BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتورلار ٴشامشى ەسكەرتكىشىنە قاراجات بولىنبەۋىنە بايلانىستى ماسەلە كوتەردى

ٴبىر توپ سەنات دەپۋتاتى ۇكىمەت باسشىسىنا ساۋال جولداپ، وندا حالىق ٴارتيسى، مەملەكەتتىك سىيلىقتىڭ لاۋرەاتى، مەملەكەتتىك ٴانۇران اۆتورلارىنىڭ ٴبىرى، كورنەكتى كومپوزيتور ٴشامشى قالداياقوۆتىڭ ەسكەرتكىشىنە ٴتيىستى قاراجات بولىنبەۋىنە بايلانىستى ماسەلە كوتەردى.

ٴيا، كومپوزيتور ۇلىقتاۋدان كەن­دە ەمەس. ماسەلەن، ش.قالداياقوۆ اتىن­داعى حالىقارالىق «مەنىڭ قا­­زاق­ستانىم» ان-فەستيۆالى استانادا ٴما­دەنيەت جانە اقپارات مينيسترلىگىنىڭ ۇيىمداستىرۋىمەن ٴۇشىنشى رەت وتكەلى جاتسا، «قازاقفيلم» كينوستۋدياسى ش.قالداياقوۆ جايلى دەرەكتى فيلم ٴتۇسىردى. استانادا كوشەنىڭ بىرىنە اتاقتى سازگەردىڭ ەسىمى بەرىلدى. كوشە الماتىدا دا بار. كەز كەلگەن ماراپات شامشىگە جاراسىمدى. قالا اكىمى ا. ەسىموۆ بىلتىر 28 ناۋرىزداعى قاۋلىسىمەن «ٴشامشى قالداياقوۆ اتىنداعى حالىقارالىق ان-فەستيۆالى ديرەكسياسىنا» رەسپۋبليكا سارايىنىڭ جانىنداعى ساياباقتا ەس­كەرتكىش ورناتۋ ٴۇشىن 2014 جىلعى 28 ناۋ­­رىزعا دەيىنگى مەرزىمگە، ۋاقىتشا پاي­­­دالانۋعا جەر تەلىمىن بەرگەن. الايدا ەسكەرتكىش ورناتۋعا قارجى ٴالى كۇنگە بولىنبەگەن.

«بۇكىل سانالى عۇمىرىن ٴوز ۇلتىنىڭ رۋحاني كەمەلدەنۋىنە ارناعان، بيىك رۋحتى، ماڭگى وشپەس اندەرى حالىقتى وتانسۇيگىشتىككە، تۋعان ەل مەن جەرگە ادالدىققا تاربيەلەۋگە قىزمەت ەتىپ كەلە جاتقان كورنەكتى كومپوزيتور ٴشامشى قالداياقوۆتىڭ شىعارماشىلىق تۇلعا بولىپ قالىپتاسۋى مەن كوركەم دە عاجايىپ تۋىندىلارى دۇنيەگە كەلگەن الماتى قالاسىندا كومپوزيتوردىڭ اتىنا ساي ەڭسەلى ەسكەرتكىش ورناتۋعا 2013 جىلعى رەسپۋبليكالىق بيۋدجەتتى قالىپتاستىرۋ بارىسىندا قارجى ٴبولدىرۋىڭىزدى وتىنەمىز» دەيدى ٴوز ساۋالدارىندا دەپۋتاتتار ق.ايتاحانوۆ، ە.استايەۆ، ق.بايماحانوۆ.
ورىندى پىكىر. ايتپاقشى، ٴمۇ­ٴسىنشى تىلەۋبەردى بيناشەۆ (سۋرەتتە، 6-بەت) جاساعان ٴشامشى ەسكەرتكىشىنىڭ سۇلباسى دايىن تۇر. قاراجات تابىلسا، ۇلتىمىزدىڭ ۇلى سازگەرى الماتىلىقتار مەن قالا قوناقتارىنىڭ كوزايىمىنا اينالارى داۋسىز.

جولداسبەك دۋاناباي

فوتو: altaynews.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي