BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا «قىز جىبەك» وپەراسىنىڭ تۇساۋكەسەرى وتەدى

«استانا وپەرا» مەملەكەتتىك وپەرا جانە بالەت تەاترىندا ە. برۋسيلوۆسكييدىڭ «قىز جىبەك» وپەراسىنىڭ تۇساۋكەسەرى بولادى. قويىلىم بۇگىن ساعات 19.00 «استانا وپەرا» مەملەكەتتىك وپەرا جانە بالەت تەاترىندا وتەدى، دەپ حابارلايدى baq.kz قالا اكىمدىگىنىڭ سايتىنا سىلتەمە جاساپ.

«قىز جىبەك» وپەراسىنىڭ جاڭا مۋزىكالىق رەداكسياسىنىڭ اۆتورى «قۇرمەت» وردەنىنىڭ كاۆالەرى، ۇلىبريتانيانىڭ يورك ۋنيۆەرسيتەتىنىڭ ماگيسترى، قازاقستان كومپوزيتورلارى وداعىنىڭ مۇشەسى، قر ەڭبەك سىڭىرگەن قايراتكەرى ابزال مۇحيتدينوۆ.

«ە. برۋسيلوۆسكييدىڭ شىعارماشىلىعىنا تالداۋ جاساۋدان باستادىم جانە ونىڭ بۇل وپەرانى وتە جاس كەزىندە - 29 جاسىندا، 1933 جىلى قازاقستانعا ەندى عانا كەلگەن كەزىندە ٴارى قازاق ٴتىلىن ٴالى مەڭگەرە قويماعان كەزىندە جازعانىن ٴتۇسىندىم. ارينە، بۇل ارتىستەرگە بەلگىلى ٴبىر قيىندىق تۋعىزدى. ٴوز تاجىريبەمە سۇيەنسەم، وپەرانىڭ كوپتەگەن تۇسىن انشىلەر كەڭەس تۇسىندا باسىپ شىعارىلعان كلاۆير بويىنشا ورىنداماعانىن بىلەمىن. ارتىستەر ونى قازاقشا شىرقاعانعا «ىڭعايلى» ەتىپ وزگەرتكەن. ٴارتۇرلى نۇسقالاردى تىڭداي وتىرىپ، مەن ولاردى نوتا تىلىندە «زاڭداستىردىم». ەندى ٴبارى ورىنداۋشىعا دا، تىڭداۋشىعا دا ەشبىر جايسىزدىق تۋدىرماستان شىنايى شىرقالادى»، - دەيدى مۋزىكانت.

وپەرادا العاش رەت بالالار حورى پايدا بولادى. ونىڭ ايتۋىنشا، بۇل مارشتى ەرەسەكتەر حورى ورىنداسا، وندا مۋزىكا سونشالىقتى تاماشا رەڭ بەرمەس ەدى. سوندىقتان رەجيسسەرمەن وسى مىندەتتەردى شەشۋدىڭ ٴارتۇرلى جولى قارالىپ، وسى حوردى «استانا وپەرا» بالالار ستۋدياسىنىڭ جاس ارتىستەرى ورىنداي الادى دەگەن شەشىم قابىلداندى.

«ولاردىڭ شىرقاعانىن ەستىپ، مەن ونەرلەرىنە ٴتانتى بولدىم. بۇنى دا ٴبىز ويلاپ تاپقان جوقپىز، ٴبىز ۋاقىت تەزىنەن وتكەن بۇرىنعى كومپوزيتورلاردىڭ تاجىريبەسىن پايدالاندىق. سوندىقتان، ساحنادا بالالاردىڭ شىرقاعانى سپەكتاكلگە ەرەكشە ٴمان بەرەدى»، - دەپ اتاپ ٴوتتى ابزال مۋحيتدينوۆ.

مۇنىمەن قوسا، وپەرادا العاش رەت ۇلتتىق اسپاپتار قولدانىلادى. دومبىراشىلار ٴانسامبلى قوسىلدى، ول ساحنادا ورنالاسادى، مۋزىكانتتار ساداقشىلاردىڭ ٴبيىن سۇيەمەلدەيدى. ٴتۇپنۇسقاداعى كۇيلەرگە ليريكالىق اكسەنت ەنگىزىلدى. سونداي-اق، كەرنەي، شاڭقوبىز، قىلقوبىز جانە جەتىگەن پايدالانىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي