BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەاتردىڭ 25 جىلدىعىنا وراي ساحنا ساڭلاقتارى قىزىل كىلەممەن ٴجۇرىپ ٴوتتى

فوتو: Ержан Жаубай

«استانا» كونسەرت زالىنىڭ ساحناسىندا قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ 25 جىلدىعىنا ارنالعان گالا-كونسەرت ٴوتتى، دەپ حابارلايدى baq.kz ٴتىلشىسى.

ەلوردا اكىمدىگىنىڭ قولداۋىمەن ۇيىمداستىرىلعان شاراعا مادەنيەت پەن ونەر سالاسىنىڭ كورنەكتى قايراتكەرلەرى، جاستار ۇيىمدارىنىڭ وكىلدەرى جانە ەلوردا تۇرعىندارى مەن قوناقتارى قاتىستى. مەرەكەلىك كونسەر باستالماس بۇرىن ساحنا مايتالماندارى وزدەرىنىڭ سۇيىكتى كورەرمەندەرىنىڭ الدىندا القىزىل كىلەمنىڭ ۇستىمەن ٴجۇرىپ ٴوتتى.

تەاتردىڭ شىعارماشىلىق ۇجىمىنا وركەندەۋ مەن جەمىستى جۇمىس تىلەگەن مەملەكەت باسشىسىنىڭ قۇتتىقتاۋ حاتىن استانا اكىمى اسەت يسەكەشەۆ سالتاناتتى جاعدايدا وقىپ بەردى.

«قاليبەك قۋانىشبايەۆ اتىنداعى تەاتر – استانانىڭ بەلگىلى جانە الدىنعى قاتارلى مادەنيەت ورتالىقتارىنىڭ ٴبىرى. تەاتر قىزمەت ەتكەن جىلدارى وتاندىق جانە الەمدىك دراماتۋرگيانىڭ ٴتۇرلى جانرداعى وزىق تۋىندىلارىن ساتىمەن ساحنالاپ، استانا كورەرمەندەرى مەن كەلۋشى قوناقتاردىڭ ىستىق ىقىلاسىنا بولەنىپ ۇلگەردى. قالا اكىمدىگى تەاتردىڭ دامۋىنا ەرەكشە كوڭىل ٴبولىپ وتىر جانە ونىڭ ارتيستەرىنە الەۋمەتتىك-ماتەريالدىق كومەك كورسەتۋدە. شىعارماشىلىق ۇجىمعا جاڭا بەلەستەردى باعىندىرۋدى تىلەيمىن»، – دەلىنگەن ەلباسىنىڭ قۇتتىقتاۋ حاتىندا.

پرەزيدەنت اماناتىن جەتكىزگەن اسەت ورەنتاي ۇلى قۇتتىقتاۋ حاتتى تەاتردىڭ كوركەمدىك جەتەكشىسى تالعات تەمەنوۆكە تابىس ەتتى.

مۇنان بولەك قر پارلامەنت سەناتى ٴتوراعاسى قاسىم-جومارت توقايەۆتىڭ، قر پرەمەر-مينيسترىنىڭ ورىنباسارى يمانعالي تاسماعامبەتوۆتىڭ جانە پارلامەنت ٴماجىلىسىنىڭ ٴتوراعاسى نۇرلان ٴنىعماتۋلليننىڭ قۇتتىقتاۋ حاتتارى وقىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي