BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەگىن كونسەرت تاماشالاپ، تەگىن سمارتفون ۇتىپ الىڭىز

قازاق ەلىنىڭ تاۋەلسىزدىك مەرەكەسىنە وراي تۇركيا رەسپۋبليكاسىنىڭ قازاقستان رەسپۋبليكاسىنداعى ەلشىلىگى، يۋنۋس ەمرە اتىنداعى تۇرىك مادەنيەت ورتالىعى جانە تۇرىك ىنتىماقتاستىق جانە ۇيلەستىرۋ اگەنتتىگىنىڭ (tika) استانا كوورديناتورلىعى بىرلەسە وتىرىپ ۇلكەن تارتۋ جاساماقشى. 26 -27 قازاندا استانا قالاسىندا «تۇركيا كۇندەرى» وتەدى، دەپ حابارلايدى baq.kz ٴتىلشىسى.

بيىل قازاقستان رەسپۋبليكاسىنىڭ تاۋەلسىزدىگىنە جانە قازاقستان مەن تۇركيا اراسىنداعى ەكىجاقتى قاتىناستاردىڭ ورناعانىنا 25 جىل تولادى. وزدەرىڭىز بىلەتىندەي، قازاقستاندى العاش تانىعان مەملەكەت باۋىرلاس تۇركيا بولدى.

"كونسەرتكە تۇركيا رەسپۋبليكاسىنىڭ مادەنيەت جانە تۋريزم مينيسترلىگىنە قاراستى «انكارا تۇركى الەمى مۋزىكالىق ٴانسامبلى» ارنايى مەرەكەلىك رەپەتۋار دايىنداپ، اسەم قالا استانا جۇرتىن تۇرىك اۋەنىنە بولەيدى. 2 ساعاتقا سوزىلاتىن مەرەكەلىك كونسەرتتە تۇرىك اندەرى جانە بيلەرىمەن قوسا انادولى جۇرتىنان كەلەتىن ونەرپازدار قازاقشا شىعارمالار دا ورىندايدى" - دەيدى ۇيىمداستىرۋشىلار.

شاراعا قازاقستاننان تانىمال انشىلەر كامشات جولدىبايەۆا، ديماش قۇدايبەرگەنوۆ، گۇلنۇر ورازىمبەتوۆا جانە «حانزادا» توبى قاتىسادى. قازاقستاندىق ونەرپازدار تۇرىكشە، تۇركيالىق ونەرپازدار قازاقشا شىعارمالار ورىندايدى.

اتاپ ٴوتۋ كەرەك، كونسەرتتىك شارا تەگىن. تاعى ٴبىر ايتا كەتەتىن ٴجايت، كونسەرتكە كەلگەن كورەرمەندەر اراسىندا قولما -قول لوتورەيا ويناتىلىپ، تۇرىك اۋە جولدارى ىستامبۇل قالاسىنا بارىپ قايتۋ بيلەتى ۇسىنادى. سونداي-اق سمارتفون دا لوتورەياعا تىگىلەدى. جەڭىمپازداردى انىقتاۋ ماقساتىندا كونسەرتتەن بۇرىن لوتورەيا بيلەتى تاراتىلىپ، ٴساتتى نومەرلەر كونسەرت كەزىندە انىقتالادى.

«تۇركيا كۇندەرى» اياسىندا بۇدان تىس قازاننىڭ 27-ندە «وسمانلى داۋىرىندەگى ساراي كيىمدەرى دەفيلەسى» وتپەكشى. دەفيلەدە تۇركيانىڭ ادانا قالاسىندا ورنالاسقان قىزدار تەحنيكالىق قول ونەر ۋچيليششەسى دايىنداعان وسمانلى داۋىرىندە سارايدا كيىلگەن كيىم ۇلگىلەرى كورسەتىلەدى. اتالعان وقۋ ورنى ستيليستەرى 40 كيىم ۇلگىسىنەن تۇراتىن توپتاما دايىنداعان. بۇل توپتاما ىستامبۇلداعى توپكاپى جانە دولماباحچە سارايىندا ساقتالعان عاسىرلىق كيىمدەر نەگىزگە الىنا وتىرىپ تىگىلگەن" - دەيدى يۋنۋس ەمرە اتىنداعى تۇرىك مادەني ورتالىعىنىڭ قىزمەتكەرلەرى.

يۋنۋس ەمرە اتىنداعى تۇرىك مادەنيەت ورتالىعىنىڭ مالىمدەۋىنشە، استانا حالقى مەن قوناقتارى «تۇركيا كۇندەرى» اياسىندا 26 قازان كۇنى ساعات 19.00-دا كازمەديا كينوكونسەرت زالىندا «قازاقستان –تۇركيا دوستىق اۋەندەرى» اتتى كونسەرتتى تاماشالاي الادى.

استانا حالقى مەن قوناقتارىن 26 قازاندا بولاتىن «قازاقستان –تۇركيا دوستىق اۋەندەرى» كونسەرتىن تاماشالاۋعا شاقىرامىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي