BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەاتر اكتەرى «ايەلدەرى» ٴۇشىن قالاي كۇرەستى؟

استاناداعى «اتتراكسيون» تاۋەلسىز جاستار تەاترىندا «ايەلىڭ ٴۇشىن كۇرەس» كومەدياسى ساحنالاندى، دەپ حابارلايدى baq.kz ٴتىلشىسى.

1983 جىلى اعىلشىن دراماتۋرگى رەي كۋني «ايەلىڭ ٴۇشىن كۇرەس» (run for your wife) كومەديالىق پەساسىن جازدى. پەسا ەڭ العاش رەت 1983 جىلى 12 جەلتوقساندا لوندوندا قويىلعان. ال 1989 جىلى نيۋ-يوركتەگى پرەمەراسىندا رەي كۋنيدىڭ ٴوزى باستى ٴرولدى وينادى. قازاقستاندا «اتتراكسيون» جاستار تەاترى 2013 جىلدىڭ 26 قازانىندا «پاپا ۆ پاۋتينە» اتتى كومەدياسىن سيكۆەل رەتىندە قويدى.

وقيعا قالاي ٴوربيدى؟

باس كەيىپكەر تاكسي جۇرگىزۋشىسى دجون ٴسميتتىڭ بىر-بىرىنە جاپ-جاقىن جەردە تۇراتىن ەكى ايەلى بولادى. مەريمەن شىركەۋدە نەكەلەسسە، ال باربارامەن ازاماتتىق نەكەگە تۇرعان. قوس ايەلى ٴبىرىن-بىرى ٴبىلىپ قويماۋى ٴۇشىن دجون ٴۇش جىل بويى ارنايى كەستەمەن جۇرەدى. الايدا ٴبىر كۇنى...

ٴبىر كۇنى كەمپىردى بۇزاقىلاردان قۇتقارامىن دەگەن دجون توبەلەس كەزىندە باسىنان جاراقات الادى. دەرەۋ اۋرۋحاناعا جەتكىزىلەدى. ەسىن جيعان كەزدە قاراسا مەريدىڭ ۇيىندە جاتقانىن بىلەدى. بۇل ساتتە باربارانىڭ ۇيىندە بولۋ كەرەگى ەسىنە تۇسكەن دجون كەستەدەن اۋىتقىعانىن سەزەدى. باس كەيىپكەر جاعدايدى دۇرىستايمىن دەپ ودان سايىن ۋشىقتىرىپ الادى. بۇل ىسكە ەكى ۋچاسكەلىك پوليسەي، مەري مەن باربارانىڭ كورشىلەرى، جۋرناليستەر ارالاسادى.

«اتتراكسيون پلەيحاۋس» 2010 جىلى قۇرىلعان. 7 جىل ىشىندە استانالىق تەاتر «چيكاگو»، «بلوندينكا ۆ زاكونە»، «مامما ميا»، «تامىز. وسەيدج گرافتىعى»، «ۆانيا جانە سونيا، ماشا، سپايك»، «پاپا ۆ پاۋتينە»، «بەتتي مەن بۋدىڭ وتباسىلىق ٴومىرى» اتتى بۇكىل الەمگە تانىمال قويىلىمداردى كورەرمەنگە ۇسىنعان بولاتىن. بىرنەشە جىلدا تەاتردىڭ 200-گە جۋىق قويىلىمىن ون مىڭداعان كورەرمەن تاماشالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي