BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴپاريجدىڭ زالىندا اتىراۋلىق ونەرپازدار كلاسسيكالىق كونسەرت بەرەدى

فوتو: ашық дереккөзден

ٴپاريجدىڭ زالىندا د. نۇرپەيىسوۆا اتىنداعى اتىراۋ وبلىستىق قازاق حالىق اسپاپتار وركەسترى كلاسسيكالىق كونسەرت بەرەدى. بۇل تۋرالى baq.kz اقپارات اگەنتتىگىنە اتىراۋ وبلىستىق مادەنيەت، مۇراعات جانە قۇجاتناما باسقارماسىنان حابارلادى.

«28 مامىردا دينا نۇرپەيىسوۆا اتىنداعى اتىراۋ وبلىستىق قازاق حالىق اسپاپتار وركەسترى ٴپاريجدىڭ جالعىز كلاسسيكالىق زالى – كامەرالىق مۋزىكاعا ارنالعان گاۆو زالىندا (salle gaveau) ونەر كورسەتەدى. وركەستردىڭ ۇجىمىندا 53 ادام بار. ولار شەتەلدىك تىڭدارمان قاۋىمنىڭ نازارىنا «شۋاقتى ولكەنىڭ شاتتىعى» اتتى باعدارلاماسىن ۇسىنادى. كلاسسيكالىق مۋزىكا كەشىندە دينا مەن قۇرمانعازىنىڭ تۋىندىلارى شىرقالادى. بۇدان باسقا، اكادەميالىق وركەستر رەپەرتۋارىندا يۋبەر يۆ ادريان جيرونىڭ «پود نەبوم پاريجا»، جورج بيزەنىڭ «سەرەنادا سميتا»، نۇرعيسا تىلەنديەۆتىڭ «كەل ەركەم-الاتاۋىڭا»، «پەرتسكايا كراساۆيسا» سىندى تۋىندىلارى بار»، - دەلىنگەن ۆەدومسۆتونىڭ حابارلاماسىندا.

ايتا كەتەيىك، اعىمداعى جىلى قازاقستان مەن فرانسيا اراسىنداعى ستراتەگيالىق سەرىكتەستىككە 10 جىل تولادى. وسىعان وراي، فرانسياداعى قر ەلشىلىگىنىڭ قازاقستاندىق مادەنيەتتى ناسيحاتتاۋ ماقساتىندا د. نۇرپەيىسوۆا اتىنداعى اتىراۋ وبلىستىق قازاق حالىق اسپاپتار وركەسترىن ارنايى شاقىرتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي