ جۇمىستارى بارىسىندا تۋۋ تۋرالى كورسەتكىشتەردى مۇلدەم ەسەپكە الماعان. «ەڭ قارت ادامدار اراسىندا جاسىنا بايلانىستى ايتىلاتىن ناقتى ەمەس دەرەكتەر وتە كوپ»، دەلىنگەن science جۋرنالىندا جاريالانعان ماقالادا.

دەموگرافيالىق مالىمەتتەرگە سەنسەك، 68 جاستا ادامنىڭ ٴولۋ ٴقاۋپى 2 پايىزدى قامتىپ، 76 جاستا 4 پايىزعا، ال 97 جاستا 30 پايىزعا جەتەدى ەكەن. ياعني، ٴار سەگىز جىل سايىن ادامنىڭ ٴولۋ ٴقاۋپى ارتىپ وتىرادى. بۇل عىلىمدا گومپەرس زاڭى دەگەن اتاۋمەن تانىمال قۇبىلىس. وعان سايكەس 111 جاستا ادامنىڭ ٴولۋ ٴقاۋپى 100 پايىزعا جەتەدى. دەگەنمەن، سوڭعى زەرتتەۋلەردە بەلگىلى ٴبىر جاستا ٴولۋ ٴقاۋپى ارتپاي، كەرىسىنشە، كەمىپ وتىرادى ەكەن. ال بۇل جاسقا جەتپەي قايتىس بولعاندار – ادامداردىڭ السىزدەرى. ال ونىمەن جاستى ٴبىراق ٴومىرىن جالعاستىرىپ جاتقان ادام ودان مىقتىراق قالىپتا قالادى.

ارينە، بيولوگيالىق فاكتورلار دا بەلگىلى ٴبىر دەڭگەيدە اسەر ەتە الادى. مىسالى، راك ەڭ قارت ادامدار اراسىندا از بولادى. سەبەبى قارتايعانلا كلەتكالاردىڭ ٴبولىنۋ جىلدامدىعى كەميدى.

«راك – 70، 80، 90 جاستاعى ادامداردىڭ ولۋىنە سەبەپ بولۋى مۇمكىن. ٴبىراق 100 جاستان اسقاندارعا بۇل ٴقاۋىپتى اۋرۋ ەمەس»، دەيدى ۆوۋپەل.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي