BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جانىڭ جاي تاپسىن دەسەڭ، «جان كۇيزەلىسىنە» بار

بۇگىن ۇلتتىق مۋزەيدە ٴمۇسىنشى الەكسەي چەتۆەريكوۆتىڭ «جان كۇيزەلىسى» اتتى كورمەسى اشىلدى. ەكسپوزيسياعا ٴمۇسىنشىنىڭ اعاش، مەتالل، ٴمارمار، سۇيەك سىندى ٴارتۇرلى ماتەريالدارمەن جۇمىس جاساۋ بارىسىنداعى اسقان شەبەرلىگىن كورسەتەتىن 250-گە جۋىق تۋىندىلار قويىلدى، دەپ حابارلايدى baq.kz.

الەكسەي چەتۆەريكوۆ ٴمۇسىن جاساۋدا جەكە تەحنيكاسىن قالىپتاستىرعان ونەر يەسى، قازاقستان سۋرەتشىلەر وداعىنىڭ مۇشەسى بولعان (1956-2015). ماماندىعى بويىنشا اسكەري قىزمەتكەر ٴومىر جولىن ونەردەن تاپتى. ول ايناعا ارنالعان جاقتاۋلار، قوبديشالار، ٴارتۇرلى اشەكەيلەر مەن اكسەسسۋارلار سىندى العاشقى جۇمىستارىن اعاشتان ويىپ جاسادى. ٴمۇسىنشى 80-جىلداردىڭ سوڭىندا بولشەكتەرىن مۇقيات پىسىقتاپ الىپ، قولادان كوركەمدىك كومپوزيسيا جاسايتىن مۇسىنشىلىك ونەردىڭ جاڭا قىرىن مەڭگەردى.

كورمەگە قويىلاتىن تۋىندىلار شىنىنىڭ سىنعىشتىعىنا، مەتالدىڭ بەرىكتىگىنە قاراماي، اۆتوردىڭ ٴارتۇرلى ماتەريالدارمەن جۇمىس جاساۋ ٴتىلىن مەڭگەرگەنىن كورسەتەدى. مىسالى، قولادان قۇيىلعان بۇيىمداردان («التىن ادام») اۆتوردىڭ ۇساق دەتالدارمەن جۇمىس ىستەۋ شەبەرلىگىن اڭعارساق، اقاش پەن ٴمارماردان («ناتاشا»، «ارمان») جاسالعان بۇيىمداردا كۇردەلى يىرىمدەر مەن تەگىستىك بايقالادى.

ٴمۇسىنشى جۇمىستارىنىڭ اراسىننان كولەمى ۇساق فيگۋرالاردان («ويعا شومعان پەرىشتە») تۇتاس ٴىرى سكۋلپتۋرالارعا («انابەل») دەيىن كەزدەستىرە الاسىز.

ۇستەل ۇستىنە قوياتىن شامدار، تاياق نەمەسە تاراق سىندى قاراپايىم زاتتاردى چەتۆەريكوۆ بىرەگەي ونەر تۋىندىلارىنا اينالدىرا ٴبىلدى.

كورمەگە قويىلعان ەكسپوناتتاردىڭ اراسىندا ىشكى مەحانيزمىنىڭ كۇشىمەن بەلگىلى ۋاقىتتا اشىلىپ-جابىلاتىن جۇمىرتقا-ساعاتتى دا ەرەكشە اتاپ وتكەن ٴجون.

مۇسىندەردى اشەكەيلەپ تۇرعان قىمبات جانە جارتىلاي قىمبات تاستار ايرىقشا كوز تارتىپ، كارتينا مەن وزگە دە گرافيكالىق تۋىندىلارى اۆتوردىڭ قورشاعان ورتانىڭ سۇلۋلىعىن، ۇيلەسىمىن كورسەتۋگە دەگەن جىگەرىن تانىتادى.

الەكسەي چەتۆەريكوۆ سوڭىنان ونەر مايتالماندارىنىڭ اسا جوعارى باعاسىن العان ۇلكەن مۇرا قالدىردى.

ٴبىر سوزبەن ايتقاندا، بۇل كورمەگە بارعان دا ارماندا، بارماعان دا ارماندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي