BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

زەرە وبرازى تۇڭعىش رەت تەاتردا ساحنالانباق

قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى تامىز ايىنىڭ 23-24 كۇندەرى «زەرە» اتتى درامانىڭ پرەمەراسىن ۇسىنادى. بۇل زەرە وبرازىنىڭ تۇڭعىش رەت قازاق ساحناسىنا شىعۋى. بۇل تۋرالى اتالعان تەاتردىڭ باسشىسى baq.kz اقپارات اگەنتتىگىنىڭ تىلشىسىنە بەرگەن سۇحباتىندا ايتتى.

«زەرە» سپەكتاكلىنىڭ اۆتورى – اقىن ۇلىقبەك ەسداۋلەتوۆ. رەجيسسەرى – قازاقستاننىڭ ەڭبەك سىڭىرگەن قايراتكەرى، پروفەسسور نۇرقانات جاقىپباي. ال قويۋشى سۋرەتشىسى – بەرىك بۋربايەۆ.

«زەرە وبرازى بۇرىن-سوڭدى قازاق ساحناسىنا شىقپاعان. قازىرگى تاڭدا قازاق ساحناسىنا انا وبرازىن الىپ شىعۋ وتە وزەكتى دەپ ويلايمىن. ويتكەنى، سوڭعى كەزدە قوعامدا بولىپ جاتقان تاستاندى بالا، قىزدار تاربيەسى ٴبىزدىڭ شىعارماشىلىق ۇجىمعا قاتتى اسەر ەتىپ وتىر. «ەل بولام دەسەڭ بەسىگىڭدى تۇزە» دەيدى عوي، بەسىكتى تەربەتەتىن، بالانى تاربيەلەيتىن ول – انا. سوندىقتان دا ٴبىز وسى «زەرە» سپەكتاكلىن ساحنالاۋدى ٴجون كوردىك. زەرە ٴرولىن تەاترىمىزدىڭ بەلگىلى اكتريساسى گۇلجان اسپەتوۆا سومدايدى. بۇل ٴبىر جاعىنان قازاقستاننىڭ حالىق ٴارتىسى گۇلجان اسپەتوۆانىڭ ساحناداعى 50 جىلدىق ەڭبەگىنە جاسالعان ۇلكەن سىي»، - دەدى قاليبەك قۋانىشبايەۆ اتىنداعى قازاق مۋزىكالىق دراما تەاترىنىڭ ديرەكتورى ايبولات سەكسەنبايەۆ.

تەاتر باسشىسىنىڭ ايتۋىنشا، «زەرە» سپەكتاكلىندە قۇنانباي ٴرولىن سىرىم قاشقابايەۆ، اباي ٴرولىن جانات وسپانوۆ سومدايدى.

«سپەكتاكلدە زەرەنىڭ كەلىن بولىپ تۇسكەنىنەن قارتايعانعا دەيىنگى شاعى قامتىلادى. وندا تەك زەرەنىڭ انا رەتىندەگى بەينەسى عانا ەمەس، سونداعى قازاق قوعامىنا اقىلشى رەتىندە دانا بولعانىن كورسەتتىك دەپ ويلايمىن»، - دەيدى تەاتر باسشىسى ايبولات جانعالي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي