BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركيادا قازاقتىڭ ۇلتتىق اسپابىن ناسيحاتتاپ جۇرگەنىمدى ماقتان تۇتامىن – سەدات سولاكوعلى

سەدات سولاكوعلى 1980 جىلى ىستامبۇل قالاسىندا دۇنيەگە كەلگەن. ۇلتى – قىرىم تاتارى. جەرگىلىكتى «كەنت» وركەسترىنىڭ ونەرپازى. «قازاق مادەنيەتى» قوعامىندا 10 جىلدان بەرى قازاق جاستارىنا دومبىرا ساباعىن بەرەدى. كوپتەگەن xالىقارالىق، رەسپۋبليكالىق سايىستاردىڭ لاۋرەاتى. دومبىرادان باسقا باعلاما اتتى تۇرىك اسپابى، ۋد اسپابى جانە ساكسوفوندا وينايدى. baq.kz ٴتىلشىسى تۇركياعا ساپارىندا دومبىرا كۇمبىرىنە عاشىق بولعان سەدات بەيمەن اڭگىمەلەسىپ كەلدى.

دومبىرانىڭ كۇمبىرىنە قاتتى قىزىقتىم

دومبىرانى قالاي ۇيرەنگەنىمدى قىسقاشا ايتايىن. بالا كەزىمدە تۇرىكتىڭ باعلاما دەگەن اسپابىن ۇيرەنۋگە باردىم. سول كەزدە 80-دەگى اجەم «بالام، دومبىرا تارت» دەيتىن. 10-11 جاسىمدا دومبىرانىڭ نە ەكەنىن بىلمەيمىن. قارت بولعان سوڭ سەبەبىن سۇرامادىم. جىلدار ٴوتتى. ليسەيدە وقىپ جۇرگەندە تۇركى دۇنيەسى وركەسترىنە باردىم. سول كەزدە تۇركيا قازاعى دومبىرامەن قازاقشا ٴان ايتتى. 4-5 جىل بۇرىنعى اجەمنىڭ دومبىرا تۋرالى ايتقانى قۇلاعىمدا قالعان. مۇعالىمنەن قالاي كۇي تارتۋعا بولاتىنىن سۇرادىم. ول كىسى تۇركياعا قىتايدان كوشىپ كەلگەن قازاق ەكەن. سول كەزدەن قىزىعۋشىلىق باستالدى. دومبىرانىڭ كۇمبىرى قاتتى ۇناعان سوڭ قازاقستاندا ٴبىلىم الامىن دەپ ماقسات قويدىم. 2002 جىلى ىستامبۇل باس ەلشىلىگىنە قازاقستانعا قالاي بارۋعا بولاتىنىن ٴبىلۋ ٴۇشىن باردىم. ولار حقتۋ دەگەن ۋنيۆەرسيتەتتىڭ بارىن ايتىپ، سول جاققا تاپسىر دەدى. تۇركياعا ديپلومى جارايدى ەكەن. تاپسىردىم، 2003-2008 جىلدارى «مۋزىكالىق ٴبىلىم» ماماندىعىندا وقىدىم. ۇستازىم ايگۇل ۇلكەنبايەۆامەن 2003 جىلى تانىستىم. ودان كەيىن تۇركياداعى ساكاريا ۋنيۆەرسيتەتىندە ماگيستراتۋراسىن ٴتامامدادىم. بۇل جەردە «تۇرىك حالىقتارى كۇي ونەرى جانە قازاق تۇرىكتەرىنىڭ كۇي ٴداستۇرى» اتتى تاقىرىپتا ديسسەرتاسيا قورعادىم. ٴومىرىمنىڭ سوڭىنا دەيىن ەندى وسى دومبىرانى ارقالاپ جۇرەمىن. قازاقستاننان دا ٴبىراز ونەرپازبەن ارالاسىپ تۇرامىز. ولار تۇركياعا كەلسە مەنى ىزدەيدى، مەن قازاقستانعا بارسام ولاردى ىزدەيمىن. ٴجيى-جيى كونسەرتتەرگە بارىپ تۇرامىز. وسى جازدا «استانا-ارقاۋ» ٴداستۇرلى تۇرىك مۋزىكاسى فەستيۆالىنە قاتىستىم.

دومبىرا تۋرالى كوپ ىزدەندىم

2008 جىلدان باستاپ «قازاق مادەنيەتى» قوعامىندا دومبىرا ۇيىرمەسى تۇراقتى جۇمىس ىستەيدى. سول جەردە ٴبىر جىلداي ساباق بەردىم. ٴقازىر ىستامبۇلدا كوبىنەسە تۇركياداعى قازاق بالالارىنا دومبىرا شەرتۋدى ۇيرەتەمىن. 2014 جىلى 26 ماۋسىمدا دومبىرا كۋرسى العاشقى تۇلەكتەرىن دايىنداپ شىعاردى. نوتامەن ۇيرەتەمىز. ٴبىراز شاكىرتىم بار. دومبىرا تارتىپ، كۇيلەر، اندەر ورىنداپ ٴجۇر. بيىل بۇيىرسا جاڭادان توپ اشامىز. مۇمكىن ساكاريادا دا اشىلىپ قالار. دومبىرا ۇيرەنۋشىلەرگە ارنالعان ادىستەمەلىك ەڭبەكتى قازاقشادان تۇرىكشەگە اۋدارىپ جاتىرمىز. ٴبىلىم مينيسترلىگىنىڭ بەكىتۋىمەن باسپادان شىعادى دەگەن ويدامىن. قازاقستاننان كەلەتىن دومبىراشىلارعا دا جول اشىلىپ جاتىر. تۇركىستاندا وقىعان كەزدە ۋنيۆەرسيتەتتەگى وقىتۋشىلارمەن عانا جۇمىس ىستەمەدىم. شىمكەنتكە، كەنتاۋعا، قىزىلورداعا دا باردىم. ىزدەندىم. 2003 جىلى الماتىعا بارعان كەزدە قۇرمانعازى وركەسترىندە جۇمىس ىستەگەن داۋرەن ٴالىمباي دەگەن اعام دومبىرادان العاشقى ۇستازىم بولدى. دومبىرا الماتىدا جاسالعان. دومبىرام كوپ، پسيحولوگيالىق كوڭىل-كۇيىمە بايلانىستى قولدانامىن. قولىمداعى دومبىرا كۇيگە ارنالعان، داۋىسى قاتتى ەمەس، ٴجاي شىعادى. انگە ارنالماعان.

قازاق ٴتىلىن قالاي ۇيرەندىڭىز دەيسىز بە؟ تۇركيادا جەڭىل سوزدەردى ۇيرەندىم، 1995 جىلدان باستاپ تۇركياداعى قازاقتارمەن ارالاستىم. قازاقستانعا بارعاندا قازاق ٴتىلىن تەز ۇيرەنىپ كەتتىم.

ساكارياداعى قازاق ستۋدەنتتەرىمەن قالاي تانىستىم؟

ساكارياداعى قازاق ستۋدەنتتەرى تاۋەلسىزدىكتىڭ 24 جىلدىعىن ۇيىمداستىرىپ جاتىر ەكەن. ساكاريا اكىمشىلىگىندەگى قالالىق وركەستردە جۇمىس ىستەيتىن كەزىم. قازاقستاندا ٴبىلىم الىپ كەلگەن مەنى مۇحيتجان اتتى ستۋدەنت ىزدەپ كەلدى. العاش رەت ۇيىمداستىرعاندىقتان مەرەكە كەرەمەت ٴوتتى. بيىل دا 16 جەلتوقساندا اتاپ وتەمىز. الماتىداعى وركەستردەن 22 ونەرپاز كەلەيىن دەپ جاتىر.

تۇركيادا ٴبىراز ستۋدەنتتەردى تانيمىز، ستامبۋلدا، انكارادا كوپ. ارينە ٴبارى جاقسى، ٴبىراق ساكارياداعى ستۋدەنتتەر ەرەكشە، قازاقي، قارىم-قاتىناستارى كەرەمەت. ٴجيى-جيى جينالىپ، قازاقتىڭ ٴسالت-داستۇرىن ساقتاپ، ناسيحاتتاپ جۇرەمىز. بيلىكتەگى ٴلازيزا اپاي مەن قازاق ستۋدەنتتەرىنىڭ باسشىسى جاراس قازاق ستۋدەنتتەرىن باسقارىپ وتىر (كۇلدى).

قازاقتىڭ كيەلى دومبىراسى مەنى تۇركياعا تانىتتى. قوس باۋىرلاس ەلدىڭ اراسىندا دانەكەر بوپ، قازاقتىڭ ۇلتتىق اسپابىن تۇركى الەمىندە ناسيحاتتاپ جۇرگەنىم ٴۇشىن قۋانىشتىمىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي