BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«زەرە» سپەكتاكلىنىڭ پرەمەراسى ٴوتتى

فوتو: Абзал Қалиев

قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى «زەرە» دراماسىنىڭ پرەمەراسىن ۇسىندى. بۇل زەرە ٴرولىنىڭ تۇڭعىش رەت قازاق ساحناسىنا شىعۋى، دەپ حابارلايدى baq.kz اقپارات اگەنتتىگىنىڭ ٴتىلشىسى.

تەاتر ۇجىمى ۇلىلاردى تاربيەلەپ، ەلىنە دانا بولعان انا وبرازىن ساحناعا الىپ شىعۋ ارقىلى قازاقتىڭ قىز تاربيەسىنەگى ۇلكەن جاۋاپكەرشىلىگىن كورسەتىپ، انانى قۇرمەتتەۋگە شاقىرادى.

«زەرە» – اقىن ۇلىقبەك ەسداۋلەتوۆتىڭ دراماتۋرگيا سالاسىنداعى تۇڭعىش شىعارماسى. اۆتور زەرەنى تەك انا رەتىندە عانا ەمەس، قايراتكەر رەتىندە كورسەتۋگە تىرىسقاندىعىن ايتادى.

«بۇل مەنىڭ دراماتۋرگيا سالاسىنداعى تىرناقالدى تۋىندىم. بىلتىر تەاتردىڭ تاراپىنان وسى درامانى جازۋعا ٴوتىنىش بولدى. كوپ ۋاقىتىم ماتەريال جيناۋعا كەتتى. زەرەنى جاي عانا انا ەمەس ۇلى ادامداردىڭ تاربيەشىسى رەتىندە، قوعامنىڭ ۇلكەن دىڭگەگىندەگى قايراتكەر رەتىندە كورسەتۋگە تالپىندىم. باعاسىن حالىق، ساراپشىلار بەرە جاتار. مەن شىعارمانى جازۋ بارىسىندا وسى سالاعا ىشتەي ويانىس بولدى. ونىڭ ۇستىنە، اپانى زەرتتەۋ كەزىندە كوپ ماتەريالدار جيناقتالىپ قالدى. سوندىقتان، الدا بۇل جانردا تاعى دا قالام تەربەۋىم مۇمكىن. ٴبىراق دراماتۋرگيانى مەنىڭ سالام ەدى دەپ ايتا المايمىن»، - دەيدى اقىن ۇلىقبەك ەسداۋلەت.

ال، رەجيسسەر اجە، بالا جانە نەمەرەنىڭ اراسىنداعى ۇلكەن ماحاببات پەن سىيلاستىقتى كورسەتىپ، اسىرەسە، قۇنانبايدى باسقا قىرىنان تانىتقىسى كەلگەنىن ايتادى.

«بۇل سپەكتاكلدى كوپ ارەكەتكە، كوپ ويعا، استارلى سوزگە قۇردىم. كورەرمەننىڭ اباي تۋرالى، قۇنانباي تۋرالى قالىپتاسقان ويى بار. مەن ولاردىڭ بارىنەن قاشتىم. قۇنانباي مەن ابايدىڭ اراسىن اكە مەن بالا اراسىنداعى ادەمى قارىم-قاتىناستارمەن اشۋعا تىرىستىم. زەرەمەن ۇشەۋى قوسىلعانداعى اراقاشىقتىقتى پايدالاندىم. قۇنانباي دا بالا بولا بولعان. ونىڭ اناسىنا دەگەن ماحابباتى مەن قۇرمەتىن كورسەتتىم. ۇلكەن دەكوراسيا جاساعان جوقپىن. اق نۇر الەم – جيدەبايداعى تولقىنداعان اقسەلەۋدى كورسەتتىم. سول تابيعات پەن ادامداردىڭ اراقاتىناسىن بايلانىستىرۋعا تىرىستىم. زەرە تاقىرىبى بۇرىن قوزعالماعان. بۇل ۇلىقبەك ەسداۋلەتتىڭ ۇلكەن ٴبىر تالپىنىسى، ونىڭ العاشقى درامالىق شىعارماسى. بۇگىن ول انا تۋرالى ۇلكەن ٴبىر سپەكتاكلگە اينالدى عوي دەپ ەسەپتەيمىن. قويىلىم ٴوسىپ كەلە جاتقان قازاق قىزدارى مەن ۇلدارىنا وتە كەرەك دۇنيە. رەجيسسەر رەتىندە ٴساتتى شىققان تۋىندى دەپ ەسەپتەيمىن»، - دەيدى «زەرە» سپەكتاكلىنىڭ رەجيسسەرى نۇرقانات جاقىپباي.

رەجيسسەردىڭ اسيستەنتى سىرىم قاشقابايەۆ قويىلىمنىڭ تەاترداعى باسقا سپەكتاكلدەردەن ەرەكشەلىگىنە توقتالدى.

«بۇل بىزدە بار سپەكتاكلدەردەن ەرەكشەلىگى – قۇنارلى، ٴماندى، ماعىنالى سوزگە قۇرىلعاندىعىندا. ياعني، كورەرمەن شوۋ ىزدەسە وندا ونى تابا المايدى. ەكىنشىدەن، ٴبىزدىڭ باقىتىمىزعا وراي تەاتردا بىرگە ۇزەڭگىلەس بولىپ جۇرگەن اپايىمىز، تەاترىمىزدىڭ اناسى، قر حالىق ٴارتىسى گۇلجان اسپەتوۆاعا ارنايى جازىلعان. جۇرت كوبىنەسە قۇنانبايدى قاتال، قاتىگەز رەتىندە تانيدى. بۇل سپەكتاكلدە وسى ستەرەوتيپتى بۇزۋ ماقساتىندا قۇنانباي بولىپ كۇلەمىن، قۇنانباي بولىپ جىلايمىن. ياعني، قۇنانبايدىڭ بالا، اكە، اعا سۇلتان كەزەڭىندەگى ومىرىنەن ٴۇزىندى الا وتىرىپ جۇمىر باستى پەندە رەتىندە كورسەتىلەدى»، - دەيدى رەجيسسەردىڭ اسيستەنتى، قۇنانباي ٴرولىن سومداعان اكتەر سىرىم قاشقابايەۆ.

«بۇل مەنىڭ 70 جاسىما ورايلاستىرىلعان قويىلىم بولدى. داستارحان جايىپ، شاي ىشۋمەن عانا مەرەيتوي وتپەيدى. مەنىڭ تويىم – ٴرول. سول ٴۇشىن مەنىڭ 70 جاسىمدى قۇتتىقتاعىسى كەلگەن ۇجىم باسشىلىعىنان تىڭ ٴرول سۇرادىم. سونى ابىرويمەن الىپ شىعايىن دەدىم. ٴسويتىپ وسى «زەرە» دراماسى جازىلدى. مەنىڭ ٴار رولدەن ۇعىناتىنىم بار. ادامنىڭ جانىن بايىتاتىن ٴار ٴرولدىڭ ٴوزىنىڭ عاجاپ دۇنيەلەرى بولادى. ٴرولدى ٴبىز جاتتاپ الىپ سىدىرتپايمىز، ونى بويىمىزعا سىڭىرەمىز، رولگە ەنەمىز. زەرەدەن كوپ نارسەنى الدىم. الارىم ٴالى دە كوپ دەپ ەسەپتەيمىن. كوپشىلىكتى يماندىلىققا، ادامگەرشىلىك پەن كەشىرىمدىلىككە شاقىردىق-اۋ دەپ ويلايمىن»، - دەيدى زەرە ٴرولىن سومداعان اكتەر گۇلجان اسپەتوۆا.

ايتا كەتەيىك، سپەكتاكلدىڭ پرەمەراسى قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا بۇگىن دە وتەدى.

فوتو: ابزال قاليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي