BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ش. ايمانوۆ اتىنداعى «قازاقفيلم» كينوستۋدياسىنىڭ ونىمدەرى ماسكەۋدە

استانا. 18 قازان. baq.kz ش. ايمانوۆ اتىنداعى «قازاقفيلم» كينوستۋدياسىنىڭ كارتينالارىن ماسكەۋدە رەسەيلىك كينو قورىمەن red square screenings حالىقارالىق كينويندۋسترياسىنىڭ حاس-شەبەرلەرى ٴۇشىن ۇيىمداستىرىلعان اۋقىمدى كورسەتىلىمدەر اياسىندا ۇسىنىلادى دەپ حابارلايدى قازاقپارات  

بۇل تۋرالى ٴقازاقفيلمنىڭ ٴباسپاسوز قىزمەتىنەن حابارلادى.
جەتەكشى شەتەلدىك ديستريبۋتورلار، sales-اگەنتتىكتەر، حالىقارالىق ٴباسپاسوز جانە فەستيۆالدىك ىرىكتەۋشىلەر ٴۇشىن رەسەي جانە تمد ەلدەرىنىڭ جاڭا كينوجوبالارىنىڭ كورسەتىلىمى وتكىزىلەتىن جىل سايىنعى حالىقارالىق ٴىس-شارا 15-20 قازان ارالىعىندا وتەدى. red square screenings قاتىسۋشىلارى شارانىڭ سەرىكتەستەرى - ۋكراينا مەن قازاقستاننىڭ جاڭا فيلمدەرىمەن تانىسادى. كينوبايقاۋدا ۋكراينانى كينەماتوگرافيا ماسەلەلەرى جونىندەگى مەملەكەتتىك اگەنتتىكتىڭ ديرەكتورى ەكاتەرينا كوپىلوۆا، قازاقستاندى ش.ايمانوۆ اتىنداعى «قازاقفيلم» اق-نىڭ پرەزيدەنتى ەرمەك امانشايەۆ تانىستىراتىن بولادى.
شارا اياسىندا كينوستۋديانىڭ سوڭعى جىلدارى تۇسىرگەن فيلمدەرى كورسەتىلەدى:
1. «جاۋجۇرەك مىڭ بالا»، رەجيسسەرى اقان ساتايەۆ;
2. «ليكۆيداتور»، رەجيسسەرى اقان ساتايەۆ;
3. «ا-عا ورالۋ»، رەجيسسەرى اندرەي ميحالكوۆ-كونچالوۆسكيي;
4. «سىرلى ورمان»، رەجيسسەرى احات ىبىرايەۆ;
5. «ۆيرتۋالدى ماحاببات»، رەجيسسەرى ٴامىر قاراقۇلوۆ.
كورسەتىلىم ٴۇشىن تاڭدالعان بارلىق كارتينالار سوڭعى جىلدارى تۇسىرىلگەن باسقا دا جۇزدەگەن رەسەيلىك فيلمدەرمەن بىرگە ۆيدەوكىتاپحانادا ٴىس-شارا وتكىزىلەتىن كۇندەرى جانە جىل بويى ونلاين رەجىمىندە قولجەتىمدى بولادى.
ٴىس-شارانىڭ جۇمىسى تۋرالى كينو جونىندە قالام تەربەيتىن جەتەكشى الەمدىك باسىلىمدار: variety، screen international، the hollywood reporter، filmbulletin جانە تاعى باسقالارىنىڭ وكىلدەرى اقپارات تاراتاتىن بولادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي