BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۇندەت بايعوجينگە «التىن شيپاگەر» سىيلىعى تابىستالدى

ەلىمىزدە تەڭدەسى جوق «التىن شيپاگەر-2018» سىيلىعى تانىمال قازاقستاندىق باريتون، قازاقستاننىڭ ەڭبەك سىڭىرگەن قايراتكەرى سۇندەت بايعوجينگە تابىس ەتىلدى، دەپ حابارلايدى ۆaq.kz اقپارات اگەنتتىگى.

اتاقتى قازاقستاندىق وپەرا ٴانشىسىنىڭ بەلسەندى تۇردە قوعامدىق قىزمەتپەن، قايىرىمدىلىقپەن اينالىساتىنى بەلگىلى.

ەسكە سالار بولساق، وسى جىلدىڭ ٴساۋىر ايىندا ەلوردالىق تەاتردىڭ جەتەكشى ٴسوليسى ونكولوگيالىق اۋرۋمەن سىرقاتتانعان مۋزىكالىق كوللەدج ستۋدەنتى ەسىمبەك راحاتتىڭ تىلەگىن ورىنداعان ەدى. راحات ەسىمبەك سۇيىكتى ٴانشىسى، باريتون سۇندەت بايعوجينمەن تانىسۋدى ارمانداعان. وپەرا ٴانشىسى وسىناۋ ارماندى قۋانا-قۋانا ورىندادى، ول ٴوز ماماندىعىندا ەندى-ەندى قادام باسىپ كەلە جاتقان جاس ارىپتەسى ەسىمبەك راحاتتىڭ اۋىر تاعدىرىنا بار جان-تانىمەن قايعىردى. كەلەسى كۇنى ول اۋرۋحاناعا جاس جىگىتكە قايتا بارىپ، وعان ٴوزىنىڭ «قازاقستاننىڭ ۇزدىك وپەرا ٴانشىسى 2018» مۇسىنشەسى مەن ەمىن جالعاستىرۋى ٴۇشىن اقشا قاراجاتتارىن تابىس ەتتى.

قر دەنساۋلىق ساقتاۋ مينيسترلىگى سۇندەت بايعوجيننىڭ يگىلىكتى ىس-ارەكەتىن اتاپ ٴوتىپ، ونى «التىن شيپاگەر» سىيلىعىمەن ماراپاتتادى.

«راحات، ساعان دەگەن جاقسىلىعىم ون ەسە قايتارىلادى. مەن باقىتتىمىن، ٴبارىمىز دە سەنىڭ تەزىرەك ساۋىعىپ كەتۋىڭدى كۇتەمىز! ساعان جاسالعان وتانىڭ ٴساتتى وتكەنىن بىلەمىن، ول 10 ساعاتقا جالعاسىپتى. وزىنە بەرىك بول، مىقتى بول، جاقىن ارادا اياعىڭا تەز تۇرىپ كەت، ٴبىز ٴالى دە سەنىمەن بىرگە ساحنا تورىنە شىعىپ، ونەر كورسەتەتىن بولامىز، - دەپ تانىمال وپەرا ٴانشىسى سۇندەت بايعوجين قولداۋ سوزدەرىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي