BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۋرەتشى: street art – تاس داۋىرىنەن تامىر العان ونەر

فوتو: Бауыржан Жуасбаев

ەلىمىزدىڭ استاناسىندا كوشە ونەرىنە ارنالعان astana street art بايقاۋى ٴوتتى. ەلىمىزدىڭ تۇكپىر-تۇكپىرىنەن جينالعان بەس كوماندا قالاداعى كوپقاباتتى ۇيلەردىڭ قابىرعاسىنا سۋرەتتەر سالۋدا. بايقاۋدى استانا قالاسى اكىمدىگى مەن «قۇلانشى» زاماناۋي ونەر ورتالىعى ۇيىمداستىردى. وسىعان وراي baq.kz ٴتىلشىسى ستريت-ارت توپتارىنىڭ مۇشەلەرىمەن سويلەسىپ، ويلارىمەن ٴبولىسىپ قايتتى.

ەلىمىزدە بۇل ونەر ٴتۇرى جىلدان جىلعا دامىپ كەلە جاتىر. بۇگىندە ٴۇي قابىرعاسىنا، كولىك تۇراقتارى مەن جولدىڭ ۇستىنە سۋرەت سالۋ سانگە اينالىپ كەلە جاتىر. ٴۇيدىڭ قابىرعاسىنا ەرەكشە تالعاممان سالىنعان سۋرەتتەر قالاعا ەرەكشە ٴسان بەرىپ، ارى-بەرى وتكەن ادامداردىڭ كوڭىلىن اۋلاماي قويمايدى.

«مەن ٴوزىم استانالىقپىن. توبىمىزدا 4 ادامبىز. قابىرعاعا سۋرەت سالۋمەن اينالىسىپ جۇرگەنىمىزگە 15 جىلداي ۋاقىت بولدى، ال ٴۇيدىڭ قابىرعاسىنا سۋرەت سالۋ بويىنشا بۇل استاناداعى تىرناقالدى تۋىندىمىز. وسىنداي بايقاۋلار اقتاۋدا ٴجيى ۇيىمداستىرىلادى. ول جاقتا توعىز قاباتتى ٴۇيدىڭ قابىرعاسىنا سۋرەت سالدىق. ونداي بيىكتىكتە سۋرەت سالۋ كوڭىلگە قورقىنىش ۇيالاتقانى راس. ٴبىز بۇل سۋرەت ارقىلى كوپقاباتتى ٴۇيدىڭ ىشىندەگى تۇرعىنداردىڭ كۇندەلىكتى ٴومىرىن كورسەتكىمىز كەلدى»، - دەيدى «canbrush» توبىنىڭ مۇشەسى ياروسلاۆ.

ال ەلىمىزگە ستريت-ارت ونەرىن اكەلىپ، دامىتىپ جۇرگەن الماتىلىق سۋرەتشىلەر ەرجان تانايەۆ پەن اققالي زاكيروۆ استاناداعى كوپقاباتتى ۇيلەردىڭ بىرىنە قازاقى ناقىشتاعى سۋرەت سالىپ جاتىر.

«استاناعا كەلگەنىمىزگە ٴبىر اپتا بولدى. بۇل بايقاۋعا ونعا جۋىق كەسكىن جىبەردىك، سونىڭ ىشىندەگى ۇزدىگى وسى كوپقاباتتى ٴۇيدىڭ قابىرعاسىنا سالىنىپ جاتىر. بۇل سۋرەتتىڭ اۆتورى – نۇرلان كەلىبايەۆ. «ىقىلاس» دەپ اتالادى. ول قازاقى ناقىش پەن جاڭاشىلدىق ٴستيلدى بىرىكتىرىپ سالاتىن دارىندى سۋرەتشى. سۋرەتتى سالۋعا ورتاشا ەسەپپەن ٴبىر اپتاداي ۋاقىت كەتەدى. كۇنىنە 10-12 ساعات جۇمىس ىستەيمىز. مۇنداي بايقاۋلار كوبىنەسە جازدا جانە كۇزدە بولادى. ال باسقا ۋاقىتتا كەنەپكە سۋرەت سالۋمەن اينالىسامىز. بولاشاقتا ستريت-ارت بويىنشا شەتەلدە وتەتىن بايقاۋلارعا قاتىسقىمىز كەلەمىز. وسى بايقاۋدى ۇيىمداستىرۋشىلارعا راحمەت»، - دەيدى ەرجان تانايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي