«zhibek zholy. kazakhstan» اتتى فوتو جانە بەينەبايقاۋ جاريالاندى - ونەر|26 قىركۇيەك 2017، 16:33
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«zhibek zholy. kazakhstan» اتتى فوتو جانە بەينەبايقاۋ جاريالاندى

قازاقستان رەسپۋبليكاسى مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى «اتامەكەن» قر ۇلتتىق كاسىپكەرلەر پالاتاسى، ەلوردانىڭ تۋريزم قاۋىمداستىعىمەن بىرلەسىپ، «zhibek zholy. kazakhstan» اتتى فوتو جانە بەينەبايقاۋ وتكىزەدى، دەپ حابارلايدى baq.kz اقپارات اگەنتتىگى.

ٴىس-شارا 2017 جىلدىڭ قاراشا ايىندا الماتى، وڭتۇستىك قازاقستان جانە جامبىل وبلىستارىندا وتەتىن «قازاقستاننىڭ ۇلى جىبەك جولىمەن ساياحات» حالىقارالىق فەستيۆالىنە ورايلاستىرىلعان.

فوتو جانە بەينەبايقاۋعا نيەت ٴبىلدىرۋشى كەز-كەلگەن ادام قاتىسا الادى. ول ٴۇشىن بايقاۋعا قاتىسۋشى ەلوردالىق تۋريزم قاۋىمداستىعىنىڭ www.astana-tourism.kz سايتىنان بايقاۋدىڭ ەرەجەسىمەن تانىسىپ، ٴوتىنىم بەرۋى كەرەك.

بايقاۋ 2017 جىلدىڭ 28 قازانىنا دەيىن جالعاسادى.

فوتوبايقاۋعا قاتىسۋشىلاردىڭ جۇمىسى 3 اتالىمعا بويىنشا قاراستىرىلماق:

  1. جىبەك جولىنىڭ قۇپياسى مەن اڭىزى;
  2. جىبەك جولىنىڭ داستۇرلەرى;
  3. ىقىلاسپەن ساياحاتتان.

ەسكە سالساق، 2016 جىلى «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى ەلوردالىق تۋريزم قاۋىمداستىعىمەن بىرلەسىپ، «مەن قازاقستاندى سۇيەمىن» اتتى فوتوبايقاۋ وتكىزگەن ەدى. وعان قازاقستاننىڭ ٴار وڭىرىنەن 100-دەن استام ۇمىتكەر قاتىسىپ، 760 سۋرەت جىبەردى. بايقاۋ جەڭىمپازدارىنا قازاقستاننىڭ ۇزدىك ساناتورييلەرىندە دەمالۋعا 2 ادامعا ارنالعان سەرتيفيكاتتار، سونداي-اق قازاقستان–سيان (قحر)–قازاقستان باعىتىنداعى اۋە بيلەتى تابىس ەتىلگەن.

ۇيىمداستىرىلىپ وتىرعان بايقاۋدىڭ باستى ماقساتى - قازاقستاننىڭ ۇلى جىبەك جولىنداعى تۋريستىك الەۋەتىن، ياعني ەلىمىزدىڭ تاريحي جانە مادەني مۇراسىن، حالىقتىڭ تۇرمىس-تىرشىلىگىن، كوزتارتارلىق تابيعاتى پەن ەرەكشە تۋريستىك نىساندارىن تانىتۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي