BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«7+1». قۋانىشبايەۆ اتىنداعى دراما تەاتر كەن كيزيدىڭ ايگىلى شىعارماسىن ساحنالادى

استانا قالاسىنىڭ 20 جىلدىعىنا وراي ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى «7+1» دراماسىنىڭ پرەمەراسىن ۇسىندى، دەپ حابارلايدى baq.kz ٴتىلشىسى.

سپەكتاكلدىڭ قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى الىمبەك ورازبەكوۆ. قويۋشى سۋرەتشىسى – ەرلان تۇياقوۆ. حورەوگراف – سالتانات جولىمبايەۆا.

قويىلىم امەريكاندىق جازۋشى كەن كيزيدىڭ بەستسەللەرگە اينالعان «كوكەك ۇياسىنىڭ ۇستىنەن ۇشىپ وتكەندە» اتتى رومانى جەلىسى بويىنشا ساحنالانعان. جارىق كورىسىمەن بەستسەللەرگە اينالعان تۋىندى نەگىزىندە 1975 جىلى ايگىلى كينورەجيسسەر ميلوش فورمان تۇسىرگەن فيلم ەرەكشە داڭققا بولەنىپ، كۇللى الەمگە تارالعان بولاتىن.

ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ بەلگىلى رەجيسسەرى، قر ەڭبەك سىڭىرگەن قايراتكەرى الىمبەك ورازبەكوۆ كەن كيزيدىڭ وسىناۋ رومانى بويىنشا ادام جانە قوعام تۋرالى ويلى قويىلىم جاسادى. ايگىلى تۋىندى ەلىمىزدە قازاق تەاترى ساحناسىندا العاش رەت قازاق تىلىندە ساحنالانىپ وتىر. اۋدارما اۆتورى - الىمبەك ورازبەكوۆ.

«بۇل «مايدا» ادامداردىڭ تاقىرىبى. قويىلىمنىڭ جانرى – پسيحولوگيالىق دراما. اۋرۋحاناعا بىرەۋى وتباسىمەن سىيىسپاي كەلگەن، ەكىنشىسىن اناسى اكەلىپ تاستاعان، ال ٴۇشىنشىسى اۋىر جاراقات العان. ولاردا شيزوفرەنيا دەگەن اۋرۋ بار. بۇل اۋرۋ ەكىنىڭ بىرىندە كەزدەسەدى ەكەن. شەتەلدە پسيحولوگيالىق تۇرعىدان كىشكەنە قينالسا، بىردەن پسيحولوگ ىزدەي جونەلەدى. ال ٴبىز ٴمان بەرمەيمىز. جالپى تۋىندىداعى ٴار كەيىپكەردىڭ ٴوز مىنەزى، بويىندا دراماسى بار.

ٴار ادام بەلگىلى ٴبىر نارسەگە تاۋەلدى. مىسالى، ۇلكەن مەكەمەلەردە باسشىلارىنا تاۋەلدى. كەيدە جانىمىزداعى كەلىنشەگىمىزگە نەمەسە اۋا رايىنا تاۋەلدى بولىپ قالامىز. ال بۇل جەردە ناۋقاستار دارىگەرگە تاۋەلدى بولىپ قالعان. اۋرۋحاناعا ٴبىر ەر ادام كەلىپ، وقيعا سول ساتتەن ٴوربي باستايدى. ٴارقايسىسى ٴوز ٴومىرى مەن تاعدىرى ٴۇشىن كۇرەسەدى. جىلايدى، كۇلەدى. ومىردەن ٴلاززات الۋعا ۇمتىلادى. ٴارقايسىسىنىڭ ىشىندە ٴبىر كۇيزەلىسى بار. جالپى قانداي جاعدايعا تاپ بولسا دا، ادام بولىپ قالۋ يدەياسى جاتىر. سونداي-اق، بۇل قويىلىمنىڭ ەكى ەرەكشەلىگى بار. بىرىنشىدەن، 8 اكتەر ساحنادان شىقپاي وينايدى. ەكىنشىدەن، بۇل قويىلىم ٴار اكتەرگە وزىندىك مىنەزىن كورسەتۋگە مۇمكىندىك بەرەتىندەي ەتىپ جازىلعان»، - دەيدى رەجيسسەر الىمبەك ورازبەكوۆ.

باس كەيىپكەر ماكمەرفيدىڭ كۇرەسكەرلىك دۇنيەتانىمى: «رۋحىڭ كۇشتى ادام بولعىڭ كەلسە، بار نارسەنىڭ كۇلكىلى جاعىن كورۋدى ۇيرەن». ول ەمحانادا شەرمەندە ٴومىر كەشكەن جاندارعا «مىڭ كۇن اتان بولعانشا، ٴبىر كۇن بۋرا بول» دەيتىن قاعيدانىڭ شىندىعىن اشىپ بەردى. بۇل جولدا ماكمەرفي قۇربان بولىپ كەتكەنىمەن، ونىڭ ازاتتىققا دەگەن سۇيىسپەنشىلىگى باسقالاردىڭ سانا-سەزىمدەرىنە ايتارلىقتاي وزگەرىس اكەلگەن ەدى. كەن كيزيدىڭ اۆتورلىق يدەياسى بويىنشا، وقيعا ورىن الاتىن جىندىحانا الەمنىڭ ٴبىر شاعىن مودەلى، ۇلگىسى سياقتى.

ەلوردالىق ونەرسۇيەر قاۋىم سپەكتاكلدەن ٴبىر قۇرامعا جينالعان تەاتردىڭ بەلدى ارتيستەرى، قازاقستاننىڭ ەڭبەك سىڭىرگەن قايراتكەرلەرى نۇركەن وتەۋىلوۆ، مەيرام قايسانوۆ، بورانباي مولدابايەۆ، تانىمال تەاتر جانە كينو اكتريساسى، قر ەڭبەك سىڭىرگەن قايراتكەرى التىناي نوگەربەك، تەاتر جانە كينو اكتەرى ەرجان نۇرىمبەت، سامات بايىروۆ، امانجول مولداحمەت جانە - جانات وسپانوۆ، شاح-مۇرات وردابايەۆ سىندى كورەرمەندەردىڭ ىستىق ىقىلاسىنا بولەنىپ جۇرگەن جاس بۋىن ارتيستەردىڭ ونەرىن تاماشالاي الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي