BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا «ەلباسى – تاۋەلسىز قازاقستان» كورمەسى اشىلدى

فوتو: karaganda-region.gov.kz

استانا، baq.kz. قاراعاندى وبلىستىق بەينەلەۋ ونەرى مۇراجايىندا ٴبىرىنشى پرەزيدەنت كۇنىنە جانە قازاقستاننىڭ تاۋەلسىزدىگى كۇنىنە ارنالعان كورمە اشىلدى.

كورمەدە مۇراجاي قورىنان 41 جادىگەر ۇسىنىلعان. مۇندا كەسكىندەمە، گرافيكا جانە قولدانبالى تۋىندىلارىن تاماشالاۋعا بولادى. سۋرەتشىلەردىڭ جۇمىستارىن قازاقستانعا، تۋعان قالا مەن اۋىلعا دەگەن ماحاببات تاقىرىبى بىرىكتىرەدى.

كەيبىر سۋرەتشىلەر حالقىمىزدىڭ ٴجۇرىپ وتكەن جولىن قايتا قاراستىرا كەلىپ، ەلىمىزدىڭ تاريحىنا ۇڭىلگەن. كەلىسى بىرەۋلەرىنە قازاقتاردىڭ كوركەم مادەنيەتىنىڭ داستۇرلەرى ماڭىزدى بولعان. سۋرەتشىلەردىڭ بۇل جۇمىستارىندا ونەردەگى بۇگىنگى كۇنگە ٴتان كلاسسيكالىق ونەر مەن ۇلتتىق ويلاۋدىڭ جاڭاشا باعىتتاعى كوزقاراسى كورسەتىلگەن. قىل قالام شەبەرلەرىنىڭ كوبىسى ٴوز سۋرەتتەرىندە تۋعان ولكەسىنىڭ سۇلۋلىعىن، سارىارقا دالاسىنىڭ كەرەمەت اسەمدىلىگىن كورسەتە ٴبىلدى.

كورمەدە ۆ.كرىلوۆ، ر.ەسىركەەۆ، ٴا.سىدىحانوۆ، ا.عالىمبايەۆا، ٴا.يسمايلوۆ، ا.رومانوۆ، م.ٴابىلقاسوۆ، م.قالقابايەۆ، م.بايتەنوۆ جانە تاعى دا باسقا تانىمال سۋرەتشىلەردىڭ تۋىندىلارىن تاماشالاۋعا بولادى. ولار ٴوز كەسكىندەمەلىك پەيزاجدارىندا شىنايى تۇرعىدا قازاقتىڭ كەڭ دالاسىن بەينەلەگەن، كەنشىلەر مەن مەتاللۋرگتەردىڭ، قۇرىلىسشىلاردىڭ، اۋىلداستارىنىڭ پورترەتتىك بەينەلەرىن سۋرەتتەگەن.

ورتا بۋىن قاراعاندىلىق تانىمال سۋرەتشىلەر ب.مۇستافين، پ.كيشكيس، و.دروزدوۆ تۋعان جەر، سۇيىكتى قالامىزعا ارناعان تۋىندىلارىن وسى كورمەدەن كورە الاسىزدار. م.امانبايەۆتىڭ گرافيكالىق جۇمىسى ۇلتتىق ناشىقتا جازىلعان، كەيىپكەردىڭ ٴور تۇلعاسىن، مىنەز – قۇلقىن تاماشا جەتكىزە العان تۋىندى.

«ەلباسى – تاۋەلسىز قازاقستان» كورمەسى بۇقار جىراۋ داڭعىلى، 76 مەكەنجايى بويىنشا ورنالاسقان بەينەلەۋ ونەرى مۇراجايىندا 23 قاراشاعا دەيىن جالعاسادى. كىرۋ قۇنى – 150 تەڭگە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي