BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركيادا « ۇلى دالا رۋحى» كورمەسى وتۋدە

استانا، baq.kz. تۇركيانىڭ بۋرسا قالاسىنداعى كوش تاريحي مۋزەيىندە «رۋحاني جاڭعىرۋ» باعدارلاماسىنىڭ اياسىندا « ۇلى دالا رۋحى» كورمەسى اشىلدى. ول حح ع.اياعى – ححi ع. باسىنداعى قازاقستاندىق سۋرەتشىلەردىڭ 32 كەسكىندەمەلىك جانە گرافيكالىق جۇمىستارىن ۇسىنادى.

كورمەنى قر مادەنيەت جانە سپورت مينيسترلىگىمەن، حالىقارالىق تۇركسوي ۇيىمىمەن جانە ٴا. قاستەەۆ اتىنداعى قر مەملەكەتتىك ونەر مۋزەيىمەن ۇيىمداستىرىلعان. مۇنىڭ الدىندا كورمە 14 قاراشادان 24 قاراشاعا دەيىن تۇركيانىڭ استاناسى انكارادا ٴساتتى ٴوتتى.

بۋرسا – تۇركياداعى كولەمى جاعىنان ستامبۋل، انكارا، يزميردەن كەيىنگى ٴمارمار تەڭىزىنىڭ جاعالاۋىنا جاقىن ۋلۋداگ تاۋىنىڭ ەتەگىندە ورنالاسقان ٴتورتىنشى قالا. بۋرسا قالاسى ب.ز.د. 2 عاسىردا ۆيفينيا وبلىسىندا قۇرىلدى جانە وركەندەۋشى مەگاپوليسكە اينالدى. مۇنداي وركەندەۋگە اتاقتى ۇلى جىبەك جولىنىڭ ٴوتۋى ۇلكەن ىقپال ەتتى. 14 عاسىرعا شەيىن مۇندا ۆيزانتيالىقتار بيلىك جۇرگىزدى، كەيىن ولاردى سەلجۇقتار ىعىستىرىپ بۋرسانى وسمان يمپەرياسىنىڭ العاشقى استاناسىنا اينالدىردى. بۋرسا ٴوزىنىڭ مەشىتتەرىمەن، وسمان يمپەرياسىنىڭ ەرتە كەزدەگى مونۋمەنتتەرىمەن، كوپتەگەن ساياباقتارى مەن ادەمى تاۋ بوكتەرىندەگى ورماندارىمەن تانىمال. xiv عاسىرداعى ٴ ۇلى-جامي مەشىتى (ۇلكەن مەشىت) سەلجۇق ستيلىندەگى 20 كۇمبەزى مەن قاقپاسىمەن وزىنە نازار اۋدارتادى.

تۇركى مادەنيەتىنىڭ حالىقارالىق ۇيىمى (تۇركسوي) تۇركى ەلدەرىنىڭ ادەبيەتى مەن ونەرى سالاسىندا تۇركى مۇراسىن ساقتاۋ مەن تۇركى حالىقتارىنىڭ نىعايۋىنا باعىتتالعان كوپتەگەن جوبالاردى جۇزەگە اسىرىپ كەلەدى. 2008 جىلدان باستاپ بۇگىنگە دەيىن تۇركى مادەنيەتىنىڭ حالىقارالىق ۇيىمىنىڭ (تۇركسوي) باس حاتشىسى قازاق مۋزىكانتى، پروفەسسور، ديپلومات ٴارى قوعام قايراتكەرى دۇيسەن قوراباي ۇلى قاسەينوۆ بولىپ تابىلادى.

ٴا. قاستەەۆ اتىنداعى قر مەملەكەتتىك ونەر مۋزەيى – قازاق بەينەلەۋ ونەرىنىڭ الەمدەگى ەڭ اۋقىمدى كوللەكسياسىنا يە قازاقستانداعى ٴىرى كوركەمسۋرەتتى مۋزەي. « ۇلى دالا رۋحى» كورمەسى كوشپەندىلەر مادەنيەتىنىڭ، قازاقتىڭ تۇرمىس ٴداستۇرى، ۇلتتىق ات-سپورتتىق ويىندارى، داستۇرلەرى مەن ادەت-عۇرىپتارىنىڭ بىرەگەي ەرەكشەلىگىن كورسەتەدى. ول قازىرگى زامانعى تۇركىتىلدەس ەلدەردىڭ بەينەلەۋ ونەرى، وتكەنگە، تاريحقا، ونىڭ اۋماعىندا بولعان ەجەلگى وركەنيەتتەرگە، قازىرگى زامانعى ادامزات پروبلەمالارىنا جانە رۋحاني ىزدەنىستەرگە دەگەن ۇلكەن قىزىعۋشىلىعىنىڭ ايقىن ۇلگىسى بولىپ تابىلادى.

32 كەسكىندەمە جانە گرافيكا تۋىندىلارى تۇرىك كورەرمەندەرى مەن بۋرسانىڭ قوناقتارىن قازاقستاندىق ەۆگەنيي سيدوركين، ٴابدىراشيت سىدىحانوۆ، دۋلات اليەۆ، عاني بايانوۆ، باحىت باپيشەۆ سىندى ونەر شەبەرلەرىنىڭ، سونداي-اق مارات بەكەەۆ، شاميل گۋليەۆ، نەللي بۋبە، اسقار ەسداۋلەت، الماگۇل مەڭلىبايەۆا، اندرەي نودا، گۇلجامال تاگەنوۆا، الپىسباي قازىعۇلوۆ جانە ۆياچەسلاۆ ليۋي-كو سياقتى قىزىقتى زاماناۋي سۋرەتشىلەردىڭ شىعارماشىلىعىمەن تانىستىرادى.

«كورمە قازاقستاننىڭ زاماناۋي ونەرىنىڭ كەڭ ستيليستيكالىق ارتۇرلىلىگىن ۇلتتىق بوياۋى مەن وزىندىك ەرەكشەلىگىن ايقىن كورسەتە وتىرىپ، كورنەكى تۇردە ۇسىنادى. ٴا. قاستەەۆ اتىنداعى ونەر مۋزەيى شەتەلدىك كورمەلەردى ٴار ٴتۇرلى ەلدەردە ۇيىمداستىرۋ ارقىلى، قازاق ونەرىن حالىقارالىق دەڭگەيگە كوتەرىپ، الەمدى ٴتول مادەنيەتىمىز، تاريحىمىز بەن بەينەلەۋ ونەرىمەن تانىستىرادى»، دەدى مۋزەي ديرەكتورى، پروفەسسور گۇلميرا شالابايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي