BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەاتر مەرەيتويىنا وراي قاليبەك قۋانىشبايەۆقا ارنالعان ەسكەرتكىش-مۇسىن اشىلدى

قاليبەك قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنا بۇگىن 25 جىل تولدى. شيرەك عاسىردىڭ ىشىندە وركەن جايعان ونەر ورداسى بىرنەشە حالىقارالىق بايقاۋدا جۇزدەن جۇيرىك، مىڭنان تۇلپار شىقتى. ايگىلى ارتىستەرى ٴتۇرلى سىيلىقتارعا يە بولدى.

ايتۋلى كۇنمەن تەاتر ۇجىمىن قۇتتىقتاۋعا قازاقستان مەن رەسەيدىڭ بەلگىلى مادەنيەت قايراتكەرلەرى مەن حالىق ارتىستەرى كەلدى. مەرەيتويعا وراي تەاتر تاريحى تۋرالى كىتاپتىڭ تۇساۋكەسەر ٴراسىمى مەن قاليبەك قۋانىشبايەۆتىڭ ەسكەرتكىش-مۇسىنىنىڭ اشىلۋ سالتاناتى ٴوتتى.

تالعات تەمەنوۆ، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ كوركەمدىك جەتەكشىسى:

- بۇگىنگى قۋانىش – تەك قانا ٴبىزدىڭ تەاتردىڭ عانا ەمەس، قازاق مادەنيەتىنىڭ، قازاق ادەبيەتىنىڭ، قازاق رۋحانياتىنىڭ تويى. ويتكەنى مادەنيەت قاشاندا حالىققا ورتاق، جاقىن بولۋى ٴتيىس. ٴبىز – تاۋەلسىزدىكتىڭ ٴتول قۇرداسىمىز. ٴبىزدىڭ تەاتر بار بولعانى 25-تە. قازاق مۇنى «اي-حاي 25» دەپ ايتادى. بۇل –تاجىريبە جيناعان كەز.

ٴاسانالى ٴاشىموۆ، قازاقستاننىڭ حالىق ٴارتىسى:

- بۇل – ۇلكەن مەيرام. 25 جىل دەگەن ۇلكەن داتا ەمەس. ٴبىراق تەاتر ٴۇشىن ۇلكەن. بۇل تەاتر – جاڭا زامانعا جاڭا كوزقاراسىمەن كەلگەن تەاتر. بۇل تەاتردى مەن جاقسى كورەمىن. مۇندا كوپتەگەن جاقسى سپەكتاكل بار. رەجيسسۋرا بار. سوندىقتان جاقسى كورەمىن.

حابار 24.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي