BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاۋەلسىزدىك كۇنىنە وراي استانادا «ارت سەرپىلىس» كورمەسى اشىلدى

فوتو: Нұржас Жақсыбай

بۇگىن قازاقستان رەسپۋبليكاسى ۇلتتىق مۋزەيىندە تاۋەلسىزدىك كۇن مەرەكەسىنە وراي «جاھاندانعان الەمدەگى قازاقستاندىق زاماناۋي مادەنيەت» جوباسىن جۇزەگە اسىرۋ شەڭبەرىندە بەينەلەۋ ونەرىنىڭ «ارت سەرپىلىس» كورمەسى اشىلدى، دەپ حابارلايدى baq.kz اقپارات اگەنتتىگى.

كورمەگە «ruh.kz» سايتىندا ىرىكتەلگەن جانە ٴارتۇرلى كوركەمسۋرەت ينستيتۋسيالارى شىعارمالارىن شەتەلدەردە تانىتۋعا ۇسىنعان سۋرەتشىلەردىڭ تۋىندىلارى قويىلدى.

«ارت سەرپىلىس» كورمەسىنىڭ اشىلۋ شەڭبەرىندە 13 جانە 14 جەلتوقساندا دوڭگەلەك ۇستەل جانە ديسكۋسسيالىق كلۋب وتىرىستارى وتەدى. وتىرىستاردا كەلەسى ماسەلەلەر قارالادى: قازاقستاننىڭ بەينەلەۋ ونەرى دامۋىنىڭ بۇگىنگى احۋالى مەن ماسەلەلەرىن قارا; شەتەلدەردە ونەردى تانىتۋدىڭ نەگىزگى قاعيداتتارىن تالقىلاۋ; مادەنيەت جانە ونەر سالاسىنداعى مەملەكەتتىك ساياساتتى جەتىلدىرۋ بويىنشا ۇسىنىستار جاساۋ» - دەيدى ۇيىمداستىرۋشىلار.

قوعامدىق سانانى جاڭعىرتۋ باعدارلاماسىن جۇزەگە اسىرۋ شەڭبەرىندەگى «جاھاندانعان الەمدەگى قازاقستاندىق زاماناۋي مادەنيەت» جوباسى ەلدىڭ مادەني الەۋەتىن شەتەلدەرگە كەڭىنەن تانىستىراتىن بىرەگەي مۇمكىندىك. جانە الەمدىك قاۋىمداستىق ساناسىندا مەملەكەتتىڭ دۇرىس بەينەسىن قالىپتاستىرۋعا جانە تانىتۋعا ىقپال ەتەدى.

«كورمە اياسىندا ەلىمىزدەگى جانە شەت ەلدەن كەلگەن سۋرەتشىلەر، بەينەلەۋ ونەرىنىڭ شەبەرلەرى ٴوزارا تاجىريبە الماسىپ، قازىرگىكەزدەگى كەسكىندەمە ونەرىنىڭ ماسەلەلەرىن تالقىلايتىن بولادى. بۇگىن كورمەنىڭ اشىلۋى ٴوتتى، ەرتەڭ دوڭگەلەك ۇستەل جالعاساتىن بولادى» - دەيدى قازاقستان سۋرەتشىلەر وداعىنىڭ مۇشەسى ارحەولوگ-سۋرەتشى قاليوللا احمەتجان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي