BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

ۇلتتىق وپەراعا ستۋدەنتتەردى، اعايىن-تۋىستاردى اپارىپ، وتىرعىزىپ قوياتىنبىز – مينيستر

فوتو: ашық дереккөзден

استانا، baq.kz ٴتىلشىسى. قر مادەنيەت جانە سپورت ٴمينيسترى ارىستانبەك مۇحامەدي ۇلى ۇلتتىق وپەرالارعا دەگەن سۇرانىستىڭ ارتىپ كەلە جاتقانىن ايتتى.

«بۇگىنگى تاڭدا ٴبىزدىڭ تەاترلار كورەرمەندەردىڭ ۇلكەن ىقىلاسىنا، نازارىنا يە ەكەنىن اۋىز تولتىرىپ ايتا الامىن. «استانا وپەرادا» بارلىق سپەكتاكلدەردىڭ بيلەتتەرى ەكى اي بۇرىن ٴوتىپ كەتەدى. بۇدان بۇرىن ۇلتتىق وپەرالاردىڭ رەپەرتۋارىن ساقتاۋ ٴۇشىن شىنى كەرەك، زالعا ستۋدەنتتەردى قۋىپ تىعاتىنبىز. سەبەبى، ەگەر وپەرا تابىسقا يە بولماسا، ونى رەپەرتۋاردان الىپ تاستاۋى كەرەكتىگى تۋرالى تالاپ بار»، - دەدى مينيستر ۇكىمەتتىڭ ٴباسپاسوز ورتالىعىندا وتكەن بريفينگ بارىسىندا.

ٴمينيستردىڭ ايتۋىنشا، بىزدە اينالدىرعان ٴۇش-تورت ۇلتتىق وپەرا بار.

«ولاردى رەپەرتۋاردان الىپ تاستاساق جارامايدى عوي. سول ٴۇشىن ٴبىز امالدىڭ جوقتىعىنان ستۋدەنتتەردى، اعايىن-تۋىستاردى اپارىپ، «مىنەكەي، كورەرمەن كەلدى» دەپ وتىرعىزىپ قوياتىنبىز. ال قازىرگى تاڭدا ەڭ ٴبىرىنشى كەزەكتە ۇلتتىق وپەرالاردىڭ بيلەتتەرى ٴوتىپ جاتىر. «اباي» وپەراسى، «ٴبىرجان سارا»، «قىز-جىبەك» وپەراسىنا كەلۋشىلەر جەتەرلىك. قىزىقتى بولعاننان كەيىن حالىق وپەراعا كەلەدى. ال ەگەر دە جوعارى دەڭگەيدە بولماسا، قازىرگى ۋاقىتتا كورەرمەندى تەاترعا كۇشتەپ اپارا المايسىڭ»، - دەدى ارىستانبەك مۇحامەدي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي