BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق ونەر جۇلدىزدارىنىڭ اراسىندا سالافيتتەر بار ما؟!

قازاقستاننىڭ تانىمال ونەر جۇلدىزدارى، شوۋ-بيزنەس وكىلدەرى اراسىندا دىنگە جاقىن، بەس ۋاقىت نامازىن وقىپ، شاريعاتتى ۇستاناتىن تۇلعالار از ەمەس. وسى ورايدا سول اتاقتى ادامداردىڭ اراسىندا سالافيزم اعىمىن ۇستاناتىندار بار ما دەگەن زاڭدى ساۋال تۋىندايدى. «جۇلدىزدار قۇپياسى» پورتالى ەلىمىزدىڭ تانىمال تۇلعالارىنىڭ ٴدىني ومىرىنە ساراپتاما جۇرگىزىپ كوردى.

ارينە، بىرەۋدى حانافي مازھابىندا، ەندى بىرەۋدى تەرىس اعىمدا دەپ ٴبولىپ جارۋدان اۋلاقپىز. دەگەنمەن، وتاندىق جۇلدىزداردىڭ ىشىندە دىنگە وتە جاقىندارىن اتاپ ٴوتۋدى ٴجون سانادىق.

ەڭ الدىمەن تانىمال ادامداردىڭ دىنگە بەرىكتىگى ٴسوز بولعاندا ويىمىزعا قر پارلامەنتى ٴماجىلىسىنىڭ دەپۋتاتى بەكبولات تىلەۋحان ورالادى. ۇدايى ساقال قويىپ جۇرەتىن بەكبولات مىرزانىڭ ٴدىن تۋرالى تولعامدارى ينتەرنەتتە كوپتەپ كەزدەسەدى. اسىرەسە، بەكبولات تىلەۋحاننىڭ دارىن مۋباروۆپەن داستارحانداس بولىپ وتىرعان ۆيدەوسى جەلىدە قىزۋ تالقىلانعان ٴبىر كەزدەرى. ەسكە سالا كەتەيىك، بۇعان دەيىن وتاندىق باق دارىن مۋباروۆتى سالافيزم اعىمىن ۇستانۋشى دەپ ايىپتاعان بولاتىن. اق-قاراسىن بىلمەگەن سوڭ ارتىق ايتۋدان اۋلاقپىز، سىزدەردىڭ نازارلارىڭىزعا تەك سول ۆيدەونى ۇسىنۋدى ٴجون سانادىق.

ەندىگى كەزەكتە – تانىمال ايتىسكەر اقىن بالعىنبەك يماشەۆ. ايتىس دەسە ىشكەن اسىن جەرگە قوياتىن قازاق بالعىنبەكتى دە ەرەكشە جاقسى كورەتىن سەكىلدى. ينتەرنەتتە بالعىنبەكتىڭ جاس ايتىسكەر اقىن جانداربەك بۇلعاقوۆپەن وتكەن ٴدىني ايتىسى ەسىمىزگە تۇسەدى وسى ورايدا. بەكبولات اعاسى سەكىلدى ۇدايى ساقال قويىپ جۇرەتىن بالعىنبەك تە يسلام ٴدىنىن بەرىك ۇستاناتىن ونەر جۇلدىزدارىنىڭ قاتارىنان.

تاعى ٴبىر تانىمال تۇلعا ول – التىناي جورابايەۆا. حيدجاپ كيىپ فوتوعا تۇسكەن ساتتەن-اق التىنايدىڭ دىنگە بەرىكتىگى بايقالدى. ەسكە سالا كەتەيىك، 2011 جىلى جورابايەۆا جۇرەك قالاۋىمەن ناماز وقي باستاعانىن حالىققا مالىمدەگەن بولاتىن. التىنايدىڭ ونەردەگى ٴسىڭلىسى ايگەرىم قالاۋبايەۆا دا شاريعاتتى ۇستاناتىن ٴانشى.

kz توبىنىڭ ەكس-سوليسى، جاس ٴانشى بەيبىت كوشقاليەۆ شىعارماشىلىعىن شىڭداۋمەن قاتار، مۇسىلماندىق پارىزىن وتەپ، ناماز وقيدى. بەيبىتتىڭ شوۋ-بيزنەستەگى اعالارى مەيرامبەك بەسپايەۆ پەن ٴقىدىرالى بولمان دا مۇسىلماندىق پارىزى تۋرالى ەش ۇمىتپايتىن سەكىلدى. جۋىردا الەۋمەتتىك جەلىدەگى جەكە پاراقشاسىندا بەسپايەۆتىڭ قايرات جولدىباي ۇلىنىڭ كىتابىن وقىپ وتىرىپ تۇسكەن سۋرەتى ٴانشىنىڭ تۋرا جولدا ەكەنىن ايعاقتايدى دەيدى ٴدىنتانۋشىلار. سونداي-اق، جۋىردا الماتىداعى مەشىتتەردىڭ بىرىندە ازان شاقىرعان «جىگىتتەر» كۆارتەتىنىڭ ٴسوليسى ەردوس قانايەۆتى دە وسى تىزىمگە قوسسا بولادى.

اتاپ ايتا بەرەتىن بولساق، ەلىمىزدىڭ تانىمال تۇلعالارى مۇسىلماندىق پارىزدارىن ۇدايى وتەيتىنى ٴسوزسىز. ٴبىز سولاردىڭ كەيبىرىنە عانا توقتالدىق. الايدا، ولاردىڭ اراسىندا تەرىس ٴدىني اعىمدى ۇستاناتىندار بار ما، جوق پا، ول جاعىن ٴدوپ باسىپ ايتا المايمىز. ولاردىڭ اراسىندا سالافيزم سەكىلدى اعىم وكىلدەرى بار بولسا، حالىق ٴوزى ەسىمدەرىن ايتا جاتار دەپ سەنەمىز.

جوعارىدا ٴوزىمىز اتاپ وتكەن ونەر جۇلدىزدارىنا شىعارماشىلىق تابىس پەن بەس ۋاقىت نامازدارى ۇدايى قابىل بولسىن دەپ تىلەيمىز.

juldizdar.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي