BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر گولليۆۋدتى مويىنداتقان دومبىراشىلارمەن كەزدەستى

فوتو: Нұржас Жақсыбай

قر مادەنيەت جانە سپورت ٴمينيسترى ارىستانبەك مۇحاممەدي ۇلى گولليۆۋدتا وتكەن مۋزىكالىق بايقاۋدا جەڭىسكە جەتكەن «باستاۋ» توبىنىڭ مۇشەلەرىمەن كەزدەستى، دەپ حابارلايدى baq.kz ٴتىلشىسى.

كەزدەسۋ بارىسىندا ۆەدومستۆو باسشىسى مۋزىكانتتاردىڭ شەتەلدەگى بايقاۋلاردا جەڭىسكە جەتىپ، ەلىمىزدىڭ ابىرويىن كوتەرگەنىنە جوعارى باعالادى.

«بۇگىن ٴبىز ٴۇشىن قۋانىشتى جاعداي. مۋزىكانتتارىمىز گولليۆۋدتا وتكەن بەدەلدى مۋزىكالىق بايقاۋدا گران-پري جۇلدەسىن جەڭىپ الدى. بايقاۋدىڭ قۇرىلتايشىسى – تانىمال اكتەر ارنولد شۆارسنەگگەر. سونداي-اق حالىقارالىق «سلاۆيان بازارى» فەستيۆالىندە «امرە» اتتى لاقاپ اتپەن ونەر كورسەتكەن ەرنار سادىربايەۆ تا لاۋرەات اتاندى. بيىل ول تەمىربەك جۇرگەنوۆ اتىنداعى ونەر اكادەمياسىن ٴتامامدايدى»، - دەدى مينيستر.

سونىمەن قاتار ارىستانبەك مۇحاممەدي ۇلى «باستاۋ» توبىنىڭ مۇشەلەرى ناۋرىز ەرنات پەن ولجاباي تەمىرلانعا باعالى سىيلىقتار تابىستادى. ٴوز كەزەگىندە دومبىراشىلار مينيسترگە كۇي ورىنداپ بەردى.

سونىمەن قاتار «باستاۋ» توبىنىڭ مۇشەسى ناۋرىز ەرنات دومبىراعا مۋزىكا سالاسىنداعى بىلىكتى ماماندار تاڭدانىس بىلدىرگەنىن قۋانىشپەن ايتتى.

«بايقاۋدا جەڭىسكە جەتكەننەن كەيىن ٴتۇرلى ۇسىنىستار تۇسە باستادى. ەۋروپالىق مۋزىكانتتار، كونكۋرستىڭ ٴادىلقازىلار القاسى ەڭبەگىمىزگە جوعارى باعا بەردى»، - دەدى دومبىراشى.

ەستەرىڭىزگە سالا كەتەيىك، اقش-تاعى گولليۆۋدتا وتكەن اۋقىمدى مۋزىكالىق بايقاۋدا ەل نامىسىن قورعاعان «باستاۋ توبى» ٴوز نوميناسياسىندا ۇزدىك تانىلعان.

ەل قورجىنىنا التىن مەدال تۇسىرگەن مۋزىكانتتار قازاقتىڭ قارا دومبىراسىمەن الەمدىك مۋزىكا سالاسىنداعى مامانداردى تاڭداي قاقتىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي