نۇرسۇلتان نازاربايەۆتىڭ ٴومىربايانى تۋرالى بىرەگەي كىتاپ جارىققا شىقتى - ونەر|08 تامىز 2012، 09:30
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرسۇلتان نازاربايەۆتىڭ ٴومىربايانى تۋرالى بىرەگەي كىتاپ جارىققا شىقتى

«دەلوۆوي مير استانا» باسپاسىنان قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ رەسمي ٴومىربايانى جارىق كوردى.
 

 بۇل كىتاپتى ن.ٴا.نازاربايەۆتىڭ ٴومىرى مەن قىزمەتىن رەسمي ٴتاريحي-ومىرباياندىق زەرتتەۋدىڭ العاشقى تاجىريبەسى دەۋگە بولادى. كىتاپتا ونىڭ قاراپايىم اۋىل بالاسىنان ۇلت كوشباسشىسىنا دەيىنگى ٴجۇرىپ وتكەن جولى باياندالادى. بۇل ورايدا، باستى نازار ن.ٴا.نازاربايەۆتىڭ ساياسي ٴومىربايانىنا اۋدارىلعان، ول قازاقستان ٴحح-ححى عاسىرلاردا ٴوز دامۋىنىڭ بارىسىندا باستان وتكەرگەن درامالىق جانە قالىپتان تىس وقيعالار مەن ۇدەرىستەردىڭ تاريحي اياسىندا بەرىلەدى.
قازاقستان رەسپۋبليكاسى تۇڭعىش پرەزيدەنتىنىڭ ٴومىربايانىنا دەگەن جۇرتشىلىق قىزىعۋشىلىعىنىڭ جوعارى ەكەنىن ەسكەرەر بولساق، مۇنداي باسىلىمعا سۇرانىستىڭ پىسىپ-جەتىلگەنىنە كوپ بولىپ ەدى. ونىڭ ۇستىنە، بۇگىنگى تاڭدا ەلباسىنا ارنالعان ماتەريالدار مەن جاريالانىمداردىڭ كوپشىلىگىندە جەكەلەگەن وقيعالاردى، دەرەكتەر مەن داتالاردى سۋرەتتەۋ مەن قۇبىلتىپ بايانداۋدا كوپتەگەن ٴوڭىن اينالدىرىپ بەرۋشىلىك پەن قاراما-قايشىلىقتار بار. سول سەبەپتى، داۋسىز دەرەكتەرگە ٴارى باعا بەرە پىكىر ايتۋدى مەيلىنشە ازايتۋعا سۇيەنە وتىرىپ، بايانداۋدىڭ سۋرەتتەۋ-مالىمدەۋ ٴستيلىن نەگىزگە الۋ ارقىلى، سولاردى ٴبىر ىزگە تۇسىرۋگە تالپىنىس جاسالدى.
ارحيۆ ماتەريالدارىنىڭ اۋقىمدى بازاسىنىڭ نەگىزىندە ازىرلەنگەن ٴومىربايان قازاقستاننىڭ ەڭ جاڭا تاريحىنىڭ ەلەۋلى قۇجات كوزى بولىپ تابىلادى. ونى ازىرلەۋ بارىسىندا ورتالىق مەملەكەتتىك ٴارحيۆتىڭ، پرەزيدەنت ٴارحيۆىنىڭ، تۇڭعىش پرەزيدەنت مۇراجايىنىڭ، پرەزيدەنت اكىمشىلىگىنىڭ، قاراعاندى وبلىسى مەملەكەتتىك ٴارحيۆىنىڭ، تەمىرتاۋ ق. مەملەكەتتىك ٴارحيۆىنىڭ، الماتى وبلىسىنىڭ قاراساي اۋدانىنداعى تاريحي-ولكەتانۋ مۇراجايىنىڭ قورلارىنداعى ارحيۆتىك قۇجاتتاردى زەرتتەۋ جونىندە ۇلكەن جۇمىستار جۇرگىزىلدى.
قۇرىلىمدىق جاعىنان كىتاپ 12 تاراۋدان تۇرادى، ولاردىڭ ٴارقايسىسى باس كەيىپكەر ٴومىربايانىنىڭ بەلگىلى ٴبىر كەزەڭىن قامتيدى.
كىتاپتىڭ باستى قۇندىلىعى مەن ەرەكشەلىگى مىنادا: وندا ەلەۋلى فوتوسۋرەت ماتەريالدارىمەن بىرگە، ن.ٴا.نازاربايەۆتىڭ جەكە قۇجاتتارىنىڭ كوشىرمەلەرى ٴتۇرى، ماتىندەرى جانە تۇستىك گامماسى بويىنشا ٴتۇپنۇسقانىڭ ٴوزىن دالمە-دال قايتالايتىن نۇسقالارى العاش رەت ۇسىنىلعان. مۇنىڭ ٴوزى وقىرمانعا سۋرەتتەلىپ وتىرعان وقيعالار كەزەڭىنىڭ اۋانىنا تولىعىراق قانىعۋىنا مۇمكىندىك بەرەدى.
ٴومىرباياندا سونداي-اق مەملەكەت باسشىسىنىڭ قىزمەتتىك لاۋازىمدارىنىڭ، عىلىمي دارەجەلەرى مەن اتاقتارىنىڭ، قۇرمەتتى دارەجەلەرىنىڭ، ناگرادالارىنىڭ، كىتاپتارىنىڭ، ماڭىزدى ماقالالارى مەن سوزدەرىنىڭ تىزبەسى دە بەرىلگەن.
كىتاپتىڭ قوعامدىق-ساياسي ماڭىزى نازارعا الىنا وتىرىپ، ول 20 مىڭ دانا تارالىممەن جارىق كوردى، باسىلىم ەلىمىزدىڭ بارلىق ورتا مەكتەپتەرىنە، ارناۋلى ورتا ٴبىلىم مەكەمەلەرىنە، جوعارى وقۋ ورىندارىنا، كىتاپحانالارىنا، ورتالىق جانە جەرگىلىكتى مەملەكەتتىك ورگاندارىنا جىبەرىلەتىن بولادى.
اتالعان كىتاپتى قازاقستان رەسپۋبليكاسى پرەزيدەنتى كەڭسەسىنىڭ باستىعى، ساياسي عىلىمدار دوكتورى، پروفەسسور م.ب.قاسىمبەكوۆ جەتەكشىلىك ەتەتىن شىعارماشىلىق توپ ازىرلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي