BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۋرەتشى جەڭىس كاكەن ۇلىنىڭ جەكە كورمەسى ٴوتتى

فوتو: Абзал Қалиев

بۇگىن ەلورداداعى ەۇۋ-دا تانىمال سۋرەتشى، قر مادەنيەت قايراتكەرى جەڭىس كاكەن ۇلىنىڭ «بۇلا» اتتى سۋرەت كورمەسى، كورەرمەندەرمەن كەزدەسۋ كەشى ٴوتتى. بۇل يگى شارانى «كاۋسار» مادەني-تانىمدىق بىرلەستىگىنىڭ جەتەكشىسى، قر ەڭبەك سىڭىرگەن ٴارتىسى كەنجەعالي مىرجىقباي باس بولىپ وتكىزدى، دەپ حابارلايدى baq.kz ٴتىلشىسى.

كورمەگە زيالى قاۋىم وكىلدەرى، ستۋدەنتتەر مەن جۋرناليستەر قاتىستى. شارانىڭ سوڭى سۋرەتشىنىڭ ستۋدەنتتەرمەن كەزدەسۋ كەشىنە ۇلاستى.

ەڭىس كاكەنۇل، سۋرەتشى:

- مەن شىعارماشىلىقپەن ٴبىراز ۋاقىتتان بەرى تۇراقتى اينالىسىپ كەلەمىن جانە 1998 جىلدان بەرى قاراي استانا قالاسىندا تۇرامىن. شىعارماشىلىعىمنىڭ دەنى جىلقىلارعا، قۇستارعا، سوسىن استانا قالاسىنىڭ بىرتىندەپ ٴوسۋ تاريحىن نەگىزگە الۋعا باعىتتالعان. قازاقتىڭ جانى قاشاندا تابيعاتپەن، اسىرەسە، جىلقىمەن ەگىز. مەنىڭ تۋىندىلارىمنىڭ كوبىنەسە ۇلتتىق ٴتۇس الاتىنى وسىدان.

جەڭىس كاكەن ۇلى نۇرلىبايەۆ 1965 جىلى 9 مامىر كۇنى الماتى وبلىسىنىڭ قارابۇلاق اۋىلىندا دۇنيەگە كەلگەن. بالالىق شاعىنان باستاپ سۋرەتشى بولۋدى ارمانداعان. ونىڭ مەكتەپتەگى سۇيىكتى ٴپانى سۋرەت جانە سىزۋ ساباعى بولدى.

1982 جىلى جالاڭاش ورتا مەكتەبىن ۇزدىك ٴبىتىردى.

1982-1989 جىلدار اراسىندا ٴقازپي-دىڭ كوركەمسۋرەت فاكۋلتەتىندە وقىدى (قازىرگى اباي اتىنداعى قازاق ۇلتتىق پەداگوگيكالىق ۋنيۆەرسيتەتى).

1983-1985 جىلدار بويى كسرو قارۋلى كۇشتەر قاتارىندا اسكەري قىزمەت اتقاردى.

1989 جىلى «اق جەلكەن» جۋرنالىندا سۋرەتشى-يلليۋستراتور رەتىندە جۇمىس ىستەدى.

1990-1991 ج.ج. «زەردە» جۋرنالىنىڭ كوركەمدەۋشى رەداكتورى.

1991-1993 ج.ج. «مادەنيەت» جۋرنالىنىڭ سۋرەتشىسى.

1994-2008 ج.ج. «تۋرا بي» جۋرنالىنىڭ كوركەمدەۋشى رەداكتورى.

2009 جىلدان باستاپ «فوليانت» باسپاسىنىڭ سۋرەتشىسى.

ول كورەرمەن الدىندا كەسكىندەمەشى، گرافيك، كىتاپ يلليۋستراتورى، ارت-كريتيك، كاريكاتۋريست، ەمبلەما جانە مەدال اۆتورى رەتىندە بەلگىلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي