BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان وبلىسى ەلوردا ارتيستەرىن قارسى الادى

ەلوردالىق ارتىستەر استانانىڭ 20 جىلدىق مەرەيتويىنا وراي بۇكىل ەلدى ارالاپ، ٴوز ونەرلەرىن بارشا قازاقستاندىقتارعا پاش ەتۋدە. شىلدەنىڭ ٴ28-ى مەن 30-ى ارالىعىندا تۇركىستان وبلىسىندا استانا كۇندەرى وتەدى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

ادەتتەگىدەي، گاسترولدىك ٴۇش كۇندە جەرگىلىكتى تۇرعىندار تاۋەلسىزدىك سارايى ۇيىمداستىرعان «اق تىلەكپەن، استانا!» كورمەسىن تاماشالاي الادى. ەكسپوزيسيادا قازاقستاننىڭ كەرەمەت 50 سۋرەتشىسىنىڭ ەرەكشە 100-دەن اسا ەڭبەگى كوپشىلىك نازارىنا ۇسىنىلادى. كورمە ساعات 10:00-دەن 18:00-گە دەيىن شىمكەنتتە بەينەلەۋ ونەرى مۋزەيىندە وتەدى.

تەاتر سۇيەر قاۋىم ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ترۋپپاسىن قويىلىمدارىنا ٴوز باعاسىن بەرەدى. 28 شىلدەدە ساعات 19:00-دە، شىمكەنتتە، وبلىستىق ورىس دراما تەاترىندا قانات ٴجۇنىسوۆتىڭ «ساكەن-سۇڭقار» تاريحي دراماسى كورسەتىلەدى. قويۋشى رەجيسسەرى قر ەڭبەك سىڭىرگەن قايراتكەرى الىمبەك ورازبەكوۆ، قويۋشى-سۋرەتشى بەرىك بورىبايەۆ. اتالعان قويىلىم ۇلى اقىن، جازۋشى، دارىندى دراماتۋرگ، پەداگوگ ساكەن سەيفۋلليننىڭ جارقىن، ادىلدىك ٴۇشىن كۇرەسكە تولى ٴومىرى جايلى ايتىلادى. ول ٴوز حالقىنىڭ قورعاۋشىسى، بوستاندىق پەن ادىلدىك، بارشا قازاق حالقىنىڭ جارقىن بولاشاعى ٴۇشىن كۇرەسكەر. ٴبىراق تاعدىر قاتىگەز، ول ومىردەن جاستاي كەتتى. ساحنادا ساكەننىڭ ٴرولىن تەاتر مەن كينونىڭ تانىمال اكتەرى سىرىم قاشقابايەۆ، ال اكتريسا التىناي نوگەربەك قازاق جازۋشىسىنىڭ جۇبايى گۋلباحرامنىڭ ٴرولىن سومدايدى. بۇدان باسقا، سپەكتاكلدە بولات ىبىرايەۆ احمەت بايتۇرسىنوۆتى وينايدى.

كەلەسى كۇنى وسى ۋاقىتتا ەلوردالىق اكتەرلەر سەرىك تۇرعىنبەك ۇلىنىڭ «ٴشامشى» اتتى ەلەگياسىن كورسەتەدى. سپەكتاكلدىڭ قويۋشى-رەجيسسەرى قر ەڭبەك سىڭىرگەن قايراتكەرى بولات ۇزاقوۆ، قويۋشى-سۋرەتشىسى – قر مادەنيەت قايراتكەرى قانات ماقسۇتوۆ، باس حورمەيستەر – قر ەڭبەك سىڭىرگەن قايراتكەرى امانتاي جۇماشەۆ. 300-دەن اسا شىعارمانىڭ اۆتورى ٴشامشى قالداياقوۆ – قازاق حالقىنىڭ ۇلى كومپوزيتورى، ٴوز ۇرپاقتارىنا باي مۋزىكالىق مۇرا قالدىرعان دارا تۇلعا. ۆالس كورولى نە جايلى ويلادى، نەنى ارماندادى؟ ونى نە تولعاندىردى؟ وسى جانە باسقا دا كوپتەگەن سۇراقتارعا جاۋاپتى قاللەكي تەاترىنىڭ ارتىستەرى جاۋاپ بەرەدى. ۇلى كومپوزيتوردىڭ ٴرولىن نۇركەن وتەۋىلوۆ سومدايدى. ايتا كەتەرلىك جايت، قويىلىم بارىسىندا بارلىق كومپوزيسيالاردى اكتەرلەر وزدەرى ورىندايدى.

مۇنىمەن قوسا، وڭتۇستىك-سيرك كۇمبەزىنىڭ استىندا ٴۇش كۇن بويى استانالىق سيرك ارتىستەرى ونەر كورسەتەدى. قويىلىمداردىڭ باستالۋى ساعات 18:00-دە. كورەرمەندەر سيگۆەيدەگى ەكۆيليبريستەردى، ۇيرەتىلگەن يتتەردى، جولبارىستاردى، كوگەرشىندەردى، كۇلكىلى سايقىمازاقتاردى جانە تب. نومەرلەردىتاماشالايدى. «سۇيىسپەنشىلىكپەن، استانا!» اتتى كەرەمەت سيرك باعدارلاماسىندا ٴتۇرلى سيقىرلىقتى دا كورۋگە بولادى.

28 شىلدە ساعات 19:00-دە شىمكەنتتە «تۇركىستان» كونسەرت زالىندا ارتىستتەر ەلوردالىق دەلەگاسيا بولىپ قايتقان بارلىق قالالاردا وتكەن «استانادان اق تىلەك!» اتتى گالا-كونسەرت قويادى. ساحنا تورىندە «قورقىت» ٴداستۇرلى مۋزىكا توبى، «شالقىما» حالىق ٴبيى ٴانسامبلى، ەسترادالىق بي ٴانسامبلى، كلاسسيكالىق، ەسترادالىق جانە حالىق ۆوكالىنىڭ سوليستەرى ونەر كورسەتەدى. بۇدان باسقا، كلارا تولەنبايەۆا، مارجان اراپبايەۆا، التىناي جورابايەۆا، اسقار جايلاۋبايەۆ، باۋىرجان يسايەۆ، دوس جانە الماس كىشكەنبايەۆ سىندى وتاندىق ەسترادا جۇلدىزدارى دا ٴان شىرقايدى.

ايتا كەتەيىك، كورەرمەندەردى بارىنشا قامتۋ ماقساتىندا «استانادان اق تىلەك!» گالا-كونسەرتى 30 شىلدە ساعات 18:00-دە تۇركىستان قالاسىندا ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ كونسەرت زالىندا دا كورسەتىلەدى.

29 شىلدەدە ساعات 19:00-دە شىمكەنت قالاسىنىڭ تۇرعىندارى تاعى دا ٴبىر مۋزىكالىق شارانى تاماشالاي الادى. «تۇركىستان» كونسەرت زالىندا «ەلوردادان ەلگە سالەم! الپامىس» كونسەرتتى وتەدى. كەش بارىسىندا استانا قالاسىنىڭ مەملەكەتتىك اكادەميالىق فيلارمونياسىنىڭ قازاق وركەسترى، «شالقىما» حالىق ٴبيى ٴانسامبلى، ەسترادالىق بي ٴانسامبلى، سونداي-اق كلاسسيكالىق، ەسترادالىق جانە حالىق ۆوكالىنىڭ سوليستتەرى ونەر كورسەتەدى.

سونىمەن قاتار، 29 شىلدەدە شىمكەنتتە ق.مۇڭايتپاسوۆ اتىنداعى ورتالىق ستاديوننىڭ شارشى الاڭىندا استانا مەن تۇركىستان وبلىستارىنىڭ قۇراما كوماندالارى اراسىندا كيكبوكسينگتەن ماتچتىق كەزدەسۋ وتەدى. جارىس جەڭىمپازدارى مەن جۇلدەگەرلەرى ەستەلىك گراموتالارمەن جانە مەدالدارمەن ماراپاتتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي