BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزدىڭ دا، ٴسابيدىڭ دە داۋسىن سالاتىن جىگىت جۇرتتى تاڭعالدىردى

ەر ادامنىڭ دا، ايەل ادامنىڭ دا داۋىسىن اينىتپاي سالاتىن تالدىقورعاندىق جىگىت youtube الەۋمەتتىك جەلىسىندە جۇلدىزعا اينالدى، دەپ حابارلايدى baq.kz ٴتىلشىسى.

ۆيدەوعا ٴتۇسىرىپ تۇرعان كۋاگەردىڭ قويعان سۇراقتارىنا جاۋاپ بەرگەن مىنا جىگىت، ايتۋىنشا، 92 جىلعى. تالدىقورعاننىڭ №16 مەكتەبىن 9-سىنىپتان كەيىن ٴبىتىرىپ، مەديسينالىق كوللەدجگە تۇسكەن. كەيىن ەكى جىلدان سوڭ زاڭ كوللەدجىنە اۋىسىپ، ٴبىتىرىپ شىققان. ٴقازىر نەمەن اينالىساتىنى بەلگىسىز.

ونىڭ ەرەكشە ونەرىنە ٴتانتى بولعان ۆيدەو اۆتورى «سەندەي ادام تابۋ قيىن عوي، تەاترعا نەگە بارمايسىڭ؟» دەپ كەڭەس بەردى.

وعان: «جاقىندا بارىپ-قايتقام تەاترعا. ول جاقتا «ٴوز ادامدارىمىز بار، باسقا ادامدار المايمىز» دەدى. سودان قايتادان قايتىپ كەلدىم. قۇدايدىڭ جازعانى بولار»، - دەپ جاۋاپ قاتتى ونەرلى جىگىت.

ۆيدەودان كورگەنىمىزدەي، جاس جىگىت ٴسابيدىڭ جىلاعان داۋسىن، سونداي-اق كىشكەنتاي بالا مەن ايەل ادامنىڭ داۋسىن كەلتىرە الادى. ٴتىپتى، ۇياتسىز دىبىستاردى دا اينىتپاي سالاتىن قابىلەتى بار. اڭگىمە اراسىندا داۋىس تەمبرىن مىڭ قۇبىلتىپ، بىرنەشە اداممەن سويلەسىپ تۇرعانداي اسەر قالدىرادى.

وسى ۆيدەوعا پىكىر قالدىرۋشىلاردىڭ ٴبىرى جىگىتتىڭ ونەرىنە ٴتانتى بولسا، ٴبىرى «ىشىنە جىن كىرىپ كەتكەن» دەپ توپشىلاۋدا.

ەسكەرتۋ، ۆيدەودا بەيادەپ سوزدەر مەن دىبىستار بار!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي