BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ورالمان» ٴفيلمىنىڭ تۇساۋكەسەرى ٴوتتى

استاناداعى «سارى-ارقا» سوو كينوتەاترىندا اۋعانستاننان تۋعان جەرىنە ورالعان قازاق وتباسىنىڭ ٴومىرى تۋرالى باياندايتىن «ورالمان» ٴفيلمىنىڭ تۇساۋكەسەرى ٴوتتى، دەپ حابارلايدى baq.kz اقپارات اگەنتتىگى.

مادەني ٴىس-شاراعا قر پارلامەنتى ٴماجىلىسىنىڭ دەپۋتاتى قۋانىش سۇلتانوۆ، دۇنيەجۇزى قازاقتارى قاۋىمداستىعى ٴتوراعاسىنىڭ ورىنباسارى زاۋىتبەك تۇرىسبەكوۆ، «رەسپۋبليكالىق راديو» جشس باس ديرەكتورى ٴمادي ماناتبەك، قازاقستاننىڭ ەڭبەك سىڭىرگەن قايراتكەرى، كينورەجيسسەر سلامبەك تاۋەكەل، سونىمەن قاتار ٴفيلمنىڭ شىعارماشىلىق توبى قاتىستى. كارتينانىڭ رەجيسسەرى – ٴسابيت قۇرمانبەكوۆ («سەكەر»، «جيدە»).

ٴفيلمدى قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا «كادام» كينوكومپانياسىنىڭ قاتىسۋىمەن ش.ايمانوۆ اتىنداعى «قازاقفيلم» كينوستۋدياسى تۇسىرگەن. كينوتۋىندىنىڭ سسەنارييىن بەلگىلى كينودراماتۋرگ نۇرلان سانجار ٴسابيت قۇرمانبەكوۆتىڭ قاتىسۋىمەن جازعان.

«بۇل ٴفيلمدى تۇسىرۋگە تەك نۇرلان سانجاردىڭ سسەنارييى عانا ەمەس، سونىمەن قاتار رەپاترياسيا تاقىرىبىنا ارنالعان كوپتەگەن ماقالالار تۇرتكى بولدى. جەرگىلىكتى باسىلىمداردىڭ بىرىنەن اۋعانستانداعى سوعىسقا قاتىسقان زامانداسىمىز تۋرالى ماقالا وقىدىم، كەيىن سول بەينەنى ٴفيلمنىڭ كەيىپكەرى ەتىپ الدىم. تۋعان جەرگە ورالعان ازاماتتاردىڭ باستان كەشەتىن قيىندىقتارى الەمدەگى وزەكتى ماسەلەلەردىڭ ٴبىرى. قاي ەلدى الساڭىز دا، رەپاتريانتتارى بار. كينو نەمەسە باق ارقىلى بولسىن، وسى تاقىرىپتى قوزعاۋىمىز قاجەت. ٴبىزدىڭ فيلم اتامەكەنىنە قونىس اۋدارۋدى ارماندايتىن قاراپايىم ادام جانە وتان تۋرالى»، - دەدى ٴفيلمنىڭ رەجيسسەرى ٴسابيت قۇرمانبەكوۆ.

كارتينانىڭ ٴتۇسىرۋ جۇمىستارى تاجىكستان استاناسىنان 150 كم. شاقىرىم جەردە، سونىمەن قاتار، قاراعاندى وبلىسى پريوزەرسك قالاسى مەن الماتى وبلىسىنداعى قاپشاعاي قالالارىنىڭ ماڭىندا جۇرگىزىلدى. فيلمگە ەلىمىزدىڭ تانىمال اكتەرلەرى: دۋلىعا اقمولدا، ەسىم سەگىزبايەۆ، شىنار اسقاروۆا، بايان قاجنابيەۆا جانە باسقا دا اكتەرلەر تۇسكەن.

ەستەرىڭىزگە سالا كەتسەك، «ورالمان» ٴفيلمىنىڭ الەمدىك پرەمەراسى يراندا ٴوتتى. تەگەران قالاسىندا وتكەن، ٴ35-شى حالىقارالىق فادجر كينوفەستيۆالىنىڭ «شىعىس پانوراماسى» اتتى كونكۋرستىق باعدارلاماسىنا قاتىسقان وتاندىق كينوتۋىندى ونداعان فيلمدەر اراسىنان توپ جارىپ، ۇزدىك اتاندى. 2017 جىلدىڭ شىلدە ايىندا «ورالمان» ٴفيلمى استانادا وتكەن xiii حالىقارالىق «ەۋرازيا» كينوفەستيۆالىنىڭ نەگىزگى باعدارلاماسىنا ىرىكتەلىپ، ناتيجەسىندە باس جۇلدەنى يەمدەندى. ال قىركۇيەك ايىنىڭ باسىندا اتالعان فيلم قازاقستاننىڭ اتىنان تاتارستانداعى قازان قالاسىندا وتكەن xiii حالىقارالىق مۇسىلماندار كينوسى فەستيۆالىنە قاتىسىپ، فيلمدە باستى ٴرولدى سومداعان اكتەر دۋلىعا اقمولدا «ۇزدىك ەر ادام ٴرولى» جۇلدەسىمەن ماراپاتتالدى. سونداي-اق كينوتۋىندى بريسبەن (اۆستراليا) جانە ورەنبۋرگ (رەسەي) قالالارىندا وتكەن حالىقارالىق كينوفەستيۆالدەردىڭ نەگىزگى باعدارلامالارىنا قاتىسقان بولاتىن.

«ٴبىزدىڭ ٴفيلمنىڭ فەستيۆالدىك تاعدىرى ٴالى دە جالعاسىپ جاتىر. بۇگىنگى كۇنى «ورالمان» ٴفيلمى 6-شى زابايكال فەستيۆالىنىڭ كونكۋرستىق باعدارلاماسىنا قاتىسىپ جاتىر، قازان ايىندا وتەتىن يتالياداعى فەستيۆالدە دە باق سىنايتىن بولامىز. سونىمەن قاتار، كۇزدىڭ ورتاسىندا اۆستراليادا حالىقارالىق پروكاتقا شىعادى، ال كەلەر جىلدىڭ باسىندا «ورالمان» ٴفيلمىن يتالياندىق كورەرمەندەر تاماشالايتىن بولادى»، - دەدى رەجيسسەر.

قازاقستاندىقتار «ورالمان» ٴفيلمىن بۇگىننەن باستاپ (15 قىركۇيەك) ەلىمىزدىڭ كينوتەاترلارىنان كورە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي