BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«شابىتقا» توقىما مەن گوبەلەندى جەكە اتالىم رەتىندە قوسۋ كەرەك – قازىلار القاسى

فوتو: Baq.kz

استانادا xx «شابىت» حالىقارالىق شىعارماشىل جاستار فەستيۆالى ٴوتىپ جاتىر. فەستيۆال بارىسىندا baq.kz ٴتىلشىسى «بەينەلەۋ ونەرى» اتالىمىنا قاتىسۋشىلاردىڭ جۇمىسىمەن تانىسىپ قايتتى.

«شابىت» حالىقارالىق شىعارماشىل جاستار فەستيۆالى «كلاسسيكالىق مۋزىكا»، «بەينەلەۋ ونەرى» «ۇلتتىق مۋزىكا»، «سيرك ونەرى»، «ۇزدىك ادەبي شىعارما»، «اكتەرلىك شەبەرلىك» اتالىمدارى بويىنشا وتكىزىلىپ وتىر. بۇل فەستيۆالگە قاتىسۋعا 515 ٴوتىنىم كەلىپ تۇسكەن، ونىڭ ىشىندە 100 ۇمىتكەر استانا قالاسىنىڭ اتىنان باق سىنادى.
ەلىمىزدەن عانا ەمەس وزبەكستان، رەسەي، باشقۇرتستان، لاتۆيا، ارمەنيا سياقتى مەملەكەتتەردەن دە كەلگەن ۇمىتكەرلەر بار.
«بەينەلەۋ ونەرى» (ٴمۇسىن جانە ساندىك–قولدانبالى ونەر) اتالىمىنا قاتىسۋشىلار 3-7 قاراشا ارالىعىندا تاۋەلسىزدىك سارايىنىڭ كورمە زالىنا ٴوز جۇمىستارىن قويدى. استانا قالاسىنىڭ سۋرەتشىلەر وداعىنىڭ ٴتوراعاسى، قازىلار القاسىنىڭ مۇشەسى توقتار ەرمەكوۆ جاس مۇسىنشىلەرگە ارناپ شەبەرلىك كلاسىن وتكىزدى.

«قازاق ۇلتتىق ونەر ۋنيۆەرسيتەتىنەن، الماتىداعى ونەر اكادەمياسىنان كەلگەن بالالار قاتىسىپ جاتىر. دايىندىقتارى – جوعارى. كەيبىرەۋلەر ديپلومدىق جۇمىسىن اكەلگەن. بيىل «ٴمۇسىن مەن قولدانبالى ونەر» اتالىمىنا 200-دەن استام ٴوتىنىم ٴتۇستى. سونىڭ ىشىندە، 96 تۋىندى ىرىكتەلىپ، كورمەگە قويىلدى. ەرتەڭ ناتيجەسى شىعادى. مۇسىننەن ٴۇش ورىن، قولدانبالى ونەردەن ٴۇش ورىن، ەكى ىنتالاندىرۋ ديپلومى، ورتاق ٴبىر گران-پري جۇلدەسى بولادى»، - دەدى توقتار ەرمەكوۆ.

وسى اتالىم بويىنشا قويىلعان جۇمىستاردىڭ كوپ بولىگى گوبەلەن مەن توقىما ونەرى تۋىندىلارى. سول سەبەپتى قازىلار القاسى كەلەسى جىلى جەكە اتالىم اشۋ جوسپاردا بارىن اتاپ ٴوتتى.

«بىزگە ۇناعانى گوبەلەن مەن توقىما ونەرى. كەلەسى جىلدان باستاپ توقىما مەن گوبەلەن ٴۇشىن تاعى ٴبىر جەكە نوميناسيا بولسا دەپ وتىرمىز. وسىنداعى جۇمىستاردىڭ 3/2 بولىگى گوبەلەن مەن توقىماعا بايلانىستى. مۇسىندەر از. سوندىقتان قۇمىرا جانە قىشپەن بىرىكتىردىك»، - دەدى قازىلار القاسىنىڭ مۇشەسى توقتار ەرمەكوۆ.

وسى اتالىم بويىنشا باق سىناپ وتىرعان سىرىم مۇسىرەپ – ٴقازۇوۋ-دىڭ 2-كۋرس ستۋدەنتى. ول كوپتەگەن بايقاۋعا قاتىسىپ، جەڭىمپاز اتانعان. سىرىم اركىم وزىندىك جان دۇنيەسىمەن ەرەكشە، ونى اشا ٴبىلۋ، كورسەتە ٴبىلۋ ٴار اۆتوردىڭ قولىندا دەپ ەسەپتەيدى.

«ەموسيونالدى، رۋحتىلىق قاسيەتىن اشۋ، كەيىنگى ۇرپاققا قالدىرۋ جاستاردىڭ قولىندا. فەستيۆالگە «ەۆوليۋسيا»، «تاريح تولقىنى»، «شابىت» دەپ اتالاتىن ٴۇش جۇمىسىمدى قويدىم. ماتەريالدىق جاعىنان وتە كۇردەلى. تەمىر فاكتۋرالارىن قوستىم. العاشقى جۇمىسىم – «تاريح تولقىنى». ونىڭ بەلگىلى ٴبىر باعىتى بار. توقتاتۋ مۇمكىن ەمەس. مۇنداعى تاريح تولقىنى – قازاققا تيەسىلى. تاسقا تاڭبا باسىپ قالدىرعانداي ٴىرى تاريح تولقىنى»، - دەپ جاس ٴمۇسىنشى ٴوز جۇمىستارىن تانىستىردى.

كەلەسى كومپوزيسيالىق تۋىندىسى «شابىت» دەپ اتالادى.

«قاراپايىم، شىنايى جىلقىعا ۇقسامايتىن، سۋرەتشىلىك ويمەن دايىندالعان جىلقىنىڭ ەرەكشە ستيليزاسيالىق كەيىپكە كەلتىرىلگەن بەينەسى. ەڭ قىزىعى بۇل جىلقىنىڭ شابىسى ەرەكشە. الدىڭعى سول جاق اياعى مەن ارتقى وڭ جاق اياعى بىركەلكى ماسسالىق تىرەۋىشكە كەلىپ تىرەلگەن. شاۋىپ بارا جاتقان اتتىڭ الدىڭعى بۇلشىق ەتتەرىنىڭ ايقىن ديناميكالىق قوزعالىسى ٴقازىر سەكىرەيىن دەپ تۇرعانىن، ال جەلبىرەگەن جالى مەن قۇيرىعى ەنەرگەتيكالىق قۋاتتى – نايزاعايدىڭ قۋاتىن بىلدىرەدى. نەگىزگى ٴمانى – شابىتتىڭ ناقتى مەجەسى، نۇكتەسى جوق. ول بەلگىسىز ٴبىر سەبەپتەرمەن بۇرىلادى، ماقساتى ايقىن. سەكىرىس، ۇمتىلىس بار»، - دەپ ٴتۇسىندىردى سىرىم مۇسىرەپ.

سىرىم تۋىندىلارىن دايىنداپ شىعارۋ ٴۇشىن ٴۇش كۇن ۇيىقتاماعان كەزدەرى بولعانىن ايتتى. «شابىت» اتتى جۇمىسىن كونكۋرسقا ٴوتىنىم بەرۋگە ساناۋلى ۋاقىت قالعاندا اياقتاعان.
ايتا كەتەيىك، بيىل جيىرماسىنشى رەت وتكىزىلىپ وتىرعان «شابىت» حالىقارالىق شىعارماشىل جاستار فەستيۆالىنە وسىعان دەيىن ونەردىڭ ٴتۇرلى جانرى بويىنشا 10 مىڭنان استام ادام قاتىسقان.

ۆيدەو: baq.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي