BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىكتە رەسپۋبليكالىق اقىندار ايتىسى باستالدى

فوتو: ОҚО әкімінің баспасөз қызметінен

بۇگىن وڭتۇستىك قازاقستان وبلىسىندا قر تاۋەلسىزدىگىنىڭ 25 جىلدىعىنا ارنالعان «بىرلىگىمىز جاراسقان ماڭگىلىك ەل» اتتى رەسپۋبليكالىق ايتىس باستالدى. اقىنداردىڭ باسىن قوسقان ٴدۇبىرلى دوداعا ەلىمىزدىڭ ايتۋلى 16 اقىنى مەن قىتاي، قىرعىزستان، موڭعوليا، وزبەكستان ەلدەرىنىڭ ٴسوز دۇلدۇلدەرى دە ارنايى شاقىرتىلدى، دەپ حابارلايدى baq.kz.

اتاپ ايتار بولساق، بۇگىنگى جۇيرىكتەردىڭ ٴسوز سايىسىنا وڭتۇستىك قازاقستان وبلىسى اتىنان ج.ناۋشابەكوۆ، ك.ورالوۆا، ا.جاپپارقۇلوۆا، ن.مەيىرمانوۆ، ق.ابزالوۆ، ب.بايتۋوۆ، ن.ٴاناپيا، د.پولاتبايەۆ، ت.تۇلەۋليەۆ، ا.نيازبەكتەر قاتىسسا، ەلىمىزدىڭ باس قالاسى استانادان ا.تۇرسىنبايەۆا، ج.بۇلعاقوۆ، ال، قىزىلوردادان م.ايتباي، قوستانايدان س.اۋەزحان، جامبىل وبلىسىنان ق.مىرزاحان، قاراعاندىدان ا.جۇماعۇلوۆ سىندى ٴبىرتۋار اقىندارىمىز كەلىپ باق سىناۋدا.

قر تاۋەلسىزدىگىنىڭ 25 جىلدىعىنا ۇيىمداستىرىلعان الامان ايتىسقا وبلىس اكىمدىگىنىڭ ەكى جەڭىل اۆتوكولىگى مەن قارجىلاي جۇلدە قورى تاعايىندالىپ وتىر.

اقىندار ايتىسىن وبلىسىمىزدىڭ تۋماسى، «پاراسات» وردەنىنىڭ يەگەرى، «ارا.kz» جۋرنالىنىڭ باس رەداكتورى، بەلگىلى ساتيريك كوپەن امىربەك جۇرگىزۋدە.

كىل مىقتىلاردىڭ ايتىس الامانىندا قازىلار القاسىنىڭ ٴتورايىمى- قازاقستاننىڭ حالىق اقىنى، جامبىل جابايەۆ اتىنداعى سىيلىقتىڭ جانە «پاراسات» وردەنىنىڭ يەگەرى اسەلحان قالىبەكوۆا بولسا، قوعام قايراتكەرى، قر مادەنيەت قايراتكەرى ورازكۇل اسانعازى، قازاقستاننىڭ حالىق اقىنى، ايتىسكەر اقىن ٴاسيا بەركەنوۆا، قر ەڭبەك سىڭىرگەن قايراتكەرى، «قۇرمەت»، «پاراسات» وردەندەرىنىڭ يەگەرى، حالىقارالىق «الاش» سىيلىعىنىڭ لاۋرەاتى، جازۋشى مارحابات بايعۇت پەن ايتىسكەر اقىن، سازگەر ٴابدىحالىق ٴابدىرايىم ۇلى سىندى ازاماتتار قازىلىق ەتۋدە.

ەكى كۇنگە جالعاساتىن سۋىرىپ سالما الامان ايتىسىنىڭ ماقساتى - تاۋەلسىزدىك جىلدارىندا ەلىمىزدىڭ قول جەتكىزگەن جەتىستىكتەرى مەن تابىستارىن ولەڭ سوزبەن حالىققا جەتكىزۋ بولىپ تابىلادى.

ەرتەڭ 3 جەلتوقسان كۇنى ساعات 11.00-دە «تۇركىستان» سارايىندا «بىرلىگىمىز جاراسقان-ماڭگىلىك ەل» اتتى رەسپۋبليكالىق اقىندار ايتىسىنىڭ جابىلۋ سالتاناتى وتەدى، دەپ حابارلايدى وقو اكىمىنىڭ ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي