BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇمكىندىگى شەكتەۋلى جاندار «ٴسالت-داستۇردى ساقتاي وتىرىپ...» اتتى كورمە وتكىزۋدە

فوتو: Ержан Жаубай

"استانا" ۇلتتىق سۋرەت گالەرەياسىندا قىش-قۇمىرا جاساۋ ونەرى كورمەسىنىڭ اشىلۋ سالتاناتى ٴوتتى. «ٴسالت-داستۇردى ساقتاي وتىرىپ...» دەپ اتالاتىن بۇل كورمە قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي ۇيىمداستىرىلىپ، قازاق حالقىنىڭ ۇلى داستۇرلەرىن جانە وزىندىك ۇلتتىق مادەنيەتىن جاڭعىرتۋ ماقساتىندا وتكىزىلدى، دەيدى baq.kz ٴتىلشىسى.

كورمە «دوس» تاۋەلسىز ٴومىر» ورتالىعى مۇگەدەكتەر قوعامدىق بىرلەستىگى مەن «استانا» ۇلتتىق سۋرەت گالەرەياسىنىڭ ۇيىمداستىرۋىمەن قولعا الىنعان.

«بۇل بىرىنشىدەن تاۋەلسىزدىكتىڭ 25 جىلدىعىنا تارتىلعان تارتۋ بولسا، ەكىنشى – مۇمكىندىگى شەكتەۋلى جانداردىڭ قوعاممەن ارالاسۋىنا، ولاردىڭ كەرەك بولسا ونەكى مۇشەسى ساۋ ادامنان دا ارتىق شەبەرلىككە يەكەنىن كورسەتۋ. سونىمەن قاتار، ۇلتىمىزدىڭ ەرەكشە ونەرىن – قىش بۇيىم جاساۋدى كەيىنگى ۇرپاققا دارىپتەۋ ماقساتىندا قولعا الىنىپ وتىر. جالپى «استانا» سۋرەت گالەرياسى مۇنداي رۋحاني شارالارعا ۇنەمى قولداۋ ٴبىلدىرىپ وتىرادى» - دەيدى گالەريا باسشىسى اسىلحان ٴسادۋوۆ.

«استانا» ۇلتتىق سۋرەت گالەرەياسىنىڭ كورمە زالىندا ساندىك-قولدانبالى ونەر جانە قىش-قۇمىرا جاساۋ ونەرىنىڭ قازاقستاندىق شەبەرلەرىنىڭ بىرەگەي تۋىندىلارى كورەرمەن نازارىنا قويىلعان. اسىرەسە انار وماروۆا مەن باۋىرجان سالايەۆتىڭ قولدارىنان شىققان قۇمىرالار ەلدىڭ نازارىن ەرەكشە اۋداردى.

«دوس» تاۋەلسىز ٴومىر» ورتالىعى مۇگەدەكتەر قوعامدىق بىرلەستىگىنىڭ جەتەكشىسى دينا ەردىلدينوۆانىڭ ايتۋىنا قاراعاندا قىشتان بۇيىم جاساۋ، ونى حالىق نازارىنا ۇسىنۋ ارباعا تاڭىلعان جانداردىڭ جانىنا تىنىشتىق سىيلايدى.

«ٴبىزدىڭ ورتالىق 2006 جىلى مۇمكىندىگى شەكتەۋلى جاندارعا ارنايى اشىلعان بولاتىن. ورتالىقتىڭ باستى ماقساتى – مۇمكىندىگى شەكتەۋلى جاندارعا بارىنشا جاردەمدەسۋ جانە قوعامدا ٴومىر سۇرۋگە قاجەتتى داعدىلاردى قالىپتاستىرۋ بولىپ تابىلادى. «استانا» ۇلتتىق سۋرەت گالەرەياسىمەن بىرلەسىپ ۇيىمداستىرعان كورمە بارىسىندا ٴبىز ٴومىر سۇرۋگە، قيىندىقپەن كۇرەسە بىلۋگە ۇندەيمىز» - دەيدى ورتالىق جەتەكشىسى.

«ٴسالت-داستۇردى ساقتاي وتىرىپ...» اتتى قىش-قۇمىرالار كورمەسى قازاقستاننىڭ ساندىك-قولدانبالى ونەرى سالاسىنداعى شىعارماشىلىق ىنتىماقتاستىقتىڭ جاقسى داستۇرىنە اينالماق.

كورمە 2016 جىلعى 7 قازانعا دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي