BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴجۇرسىن ەرمان: ايتىس پەن اراقتىڭ اراسىن اجىراتا الماي جۇرگەندەرگە وكىنەمىن

2016 جىلعى «التىن دومبىرا» ايتىسىندا بولاتبەك ورازبايەۆ پەن مۇحتار نيازوۆ اراسىنداعى تارتىستى ايتىستى كورگەن كورەرمەن مۇحتاردىڭ «التىن دومبىرانى» ەكىنشى رەت العانىنا كوڭىلدەرى تولماي، ٴتۇرلى قاۋەسەت تاراتقان بولاتىن. وسىعان بايلانىستى ٴجۇرسىن ەرمان الداعى ۋاقىتتا تىكەلەي ەفيردە بولاتبەك پەن مۇحتاردىڭ اراسىندا ايتىس وتكىزەتىنىن ايتقان ەدى.

«بارىڭە!

اۋرۋxانادا جاتىرمىن. بىتەلىپ قالعان قان تامىرلارىما وتا جاساماقشى. وسىدان امان شىقسام ٴبىر جوسپارىم بار:

التىن دومبىرا تۋرالى ٴارتۇرلى اڭگىمە ايتىلدى عوي. انىعى اللاعا ايان. بولاتبەك پەن مۇxتاردىڭ اراسىندا ۋاقىتى شەكتەۋسىز جەكپە-جەك ايتىس وتكىزگىم كەلەدى. تىكەلەي ەفيردە. كورسەتىلىمدى قاي تەلەارنا موينىنا الا الادى؟ دەمەۋشى بولعىسى كەلەتىندەر بار ما؟ تورەلىكتى xالىق جاساسا قايتەر ەد؟ قانداي جولمەن؟

اقىل قوسىڭدار. پىكىر ايتىڭدار. سىرتتان سىناي بەرۋ وڭاي عوي. ىشىندە بولىڭدار. ۇلت ونەرىنە شىن جاناشىر بولساڭدار سوڭىنان جۇدىرىق بىلەپ اركىمدى عايباتتاعانشا ٴقازىر كومەككە كەلىڭدەر.

جوبانى جۇزەگە اسىرۋ ٴۇشىن مەن ٴولىپ قالماۋىم كەرەك، دۇعالارىڭا قوسا جۇرىڭىزدەرشى» - دەپ جازعان بولاتىن ٴجۇرسىن ەرمان ٴوزىنىڭ فەيزبۋكتاعى پاراقشاسىندا.

بۇگىن ٴجۇرسىن اعامىزعا حابارلاستىم. اللاعا شۇكىر، اۋرۋحانادان شىعىپتى. دەنساۋلىعى دا قالىپىنا كەلىپ قالعان ەكەن. مۇحتار مەن بولاتبەكتىڭ اراسىندا وتكىزۋگە جوسپارلاعان ايتىس جايىن سۇرادىم.

«ٴالى دايىن بولماي جاتىر. قاي تەلەارنادان وتكىزەتىنىمىز دە ناقتى شەشىلگەن جوق. دەمەۋشىلەر دە بولماي تۇر» - دەيدى اعامىز.

وسىندايدا حالىق كوكەيىندەگى، ۇلتتىق رۋحىمىزدى كوتەرۋدەگى، قالا بەردى كورەرمەن كوڭىلىندەگى كىربىڭدى تارقاتۋ ٴۇشىن مۇحتار مەن بولاتبەكتىڭ ٴسوز بارىمتاسىن تىكەلەي ەفيردەن كورسەتەتىن ٴبىر وتاندىق ارنا شىقپاعانىنا قىنجىلادى ەكەنسىڭ.

ايتپاقشى، ايتىسقا قاتىستى تاعى ٴبىر جايدى ايتا كەتكىم كەلەدى.

ٴجۇرسىن ەرماننىڭ ينستاگرام پاراقشاسىنا gulmiraaitore ەسىمدى قولدانۋشى «اعا قاينار الاگوزوۆ دەگەن اقىن «ايتىسقا ٴجۇرسىن اعا شىعارمايدى» دەيدى، سول راس پا؟» - دەپ ساۋال جولداعان ەكەن.

وعان ايتىس جاناشىرى: «قايناردى شىعارماي جۇرگەنىم راس. ايان سەيىتوۆتىڭ دە الدى جابىق تۇر. اراق پەن ايتىستىڭ اراسىن اشىپ الماي، سونداي تالانتتى قور ەتىپ جۇرگەنىنە وكىنەمىن. بيىل اقتوبەدە ٴۇش ايتىس بار. دەنى ساۋ تالانتتارعا توسقاۋىل جوق» - دەپ جاۋاپ بەرىپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي