2777 
0
استانا، baq.kz. نازاربايەۆ ۋنيۆەرسيتەتىنىڭ كينوزالىندا ەرەكشە كۇتىمدى قاجەت ەتەتىن جاس اكتەرلەر «سۇلۋ قىز بەن قۇبىجىق» سپەكتاكلىن قويدى. بۇل تۋرالى استانا اكىمدىگىنىڭ رەسمي سايتى حابارلادى.
5978
0 
استانا: 
استانا، baq.kz. نازاربايەۆ ۋنيۆەرسيتەتىنىڭ كينوزالىندا ەرەكشە كۇتىمدى قاجەت ەتەتىن جاس اكتەرلەر «سۇلۋ قىز بەن قۇبىجىق» سپەكتاكلىن قويدى. بۇل تۋرالى استانا اكىمدىگىنىڭ رەسمي سايتى حابارلادى.
كوپتەگەن مۋزىكالىق نومىرلەرگە نەگىزدەلگەن سپەكتاكل ديسنەي ەرتەگىسىنىڭ 40 مينۋتتىق نۇسقاسى بويىنشا قويىلعان.
وندا داۋن سيندرومى، اقىل-ويدىڭ ارتتا قالۋى، سەرەبرالدى سال اۋرۋلارى، اۋتيزم سپەكترىنىڭ بۇزىلۋى سىندى دياگنوزى بار 25 ٴجاسوسپىرىم اكتەر ونەر كورسەتتى. جاس اكتەرلەرگە ەرىكتىلەر – وقۋشىلار، ستۋدەنتتەر جانە جاس ماماندار قول ۇشىن بەردى.
«ساحنادا 50 ادام ونەر كورسەتتى. ساحنادان تىس بالالاردىڭ كيىمىن اۋىستىرۋ، بوياندىرۋ، سۋرەت پەن بەينەتاسپاعا ٴتۇسىرۋ، دىبىس جانە جارىقپەن جۇمىس ىستەۋگە 25-تەن استام ەرىكتى كومەكتەستى. سپەكتاكلگە 300-دەن استام كورەرمەن جينالدى. مۇنداي قىزىعۋشىلىق تانىتادى دەپ كۇتكەن جوقپىز. مۋزىكالىق كەش وتە جارقىن ٴارى اسەرلى بولدى. ال سپەكتاكلدەن كەيىن اكتەرلەردەن قولتاڭبا الۋ ٴۇشىن كورەرمەندەر كەزەككە تۇردى»، – دەيدى ۇيىمداستىرۋشىلار.
«kيt» ينكليۋزيۆتى مەكتەبىنىڭ اشىلعانىنا ٴبىر جىلدان استى. از ۋاقىتتا ولار ەكى جوبانى – ينكليۋزيۆتى تەاتر جانە كاسىپتىك باعدار بەرۋ باعدارلاماسىن جۇزەگە اسىرىپ ۇلگەردى. ينكليۋزيۆتى تەاتر استانادا ٴقازىردىڭ وزىندە ەكى مۋزىكالىق قويىلىمىن ۇسىندى. كەلەر جىلى گاسترولدىك ساپارلارعا شىعۋدى جوسپارلاۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
