BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جۋرناليستەر ەتيكاسى كودەكسى قابىلداندى

استانا. 30-قازان. baq.kz. بۇگىن استانادا قازاقستان جۋرناليستەر وداعى مەن باس رەداكتورلار كلۋبىنىڭ قاتىسۋىمەن جۋرناليستەر ەتيكاسى كودەكسى قابىلداندى.  

جۋرناليستەر ەتيكاسى كودەكسىن قابىلداۋ ماڭىزدىلىعىن ەلباسى «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا 20 قادام» تاقىرىبىمەن جاريالانعان ماقالاسىندا ەرەكشە اتاپ وتكەن بولاتىن.
اتالمىش كودەكستە جۋرناليستەردىڭ ەتيكاسى، ٴوزىن ٴوزى ۇستاۋى مەن جۇرتپەن قارىم قاتىناسى تۋرالى، قوعامنىڭ وتاندىق باق پەن جۋرناليستەرگە دەگەن سەنىمى مەن سىي-قۇرمەتى دە قاراستىرىلعان. جالپى، بۇل كودەكس جۋرناليستەردىڭ ىشكى ٴتارتىبى مەن مورالدىق-ەتيكالىق باعدارى ەكەنى بەلگىلى.
جاڭا كودەكس بويىنشا جۋرناليستەر قوعامدىق پىكىر قالىپتاستىرا وتىرىپ، ماقالا ارنالعان ادامنىڭ دەنە كەمىستىكتەرىنە نازار اۋدارۋعا تىيىم سالىناتىنىن، وتباسىلىق قۇپيالارعا قاتىستى ايعاقتارعا ساق بولۋى، سونداي-اق، سول ادامنىڭ جەكە باسىنا قاتىستى دۇنيەلەرگە باس سۇقپاۋ، قوعامدى دۇرلىكتىرەتىن ەمەس، ۇيىتاتىن اقپاراتتار جاريالاۋ قاراستىرىلعان. سونداي-اق، كاسىبي پارىز، الەۋمەتتىك جاۋاپكەرشىلىك، ادالدىق، شىنشىلدىق، شىنايلىق، اقپارات كوزدەرى مەن قۇپيالىلىق، جەكە ٴومىردى قۇرمەتتەۋ، ار-ابىروي، ىسكەرلىك بەدەل، باسەكەلەستىك پەن ىنتىماقتاستىق، قورعاۋ جانە جاۋاپكەرشىلىك جايلى جازىلعان.
«كودەكس ەرەجەلەرىن ورىنداۋ – ٴجۋرناليستىڭ ار-ۇجدانىنىڭ كورسەتكىشى. كودەكس ەرەجەلەرىن ورىنداۋ مەن بۇزۋعا ماجبۇرلەۋگە جول بەرىلمەيدى» دەلىنگەن قۇجاتتا. ەگەر جۋرناليستەر بۇل تالاپتاردى ورىنداماعان جاعدايدا رەداكسيا ۇجىمدارى مەن جۋرناليستەر قاۋىمداستىعىنىڭ وتىرىستارىندا قارالادى. قازاقستان جۋرناليستەرى وداعىنىڭ باسشىسى سەيىتقازى ماتايەۆتىڭ ايتۋىنشا، بۇرىن جۋرناليستەر ەتيكاسى كودەكسىنىڭ زاڭدىق كۇشى بولماعان. ەندىگى رەتتە وتاندىق جۋرناليستەر اقپاراتتار مەن مالىمەتتەردى جاريالاۋ بارىسىندا اياعىن اڭداپ باساتىن بولادى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي