BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جيۋلەت بينوش قازاق اقىنىنىڭ ولەڭدەرىن وقىپ بەردى - مينيستر

فوتو: ашық дереккөзден

«وسكار» جانە كانن كينوفەستيۆالىنىڭ «التىن پالما بۇتاعى» سىيلىقتارىنىڭ يەگەرى جيۋلەت بينوش استاناعا ساپارمەن كەلدى، دەپ حابارلايدى baq.kz اقپارات اگەنتتىگى.

«تانىمال فرانسۋز اكتريساسى ٴبىزدىڭ ەلوردانى 20 جىلدىعىمەن قۇتتاقتاۋ ٴۇشىن كەلدى. سونىمەن قاتار فەستيۆال اياسىندا مونوسپەتاكلمەن ونەر كورسەتتى. اتاپ ايتقاندا، جيۋلەت بينوش قازاق اقىنى قاسىم امانجولوۆتىڭ «ولەڭ تۋرالى» جانە «سارىارقا» ولەڭدەرىن وقىپ بەرىپ، جينالعان جۇرتشىلىقتى تاڭعالدىردى. جالپى، وسى جايت فرانسۋز اكتريساسى مەن قازاق اقىنىنىڭ شىعارماشىلىعىن قۇرمەتتەيتىن ادامدار ٴۇشىن توسىن سىي بولدى»، - دەپ جازدى مادەنيەت جانە سپورت ٴمينيسترى ارىستانبەك مۇحامەدي ۇلى facebook-تەگى پاراقشاسىندا.

ا. مۇحامەدي ۇلىنىڭ ايتۋىنشا، جيۋلەت بينوش ٴوز سوزىندە قازاقستان تۋرالى ٴپوزيتيۆتى اسەر العانىن، سونىمەن قاتار ۇلى دالانىڭ كەڭىستىگى مەن استانانىڭ قارقىندى ساۋلەتتىك يدەياسى تاڭعالدىرعانىن اتاپ وتكەن.

«اكتريسا قازاقستان حالقىنىڭ اق پەيىل نيەتىنە قۋانعانىن جەتكىزىپ، ۇزاق مەرزىمگە ٴبىزدىڭ ەلگە تاعى دا ساپارلاپ كەلۋدى جوسپارلاپ وتىرعانىن ايتتى. سونىمەن قاتار جيۋلەت بينوش ٴبىزدىڭ وتانداسىمىز سامال ەسلياموۆانىڭ ۇلكەن جەتىستىگى ٴۇشىن قۋانىشتى ەكەنىن اتاپ ٴوتتى»، - دەلىنگەن جازبادا.

ٴمينيستردىڭ سوزىنە قاراعاندا، دۇنيەجۇزىلىك تەاتر فەستيۆالى اياسىندا استانانى 20 جىلدىق مەرەيتويىمەن قۇتتىقتاۋ ٴۇشىن يتاليا، ۇلىبريتانيا، ليتۆا، پولشا، گەرمانيا ەلدەرىنەن تانىمال الەمدىك تەاترلار كەلدى.

جالپى، ٴتۇرلى ەلدەردەن ساپارلاپ كەلگەن 17 تەاتر اتاقتى سپەكتاكلدەردى ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي