BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رينات زايىتوۆ: اقيقات ٴۇشىن ەمەس، دۇنيە ٴۇشىن ايتىساتىن اقىندار كوبەيىپ كەتتى

فوتو: vk.com

ايتىسكەر رينات زايىتوۆ ارىپتەستەرىن «سسەنارييدەن شىعا الماي قالدى» دەپ ايىپتايدى. ايتىستىڭ ساپاسى السىرەپ بارا جاتقانىن مويىنداعان اقىندار ونىڭ باسقا سەبەبى بارىن ايتادى.

ايتىسكەر اقىن رينات زايىتوۆ «1980 جىلدارى بولماعان سەنزۋرا بۇگىنگى ايتىستا بار» دەپ الاڭدايدى.

«بۇگىنگى ايتىستا ۇيىمداستىرۋشىلاردىڭ نەمەسە بىرەۋدىڭ كوڭىلىنە جاقپايتىن ٴسوز ايتساڭ، ەرتەسىندە جينالىسقا سالادى نە «كەلەسى ايتىسقا قاتىستىرمايمىز» دەپ قورقىتادى»، – دەدى ول وتكەن اپتادا الماتىلىق ستۋدەنتتەرگە «بۇگىنگى ايتىس» تاقىرىبىندا وقىعان قوعامدىق لەكسياسىندا.

ايتىس ونەرىن «قاي زاماننان بەرى تاۋەلسىز، ٴوز قوعامىنىڭ كەمشىلىكتەرىن، جەتىستىكتەرىن، ىندەتتەرىن ايتاتىن ورتا بولعان» دەپ سيپاتتاعان رينات زايىتوۆ قازىرگى ايتىسكەرلەردى «الدىن الا بەلگىلەنگەن سسەناريي بويىنشا جىرلاپ شىعادى» دەپ ايىپتادى.

«ايتىستىڭ بۇگىنگى ەڭ باستى قاسىرەتى – اقىننىڭ جەكە ۇستامى بولماۋى، ايتىستاعى ويلاردى بىرەۋدىڭ قاداعالاپ وتىرۋى، ايتىستاعى ايتىلعان پىكىرلەرگە قارسى ساحنانىڭ سىرتىنا شىعىپ وزگە بىرەۋلەردىڭ پىكىرلەرىن ايتۋى. «ەل الىپ جاتقان كولىكتى مەن نەگە المايمىن» دەگەن ويمەن اقيقات ٴۇشىن ەمەس، دۇنيە ٴۇشىن ايتىساتىن اقىندار كوبەيىپ كەتتى»، – دەيدى رينات زايىتوۆ.

ول «ايتىسكەرلەر ۇيىمداستىرۋشىلاردىڭ ىقپالىنان شىعا الماي، وسى بەتىمەن كەتە بەرسە، بەس جىلدان كەيىن ٴۇش مىڭ ورىندىقتى سارايدا ٴۇش ٴجۇز ادام وتىراتىن دەڭگەيگە جەتەمىز» دەپ قاۋىپتەنەدى.

www.azattyq.org


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي