BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالانتتى بالالاردىڭ تويدا ونەر كورسەتكەنىنە قارسىمىن – ب.ساپاربايەۆ

اقتوبەدە ەندى تانىلىپ كەلە جاتقان جاس تالانتتى كوزى شالعان وبلىس باسشىسى بەردىبەك ساپاربايەۆ ونىڭ اناسىنا بالاعا دۇرىستاپ قاراۋ كەرەكتىگىن ايتتى، دەپ حابارلايدى «ٴتىلشى».

«بالاڭىز شامامەن 13-15 جاستا شىعار. ەر بالانىڭ داۋىسى وزگەرەتىن كەز. سوندىقتان، مىنا ٴوسىپ كەلە جاتقان ۇلىڭىزدىڭ داۋىسىن كۇتىڭىز»، — دەدى بەردىبەك ساپاربايەۆ تالانتتى ٴجاسوسپىرىمنىڭ اناسىنا قاراپ.

وبلىس باسشىسى بالالاردى تويلارعا شىعارماۋ كەرەكتىگىن ايتتى.

«تالانتتى بالالار جەر-جەردە كورىنەدى، ٴبىراق ۇلكەن ساحنالارعا شىعا الماي قالادى. كۇتىنۋ كەرەك قوي. ونىڭ ۇستىنە قازاقتا كوز دەگەن بار. جالپى، مۇنداي بالالاردىڭ تويعا شىعىپ، ونەر كورسەتۋىنە قارسىمىن»، — دەدى بەردىبەك ساپاربايەۆ.

ونەر قايراتكەرى ورال بايسەڭگىر دە وبلىس اكىمىنىڭ پىكىرىمەن كەلىستى. ول بولاشاعىنان زور ٴۇمىت كۇتتىرەتىن بالانىڭ كاسىبي تۇرعىدا شىڭدالعانىن قالايتىنىن جاسىرمايدى. ونىڭ پايىمىنشا، تالانتتى بالاعا بارلىق جاعدايدى جاساۋ كەرەك.

ەر بالانىڭ داۋىس كۇتىمىنە قاتىستى ٴانشى سۆەتلانا ايتبايەۆا «تىلشىگە» ٴوز ويىن جەتكىزدى.

«بالانى تويعا شىعارعان دۇرىس ەمەس، ارينە. ەڭ الدىمەن ول بالانىڭ اعزاسىنا كەرى اسەرىن تيگىزەدى. ٴتۇن ۇيقىسى دۇرىس بولمايدى. تويدا شارشايدى، كەزەگىن كۇتەدى، توڭادى. ەكىنشىدەن، بالانىڭ پسيحيكاسىنا كەرى اسەر ەتەدى. تويدا ٴتۇرلى جاعدايدى كورەدى. ىشكەن ادامدار، توبەلەس، كەلىسپەۋشىلىكتەر. ودان بولەك، ونەر كورسەتكەن بالاعا قوناقتار اقشا ۇسىنادى. كەيبىر بالالار جەرگە تاستاعان اقشادان كوز الماي قاراپ تۇرادى. ٴان مەن اقشانىڭ اراجىگىن ايىرا المايتىن جاعدايعا جەتەدى»، — دەيدى سۆەتلانا ايتبايەۆا.

ٴانشى، سونىمەن قاتار، ەر بالالاردىڭ داۋىسىندا مۋتاسيا بولاتىنىن ايتتى.

«راسىمەن دە، بالانى، اسىرەسە، وتپەلى كەزەڭدە تويلارعا شىعارۋعا بولمايدى. داۋىسقا سالماق تۇسىرمەۋ كەرەك. مۋتاسيا اياقتالعانشا كۇتكەن ابزال. ديماش (قۇدايبەرگەن — رەد.) كوپشىلىك الدىنا تەك 15-16 جاسىندا شىعا باستادى. تانىستارىمىز «بالاڭىزدىڭ مىناداي داۋىسى بارىن بىلمەدىك قوي» دەپ تاڭدانىسىن دا جاسىرماي جاتتى»، — دەيدى ٴانشى سۆەتلانا ايتبايەۆا «تىلشىگە» بەرگەن سۇحباتىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي