BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۋكراينالىق سۋرەتشى استانا مەرەيتويىنا ارناپ نازاربايەۆتىڭ سۋرەتىن سىزدى

ۋكرايندىق سۋرەتشى ناتاليا مكرتچياننىڭ جەكە كورمەسىندە العاش رەت پرەزيدەنت نۇرسۇلتان نازاربايەۆتىڭ پورترەتى قويىلدى، دەپ حابارلايدى baq.kz اقپارات اگەنتتىگى.

24.kz ارناسىنىڭ مالىمەتىنە قاراعاندا، بۇل تۋىندى استانانىڭ 20 جىلدىعىنا ارنايى سالىنعان.

ناتاليا بۇگىندە قىرىقتان استام كارتينانىڭ اۆتورى. جانە شىعارمالارىنىڭ باسىم بولىگى شىنايى، جانرلىق كارتينالار مەن پورترەتتەن تۇرادى. شىعارماشىل تۇلعا ٴوز جۇمىستارىندا ماي جانە اكريلدى قولدانادى. ال سۋرەتتى تابيعي زىعىر ماتەريالىنا سالادى. سۋرەتشى قازاقستان پرەزيدەنتى نۇرسۇلتان نازاربايەۆتىڭ پورترەتىن سالۋدى بۇرىننان جوسپارلاپ جۇرگەن. نازاربايەۆتىڭ سيپاتتاماسىن تولىققاندى جەتكىزۋ ٴۇشىن قازاق ەلىنىڭ كوشباسشىسى جايلى كوپتەگەن ماتەريالداردى ىزدەپ، زەردەلەگەن ەكەن.

"كارتينانى ٴبىر اي ىشىندە سالىپ شىقتىم. تۋىندىم نۇرسۇلتان ٴابىش ۇلى نازاربايەۆتىڭ تۋعان كۇنى مەن استانا قالاسىنىڭ 20 جىلدىعىنا ارنالادى. ۋكرايندىق رەتىندە ەكى ەل اراسىنداعى قاتىناستى نىعايتۋ ٴۇشىن ٴوز ۇلەسىمدى قوسقىم كەلدى. بولاشاقتا قازاقستان جايلى بىرنەنە شىعارمانى سالۋ ويىمدا بار. جانە ونى مىندەتتى تۇردە كورمەگە قوياتىن بولامىن. وسى ورايدى ٴوزارا ىنتىماقتاستىعىمىز ارتا بەرسىن دەگىم كەلەدى" - دەيدى سۋرەتشى، ن.نازاربايەۆ پورترەتىنىڭ اۆتورى ناتاليا مكرتچيان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي