BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇرىكسوي جىلدى قورىتىندىلادى

استانا، baq.kz ٴتىلشىسى. تۇركيانىڭ كاستامونۋ قالاسىندا تۇركسوي ەلدەرى مادەنيەت مينيسترلەرىنىڭ 36-وتىرىسى ٴوتتى.

جيىندا وتكەن جىلى جاسالعان جۇمىستاردىڭ قورىتىندىسى شىعارىلدى.

سونىمەن قاتار اتالعان شاھارداعى «اتاتۇرىك» سپورت كەشەنىندە «كاستامونۋ – تۇركى الەمىنىڭ مادەني استاناسى» اتتى كونسەرت ۇيىمداستىرىلدى. ٴىس-شاراعا قازاقستان، ازەربايجان، تۇركيا، وزبەكستان، قىرعىزستان، رەسەي فەدەراسياسى قۇرامىنداعى رەسپۋبليكالاردان: باشقۇرتستان، قاباردين-بالقار، تاتارستان، تۋۆا; گاگاۋزيا (مولدوۆا)، سەربيا، بولگاريا ەلدەرىنىڭ شىعارماشىلىق ۇجىمدارى قاتىستى.

ال قازاقستاندىق دەلەگاسيانىڭ تۇركياعا ساپارىن قر مادەنيەت جانە سپورت مينيسترلىگى ۇيىمداستىردى.

ٴىس-شارا اياسىندا قازاقستاندى ٴانشى ayree تانىستىردى. ول ابايدىڭ «جەلسىز تۇندە جارىق-اي» اتتى شىعارماسىن ورىندادى.

«وسى شاراعا قاتىسقانىما وتە قۋانىشتىمىن. اۋقىمدى ٴىس-شارادا قازاقستاندى تانىستىرۋ – مەن ٴۇشىن ۇلكەن قۇرمەت. مەن كەرەمەت اسەر الدىم! ٴبىزدى تەك مۋزىكا عانا ەمەس، مادەنيەت تە بايلانىستىرادى»، - دەپ اتاپ ٴوتتى قازاقستاندىق ٴانشى.

اتالعان شارادا تۇراقتى كەڭەستىڭ 36-شى وتىرىسىنىڭ شەشىمىنە سايكەس تۇركى الەمىنىڭ مادەني استاناسى-2019 تۋى مەن نىشانى وش قالاسىنا (قىرعىزستان) بەرىلدى.

ايتا كەتەيىك، تۇركى الەمىنىڭ مادەني استاناسىن تاڭداۋ – تۇرىكسوي حالىقارالىق ۇيىمىنىڭ 2010 جىلى ۇسىنعان باستاماسى. 2012 جىلى استانا قالاسى العاش رەت تۇركى الەمىنىڭ مادەني استاناسى اتاندى. بۇل اتاق ٴتۇرلى كەزەڭدەردە ەسكيشەحير، قازان، مارى، شەكي جانە تۇركىستان قالالارىنا بەرىلدى. ال وتكەن جىلدىڭ جەلتوقسان ايىندا تۇركىستان تۇركى الەمىنىڭ مادەني استاناسىنىڭ نىشاندارىن كاستامونۋ قالاسىنا تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي