BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورازالى دوسبوسىنوۆ پەن اجار تۇزەلبەكقىزىن ەسكە الۋ كەشى وتەدى

16 مامىر كۇنى ساعات 19.00-دە الماتىداعى ستۋدەنتتەر سارايىندا قازاقتىڭ اقتاڭگەر ۇلى، ايتۋلى ايتىسكەر اقىن ورازالى دوسبوسىنوۆ پەن بەلگىلى ٴانشى اجار تۇزەلبەكقىزىن ەسكە الۋعا ارنالعان «ساعىندىم سەنى...» اتتى ٴان-جىر كەشى وتەدى.

«قۇلمامبەتتەن قالعان ق ۇلىنمىن،

كودەكتەن قالعان ٴبىر ۇلمىن»،

 

– دەپ ايتىس ونەرىنىڭ جارىق جۇلدىزىنا اينالىپ، ەلىنىڭ سۇيىسپەنشىلىگىنە بولەنگەن ورازالى دوسبوسىنوۆتىڭ دۇنيەدەن وزعانىنا دا سەگىز جىلدىڭ ٴجۇزى بولىپتى. قاراشا ايىن­دا تۋىپ، قارا جولدىڭ ۇستىندە كولىك اپاتى­نان قاپەلىمدە كوز جۇمعان اقىن قا­لىڭ قازاقپەن قاراشادا قوشتاسىپ كەتە باردى. وعان اياۋلى جار بولىپ، ۇل-قىز تاربيەلەپ وتىرعان ٴانشى اجار دا وتكەن جىلى ورازدىڭ تاعدىرىن قايتالادى.

ورازالى دوسبوسىنوۆ 1975 جىلى 15 قارا­شادا الماتى وبلىسى رايىمبەك اۋ­دانى (بۇرىنعى نارىنقول اۋدانى) تەگىستىك اۋىلىندا تۋعان. مەكتەبىن ٴتامام­داعان سوڭ، اۋىلدىق مادەنيەت ۇيىندە جۇمىس ىستەگەن. وقۋشى كەزىنەن ايتىستار مەن ٴتۇرلى مادەني شارالارعا قاتىسىپ جۇرگەن ول ايرىقشا تالانتىمەن ەرتە كوزگە ٴتۇستى. كەيىن الماتىعا كەلىپ، اباي اتىنداعى قازاق ۇلتتىق پەداگوگيكالىق ۋنيۆەر­سيتەتىنىڭ فيلولوگيا فاكۋلتەتىندە وقىدى. ۇلكەن ونەر ورداسىندا ٴجۇرىپ، ورازالى رەس­پۋب­ليكالىق ايتىستارعا قاتىسىپ، ايتىس­سۇيەر قاۋىمنىڭ جوعارى باعاسىن الدى. ٴبىراز جىل قازاق ۇلتتىق ۋنيۆەر­سيتەتىندە مادەني-اعارتۋشىلىق سالاسىندا ەڭبەك ەتە ٴجۇرىپ، ٴبىرقاتار ٴىزباسار شاكىرت­تەرىن تاربيەلەدى. ول نەگىزىنەن ەركىن شى­عار­ماشىلىقپەن اينالىسقان. ەشقان­داي رەسمي اتاقسىز-اق از ۋاقىت ىشىندە ول حالىقتىڭ اقىنىنا اينالدى. ٴىرى ايتىستاردا تالاي رەت توپ جارعان ورازالى كورشىلەس رەسەي، قىتاي، قىرعىزستان، وزبەكستان مەملەكەتتەرىندە وتكەن دودالاردا دا وراق تىلىمەن كەسىمدى ٴسوز ايتىپ، قازاقتىڭ اتىن اسقاقتاتتى. مارقۇمنىڭ دەنەسى الماتى ماڭىنداعى تۇزدىباستاۋ قورىمىندا جەر­لەنگەن.

ورازالىداي اقىنعا جار بولعان، قازىرگى قازاق ەستراداسىنىڭ جۇلدىزىنا اينالا باستاعان ٴانشى اجار تۇزەلبەكقىزى وڭتۇستىك قازاقستان وبلىسى سوزاق اۋدانىنداعى تاستى اۋىلىندا تۋعان. اۋىل مەكتەبىن ٴتامامداعان سوڭ، ول الماتىعا كەلىپ، ت.ٴجۇر­گەنوۆ اتىنداعى قازاق ۇلتتىق ونەر اكا­دەمياسىندا وقىدى. ول اياۋلى جارى ورا­زالى ومىردەن وزعاننان كەيىن اقىن مۇراسىن جيناقتاپ، جوقتاۋشىسى بولا ٴبىل­ٴدى. «اناعا حات»، «ساعىندىم سەنى» اتتى اندەر ارقىلى ەسىمى حالىققا كەڭ تاراعان انشىگە توپىراق تۋعان اۋىلىنان بۇيىردى. بۇگىندە ورازالى مەن اجاردىڭ پەرزەنتتەرى – نۇرايشا مەن نۇرسۇلتان شىمكەنت قالا­سىنداعى ٴو.جول­داس­بەكوۆ اتىنداعى كول­لەدج-ليسەيدە ٴبىلىم الۋدا.

ومىردەن ەرتە كەتكەن قوس تالانتقا ارنالعان كەشتە ونەر جۇلدىزدارى – «قو­ڭىر» توبى، «جىگىتتەر» توبى، سايات مەدەۋوۆ، اقبوتا كەرىمبەكوۆا، جانبولات-جازيرا، روزا ٴالقوجا، ەركىن نۇرجانوۆ، الما امانجولوۆا، سونداي-اق ايتىس اقىن­دارى – اقمارال ىلەۋبايەۆا، اينۇر تۇر­سىنبايەۆا، قاينار الاكوزوۆ، بولاتبەك ورازبايەۆ جانە نۇرسۇلتان، نۇرايشا دوس­بوسىنوۆتار قاتىسادى. كەش بيلەتتەرىن ستۋدەنتتەر سارايى، بالۋان شولاق اتىن­داعى سپورت كەشەنى جانە «زاڭعار» ساۋدا ورتالىعىنىڭ كاسسالارىنان ساتىپ الۋعا بولادى.

اۆتور: تاڭاتار ايت ۇلى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي