BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇڭعىشبايلار شاشىلىپ جاتقانداي تۇتقىندايمىز...

تۇڭعىشباي مىرزا مەنىڭ اراشاما ٴزارۋ ەمەس، ول انىق. ٴبىراق بولماي قالعان ماسەلەدە «شۋ» ەتە قالاتىن بىزدەر، مىنانداي ىستە پوزيسيا كورسەتپەسەك، وندا ادامدىق ارىمىزعا سىن بولماق. و باستا باسىن اشىپ الايىق. مەن ول كىسىنىڭ شاكىرتى ەمەسپىن. ماعان ٴوتىپ كەتكەن جاقسىلىعى دا جوق. ەڭلىكگۇلىن المادىم. راس ەكى-ۇش فەستيۆالدا «ەڭ ۇزدىك ەر بەينەسىن» يەمدەنگەنىمدە ٴبىراز جىلى سوزدەر ايتقان. باسقا ارالاسىمىز جوق جاندارمىز. ٴبىراق ازامات رەتىندە وتە قاتتى سىيلايتىن ادامىم. تۇڭعىشباي اعا اكەم تەاتردا ديرەكتور بولىپ تۇرعاندا مەن جاڭادان وقۋ ٴبىتىرىپ تيۋزعا جۇمىسقا كىرىپ جاتقان كەزىم. توقىراۋدىڭ كەزىندە تەاتردى ىسكەرلىگىمەن دە، بەدەلىمەن دە، جاڭكەشتىلىگىمەن دە ورگە سۇيرەگەن تۇلعا ەكەنىن سول كەزدە كورسەتتى تۇقاڭ. قانشاما «قاڭعىپ» قالعان جاستارعا قولداۋ كورسەتىپ جۇمىسقا الدى. پاتەر بەرگىزدى. ازاماتتىق پا؟ البەتتە!

بۇل كىسىنىڭ ٴدۇت مىنەزىمەن كوپ ادامعا جاقپايتىنى دا، شىندىقتى ايتا سالام دەپ تالاي ۇرىنعانىن دا سوقىر ەمەستەر كورىپ، ٴبىلىپ كەلدىك. قازىرگى تاڭدا مادەنيەت سالاسىندا كوشى كولىكسىز قالعان، ەڭ بەيشارالار باسقا ەمەس اكتەرلار دەپ «قاقساپ» ٴجۇرىپ مىنا بىزدەردىڭ قامىمىزدى جەدى مە؟ جەدى!

ەشبىر مەملەكەتتىك قولداۋ جوق «ەڭلىكگۇل» نوميناسياسىنا تالاي ميلليونداردى تاپتى ما؟ تاپتى!

ەشكىم نازارعا المايتىن جەر-جەرلەردەگى تەاترلار قىزمەتكەرلەرىنە، ياعني بۋتافور، سۇرەتشىلەر، كوستيۋمەرلەر مەن جارىق بەرۋشىلەر، گريمەرلارعا ماراپات ۇلەستىرىلدى مە؟ ۇلەستىرىلدى.

وگەي ۇلدىڭ xالىندەگى ەشكىم تانىمايتىن پەريفەرياداعى اكتەرلار، ساپاسى جوعارى، «گليانستى» جۋرنالعا جارقىراپ شىقتى ما؟ شىقتى!

40-50 مىڭ ايلىقپەن ومىردەن باز كەشكەن «بايعۇستاردىڭ» ومىرىنە تيتتەي بولسا دا شۋاق ٴتۇسىردى مە؟ ٴتۇسىردى!

ال ەندى نە؟

«ەڭلىكگۇل» تاراتىلاردا قۇزعىنشا شۋلايتىن مەنىڭ ارىپتەستەرىم قايدا ٴقازىر؟ جوق! تالايى سمارتفوننىڭ ار جاعىندا باقىلاپ وتىر ما؟ وتىر!

وتىرا بەرسىن. قايتەدى ەندى. بىردەڭە دەسە باسى بالەگە قالۋى مۇمكىن. جوق دەگەندە ديرەكتوردان ۇرىس ەستىگىسى كەلمەيدى. جاقسى تۇسىنەم. ال مەن ۇردىم دا قول قويدىم!

مەن البەتتە تۇڭعىشبايداي تۇلعانى اسقاقتاتۋ ٴۇشىن، وزگەنى قارالاۋدان اۋلاقپىن. تۇقاڭ كىممەن ۇستاسادى، وندا شارۋام جوق. ٴبىراق ايتارىم مىناۋ. قانداي ەل بولدىق اعايىن؟ قانداي مەملەكەت قۇردى ٴبىزدىڭ اعالار؟ 60000000000-تان استام (60ميلليارد) اقشانى جوق قىلعان ەكس فينپول ٴۇيقاماقتا. ٴوز كينوسىنا اقشا تاۋىپ، «قوقىم» تەرگەن تۇقاڭ تۇتقىندا. 6 ادامدى قاعىپ، ەكەۋىن مەرت قىلعاندار بوستاندىقتا دا، اۋقات ٴۇشىن تاۋىق ۇرلاعان تۇرمەدە. نە بولدىق ٴبىز؟ مەن ٴتىپتى سوڭعى جاعدايلاردان كەيىن اكتەرمىن دەپ ايتۋعا ۇيالاتىن جاعدايعا جەتتىم. ەندىگى تىرلىگىمىز مىناۋ. تۇڭعىشبايلار شاشىلىپ جاتقانداي تۇتقىندايمىز. مازاقتايمىز. ٴوستىپ ٴجۇرىپ ولتىرەمىز، كورگە تىعامىز. سوسىن سىقسىڭداپ وتىرىك جىلايمىز. كينولارىن كورىپ ەسكە الامىز، تالانتىنا ٴتانتى بولىپ، ويىنىنا وماقاسا قۇلاپ، «پوسمەرتنو» قاھارمان قىلامىز. كەشىرەرسىزدەر، ەموسياما يە بولا الماي جاتسام دۇرىس تۇسىنىڭىزدەر.

ونەردەگى قاريالار اقساقالدىق تانىتۋدىڭ ورنىنا قيا تارتىپ، وزگەلەرى بۇرا تارتىپ، ٴوز بەدەلىن كۇلگە اۋناتقانمەن قويماي، كۇللى اكتەرلارعا زالال كەلتىردى. ۇيات ٴتىپتى. مەن ەرتەڭگى كۇننەن ۇيالام. تاريxتان. ٴبىز قالاساق تا، قالاماساق تا، ەرتەڭ تاريx ٴبارىمىزدىڭ «ٴبىر جەرىمىزدى» اشادى. سوندا ۇرپاق الدىندا ماسقارا بولۋدان ساقتانايىق. ٴوز اسىلدارىمىزدى ساقتايىق. تۇقا، ٴسىز اكتەر بولساڭىز، مەن دە اكتەرمىن. قاپا بولماڭىز، جالعىز ەمەسسىز! ٴبىز جوق دەگەندە ەكەۋمىز!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي