BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جازۋشى حاسەن ادىبايەۆ دۇنيەدەن ٴوتتى

جازۋشىمەن قوشتاسۋ ٴراسىمى بۇگىن، 14 مامىردا الماتىداعى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ عيماراتىندا وتەدى.

ح.ادىبايەۆ 1924 جىلى 6 تامىزدا شىعىس قازاقستان وبلىسى، شۇبارتاۋ اۋدانى، قوساعاش اۋىلىندا تۋعان.


1947 جىلى ۇلى وتان سوعىسىنان ورالعان سوڭ، اياگوز اۋدانىندا كومسومول قىزمەتىندە بولدى.


1955 جىلى قازاق مەملەكەتتىك ۋنيۆەرسيتەتىنىڭ فيلوسوفيا ٴبولىمىن، 1959 جىلى اباي اتىنداعى قازاق پەداگوگيكا ينستيتۋتىنىڭ اسپيرانتۋراسىن بىتىرگەن. «م.س.ولمينسكيي م.ە.سالتىكوۆ–ششەدرين تۋرالى» اتتى تاقىرىپقا كانديداتتىق (1961)، «ع.مۇسىرەپوۆتىڭ شەبەرلىگى» اتتى تاقىرىپقا دوكتورلىق (1970) ديسسەرتاسيا قورعاعان. كوپ جىل ٴقازپيدىڭ قازاق ادەبيەتى كافەدراسىندا ۇستازدىق ەتكەن، فيلولوگيا عىلىمدارىنىڭ دوكتورى، پروفەسسور (1973).


ەلۋىنشى جىلداردان باستاپ ادەبي سىن، ادەبيەتتانۋ عىلىمى، كوركەم پروزا سالاسىندا اتسالىسىپ كەلەدى.


قىزىل جۇلدىز، «قۇرمەت بەلگىسى»، «قۇرمەت» (1998) وردەندەرىمەن، ەكى رەت «ەرلىگى ٴۇشىن» مەدالىمەن ماراپاتتالعان.


شىعارمالارى: ۋاقىت جانە سۋرەتكەر. ادەبي سىن. ا.، «جازۋشى»، 1967; تالانت، تالعام، تاعدىر. مونوگرافيا. ا.، «جازۋشى»، 1971; كوكجيەك. سىن. ا.، «جازۋشى»، 1978; كازاحسكايا ليتەراتۋرا. وقۋلىق. ورىس مەكتەبىنىڭ ٴىح–ح كلاستارىنا ارنالعان. ا.، «مەكتەپ»، 1975; كازاحسكايا ليتەراتۋرا. وقۋلىق. ارناۋلى ورتا وقۋ ورىندارىنا ارنالعان. ا.، «مەكتەپ»، 1973; كازاحسكايا ليتەراتۋرا. وقۋلىق. جوعارى وقۋ ورىندارىنا ارنالعان. ا.، «مەكتەپ»، 1980; تاڭبالى ادام. اڭگىمە، پوۆەستەر. ا.، «جازۋشى»، 1975; وتىرار ويرانى. رومان. ا.، «جالىن»، 1986; اۋپىلدەك. پوۆەستەر مەن اڭگىمەلەر جيناعى. 1987; «گيبەل وترارا» (ورىس تىلىندە). ا.، «ٴبىلىم»، 1997; «سوزۆەزديە بليزنەسوۆ». ا.، «اتامۇرا»، 2004; «ٴومىرداريا»، ا.، «اتامۇرا»، 2006; «اباي پاتشالىعى». ا.، «اتامۇرا»، 2009.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي