BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تانىمال مەسەناتتىڭ جەكە كوللەكسياسىنداعى قازاقستاندىق سۋرەتشىلەردىڭ كورمەسى اشىلدى

fortebank kulanshi artspace گالەرەياسىندا بەلگىلى مەسەنات نۇرلان سماعۇلوۆتىڭ جەكە كوللەكسيا تۋىندىلارى كورمەسىنىڭ سالتاناتتى اشىلۋى ٴوتتى. ٴىس-شاراعا ونەر قايراتكەرلەرى، جەتەكشى ونەرتانۋشىلار مەن شىعارماشىل زيالى قاۋىم وكىلدەرى قاتىستى، دەپ حابارلايدى baq.kz اقپارات اگەنتتىگى.

"مەن ەدۋارد كازاريان، الماگۇل مەڭلىبايەۆا، اسقار ەسداۋلەتوۆ، دۋلات اليەۆ، اسقار ەسەنبايەۆ، اندرەي نودا سياقتى سۋرەتشىلەرمەن كەزدەستىرگەن تاعدىرىما ٴدان ريزامىن. ولاردىڭ ٴارقايسىسى كەسكىندەمە مەن مۇسىندەگى وزدەرىنىڭ قايتالانباس جەكە ٴستيلى ارقىلى قازىرگى زامانعى ونەر ٴتىلىنىڭ بايلىعى تۋرالى تۇسىنىگىمدى كەڭەيتتى»، دەيدى سالتاناتتى شارا بارىسىندا كوللەكسيونەر نۇرلان سماعۇلوۆ.

ول ونەر سالاسىنداعى "تارلان" سىيلىعىن قولداعان تالانتتى سۋرەتشى ٴابدىراشيت سىدىحانوۆ تۋرالى دا تەبىرەنە ٴسوز قوزعادى. «ول – مەن ٴۇشىن قازاق سۋرەت ونەرىنىڭ ۇلكەن ارىپپەن جازىلاتىن وكىلى. ونىڭ ٴومىرىنىڭ سوڭعى كۇنىنە دەيىن ادەمى قارىم-قاتىناستا بولعانىمدى ماقتان تۇتامىن»، دەدى ن.سماعۇلوۆ.

كوللەكسيانەردىڭ شىعارمالار جيناعىن ونەرتانۋشىلار ورتا ازياداعى ەڭ ىرىلەرىنىڭ ٴبىرى رەتىندە باعالايدى. ٴار شىعارما – بىرەگەي، سونىمەن بىرگە ولار كوپ قىرلى جانە ٴبىزدىڭ ٴومىرىمىزدىڭ تۇتاس بەينەسىن جاسايدى.

"ونەردەگى ٴومىر" اتتى نۇرلان سماعۇلوۆتىڭ جەكە كوللەكسياسىنداعى قازاقستاندىق سۋرەتشىلەردىڭ شىعارمالارى، راسىندا كەرەمەت اسەر سىيلايدى. ەكسپوزيسياعا كوللەكسيادا ەرەكشە ٴرول اتقاراتىن جانە قازاقستاننىڭ بەينەلەۋ ونەرىنىڭ ٴارتۇرلى تاريحي كەزەڭدەردەگى قالىپتاسۋ ۇردىستەرىن باقىلاۋعا مۇمكىندىك بەرەتىن الپىسىنشى جىلدارداعى قىلقالام شەبەرلەرىنىڭ جۇمىستارى قويىلعان. سونىمەن قاتار مۇندا كورنەكتى قازاقستاندىق سۋرەتشىلەرمەن جاسالعان باسپا گرافيكالارىنىڭ كوپتەگەن تۋىندىلارى بار، كورەرمەندەر بۇل تۋىندىلاردى تاماشالاپ، ايرىقشا سەزىمگە بولەنەتىنىنە كۇمانىم جوق"، دەيدى fortebank باسقارماسىنىڭ ٴتوراعاسى گۋرام اندرونيكاشۆيلي.

گالەرەيا ەكسپوزيسيالارى تۇراقتى تۇردە اۋىسىپ تۇرادى. ەلوردا تۇرعىندارى مەن قوناقتارى كورمەگە ەركىن بارىپ، بەينەلەۋ ونەرى تۋىندىلارىمەن تانىسا الادى.

"ونەردەگى ٴومىر" ەكسپوزيسياسى 2018 جىلدىڭ 21 قاراشاسىنا دەيىن كۇن سايىن ساعات 9:00-دەن 20: 00 ارالىعىندا جۇمىس ىستەيدى. كىرۋ تەگىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي