BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەمەي پوليگونى ٴۇشىن جانى اۋىرعان شۆەد قىزى

فوتو: Нұрбек Әлманбетов

استانادا شۆەسيالىق تۋۆە كاربو حانىمنىڭ «تۇزەلمەيتىن قاتەلىك: العاشقى جارىلىس» اتتى كورمەسى اشىلدى. كورمە سەمەي يادرولىق سىناق پوليگونىنىڭ جابىلۋىنا 25 جىل تولۋىنا ارنالعان. شۆەسيا كورولدىگىنىڭ قازاقستانداعى ەلشىلىگى ۇيىمداستىرعان كورمە 2 جەلتوقسانعا دەيىن جالعاسپاق، دەپ حابارلايدى baq.kz ٴتىلشىسى.

كورمە قر تۇڭعىش پرەزيدەنتىنىڭ مۋزەيىندە اشىلدى. اتالعان كورمەگە سۋرەتشى حانىم 6 تۋىندىسىن قويعان. 42 جاستاعى قىلقالام شەبەرى بەينەلەۋ ونەرىمەن قاتار كينورەجيسسۋرامەن دە اينالىسادى ەكەن. ول ٴوز شىعارمالارىنا تاقىرىپتى عالامتور جەلىسىنەن الاتىنىن ايتادى.

«ٴتۇرلى اپاتتاردىڭ سالدارىنان الەمدە كوپ ادام كوز جۇمادى. بۇل توپتامانىڭ باستى ارقاۋى – بارلىق ز ۇلىمدىقتىڭ ارتىندا ادام تۇرادى دەگەن تۇجىرىم. قازىرگى قوعامداعى اپاتتى وقيعالار اعىمى ادامزاتتى مەيىرىمسىز ەتە مە دەپ قورقامىن. سوزبەن جەتكىزۋ مۇمكىن ەمەس الدەبىر نارسەنى سالۋعا تىرىسامىن. مەنىڭ كارتينالارىم ادامزات تراگەدياسى مەن ەكولوگيالىق زارداپ شەككەن ورىندارعا ارنالادى» - دەيدى سۋرەتشى.

6 سۋرەتتىڭ كەيبىرەۋى ارنايى سەمەي پوليگونى ٴۇشىن ارنالىپ سالىنعان. ٴبىراق سۋرەتشى ولاردى عالامتوردان عانا كورگەن. پوليگون سىناعىنىڭ ورنىن كورۋ ٴۇشىن تۋۆە حانىم ەرتەڭ سەمەيگە اتتانباق.

«ەرتەڭ سەمەيدىڭ كۋرچاتوۆ اۋدانىنا بارامىن. پوليگون سىناعى وتكەن ايماقتى ٴوز كوزىممەن كورگىم كەلەدى. سول جەردىڭ تىنىس-تىرشىلىگىمەن تانىسقىم كەلەدى»، - دەيدى تۋۆە كاربو.

تۇساۋىن قازاقستاندا كەسكەن كورمە شۆەسيا كورولدىگىنىڭ قازاقستانداعى ەلشىلىگىنىڭ قولداۋىمەن ىسكە استى.

«شۆەسيا ۇزاق جىلدار بويى عالامداعى ٴقاۋىپتى قارۋلاردان باس تارتۋ ٴىس-شارالارىنا بەلسەندى اتسالىسىپ كەلدى. قازاقستاننىڭ يادرولىق قارۋدان باس تارتۋىن شۆەسيا جوعارى باعالايدى. تۋۆە كاربو حانىمنىڭ بۇل كورمەسى ادام قولىمەن جاسالعان اپاتتار جايىندا. قازاقستان تاۋەلسىزدىگىنىڭ 25 جىلدىعى مەن سەمەي يادرولىق سىناق پوليگونىنىڭ جابىلۋىنا 25 تولۋى قارساڭىندا بۇل كورمەنىڭ ٴوتۋى زاڭدىلىق ٴارى وتە دۇرىس شارا دەپ ويلايمىن»،- دەدى شۆەسيانىڭ قازاقستانداعى ەلشىسى حريستون كاميلل.

ەلوردادا باستاۋ العان كورمە الداعى ۋاقىتتا سەمەي وڭىرىنە دە جول تارتپاق.

جالعاس زەينوللايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي