BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۇيەكتەن كادەسىي جاسايتىن شەبەر: تاريحي بەدەرلەردى ويۋدى جاقسى كورەمىن ەكسكليۋزيۆ

فوتو: Бауыржан Жуасбаев

بۇگىن استانانىڭ 20 جىلدىعىنا وراي ۇلتتىق مۋزەيدە «وتكەندى ەسكە الۋ – بولاشاققا جول» اتتى وڭىرلەر مۋزەيلەرىنىڭ كورمەسى باستالدى. وسى كورمەگە اقمولا وبلىسى، شورتاندى اۋىلىنان سۇيەكتەن كادەسىي وياتىن شەبەر بەكتاس كارىم ۇلى دا كەلگەن ەكەن. ەرەكشە ونەر يەسىمەن بىر-ەكى اۋىز تىلدەسۋدىڭ ٴساتى تۇسكەن ەدى.

- سۇيەكپەن جۇمىس ىستەۋ قيىن با؟

- جەڭىل ەمەس قوي. بۇنى ٴتۇرلى قالىپقا كەلتىرىپ، ويىپ، بەدەرلەپ، كەسۋ ٴۇشىن جۇسارتۋ كەرەك.

- سۇيەكتى قالاي جۇمسارتاسىز؟

- جۇمسارتۋ ٴۇشىن تۇزدى سۋعا كوبىرەك قايناتۋ كەرەك. سول كەزدە جۇمسارادى.

- تۇز قاتايتىپ جىبەرمەي مە؟

- تۇز اعارعانىنا جاقسى سۇيەكتىڭ. سىركە سۋىن (ۋكسۋس) كەرەكتەنەمىن. ۋكسۋس قوسىلعان سۋعا سۇيەكتى 7-دەن 10 كۇن بويى سالىپ قويامىن. ول جىبىتەدى. ارينە، رەزەنكە سەكىلدى بىلقىلداپ كەتپەسە دە، بەلگىلى مولشەردە جۇمسايدى.

- قانشا جىلدان بەرى اينالىسىپ كەلەسىز؟

- ەكى-ۇش جىل عانا بولدى.

- قانداي سۇيەكتەردى پايدالاناسىز؟

- جاۋىرىن، جامباس، باس سۇيەكتەردى پايدالانامىن. نەگىزىنەن جاۋىرىننان جاسايمىن. جاۋىرىننىڭ ٴبىر ەرەكشەلىگى – تەز ٴجىبيدى جانە شىعارماشىلىق قيالىڭدى تۇرلەندىرۋگە جاقسى.

- باس سۇيەكتەن نە جاسايسىز؟

- جىلقىنىڭ باس سۇيەگىن ويۋلاپ، ٴوزىن اشەكەيلەگەن ەدىم.

- قايدان ۇيرەندىڭىز؟

- ٴوزىم موڭعوليادان كەلگەنمىن. سول جاقتا وسىنداي سۇيەكتەن جاسالعان زاتتاردى كوردىم. سوسىن بالا كەزىمىزدە سۇيەكتەن بەدەر سالعان ساندىق، توسەكتەردى كوردىك قوي، سولار ويىمدا قالىپتى. موڭعول حالقى دا قازاق سەكىلدى جىلقى مالىن ەرەكشە ٴقادىر تۇتادى عوي. سوندىقتان ولار كوبىندە جىلقى بەينەسىن ويادى.

- ال ٴوزىڭىز قانداي تاقىرىپتا وياسىز؟

- مەن كوبىندە تاريحي بەدەرلەردى ويۋدى جاقسى كورەمىن. ساق داۋىرىنەن بەرى كەلە جاتقان تاستاعى بەينەلەر، ۇلتتىق ناقىشتار مەن قازاقتىڭ كونە تاڭبالارىن، كونە ورنەكتەرىن ويامىن. ٴار ٴتۇرلى تاقىرىپتاردا جاسالعان بەدەرلەر بار.

- ساتاسىز با؟

- ساتىلادى. ەكسپو-دا ٴبىرازىن ساتتىم. سىرتىنا كىشىگىرىم رامكا جاساپ، كادەسىي رەتىندە ساتتىم.

- باعاسى قانداي بولادى؟

- 15 مىڭ تەڭگەدەن جوعارىعا باعالانادى. بۇل جەردە ۇساق مالدىڭ سوسىن ٴىرى قارا مالدىڭ سۇيەكتەرى ەكى ٴتۇرلى باعادا بولادى.

- جاڭا نيۋ-يوركتاعى كورمەگە جىبەرىلدى دەپ ەستىدىك ٴسىز جاساعان بۇيىمدار؟

- ٴيا، وسىدان ٴبىراز بۇرىن وسى استانادا حالىقارالىق كورمەگە قاتىستىم. ول جەردە رەسەيدەن، موڭعوليادان جانە وسى ٴوزىمىزدىڭ قازاقستاننان، قىتايدان دا كەلىپ قاتىسقان قولونەر شەبەرلەرى بولدى. سول كورمەدەن جۇلدەلى ورىنعا ٴىلىندىم دە، امەريكادا وتەتىن الەمدىك كورمەگە جولداما الدىم.

- بارىپ كەلدىڭىز بە؟

- جوق، ٴوزىم بارا المادىم. ۆيزا ماسەلەسى شەشىلمەي قالدى. سوسىن ٴوزىم بارماسام دا، جاساعان كارتينالارىم قويىلدى ول كورمەگە.

- سىزدەن باسقا سۇيەكپەن كادەسىي جاسايتىن شەبەرلەر بار ما؟

- جاسايتىن جىگىتتەر بار دەپ ەستىدىم. ٴبىراق كەزدەسكەم جوق. ال ازىرگە اقمولا وڭىرىندە مەن عانا وسىمەن اينالىسىپ ٴجۇرمىن.

- جاڭا سوزىڭىزدە ايتىپ جاتىرسىز، سۇيەكپەن ساندىق، كەبەجە، توسەكتەردى بەزەندىرىپ، ويۋلايدى دەپ. ٴوزىڭىز جاسايسىز با، تاپسىرىس بەرەتىندەر بار ما؟

- وندايعا تاپسىرىس بەرەتىن ادام جوق. ٴبىراق مەن سۇيەكتەن كادەسىي جاساۋدان بولەك، كارتينا سىزامىن. سوعان تاپسىرىس بەرەتىن بىرەن-ساران ادامدار بولىپ تۇرادى.

- ماماندىعىڭىز نە؟

- تەاتر ساحنا سۋرەتشىسىمىن.

- راحمەت!

بۇل جولعى كورمەگە بەكتاس كارىم ۇلىنىڭ «استانا»، «بايتەرەك»، «قازاقستان»، «تاۋەلسىزدىك» قاتارلى پاتريوتتىق تاقىرىپتاعى كورمەلەرى قويىلعان ەكەن. كورمەنى 10 ماۋسىمعا دەيىن ۇلتتىق مۋزەيدىڭ «رۋحاني جاڭعىرۋ» زالىنان تاماشالاۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي