BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك قۋىرشاق تەاترى حالىقارالىق فەستيۆالگە جول تارتتى

فوتو: ашық дереккөзден

الماتى، baq.kz. 84 جىلدىق تاريxى بار الماتى قالاسىنىڭ مەملەكەتتىك قۋىرشاق تەاترى تاجىكستان رەسپۋبليكاسى دۋشانبە قالاسىندا وتەتىن «چوداري حايول» vi حالىقارالىق قۋىرشاق تەاترلارىنىڭ فەستيۆالىنە قاتىسادى.

قازان ايىنىڭ 22-29 كۇندەرى ارالىعىندا وتەتىن ونەر مەرەكەسىنە رەسەي، تاجىكستان، وزبەكستان، تۇركمەنستان جانە ۋكراينانىڭ ۇزدىك ونەر ۇجىمدارى قاتىسىپ، ٴوزارا تاجىريبە الماسپاق. كاسىبي ساراپشىلاردىڭ تالداۋلارىن تىڭداپ، شەبەرلىكتەرىن اتتىرماق.

تەاتر فەستيۆالىنىڭ باستى ماقساتى – قۋىرشاق تەاترى ونەرىنىڭ الەمدىك كەڭىستىكتە دامۋ جولىن ساقتاي وتىرىپ، ٴار ەلدىڭ رەپەرتۋار ساياساتىمەن كەڭىنەن تانىسۋ، ونەر وشاقتارىنىڭ شىعارماشىلىق تىنىسىن باعامداۋ.

فەستيۆال اياسىندا نەگىزگى باعدارلاماداعى قويىلىمداردىڭ كورسەتىلىمىنەن تىس، مەرەكەلىك ارنايى قويىلىمدار، فەستيۆال قاتىسۋشىلارىنىڭ اراسىندا دوڭگەلەك ۇستەلدەر مەن شەبەرلىك ساعاتتارى، ت.ب. شارالار ۇيىمداستىرىلۋ جوسپارلانۋدا.

«ۇزدىكتەر باس قوساتىن ونەر مەرەكەسىندە مەملەكەتتىك قۋىرشاق تەاترى «انا جۇرەگى» (اۆت.: ە.يونوۆ، رەج.: ا.زايسەۆ) درامالىق قويىلىمىمەن قاتىسادى. بۇل – ٴبىزدىڭ ۇجىم ٴۇشىن زور جەتىستىك. ٴ83-شى ماۋسىمدا كورەرمەنگە جول تارتقان سپەكتاكلدىڭ تاقىرىبى مەن كورەرمەنگە بەرەر ويى، مازمۇنى مەن ماڭىزى ەرەكشە. قانشاما عاسىر وتسە دە، ٴومىردىڭ كىلتىن ۇستاپ تۇرعان «انا» مەن «بالا» ۇعىمى ەشقاشان قۇندىلىعىن جوعالتقان ەمەس. انا بالاعا، بالا اناعا تاۋەلدى. ٴبىراق، بۇگىنگى زاماندا ٴبىز بۇل تۇسىنىكتى قالاي قابىلدايمىز؟!. مىنە، وسى ساۋالعا جاۋاپ ىزدەيتىن قويىلىم قۋىرشاقتار بەينەسىندە ٴتىل قاتىپ، كورەرمەنگە ەرەكشە اسەر قالدىراتىنى انىق»، -دەلىنگەن حابارلامادا.

ايتا كەتەرلىك جايت، اتالعان قويىلىم قىركۇيەك ايىنىڭ 23-26 كۇندەرى ارالىعىندا اقتوبە وبلىستىق مادەنيەت، ارحيۆتەر جانە قۇجاتتاما باسقارماسى، اقتوبە وبلىستىق «الاقاي» قۋىرشاق تەاترىنىڭ ۇيىمداستىرۋىمەن وتكەن

«اسسالاۋماعالەيكۋم – v» حالىقارالىق قۋىرشاق تەاترلارى فەستيۆالىنە قاتاسىپ، «ەڭ ۇزدىك سپەكتاكل» نوميناسياسىن يەلەنە وتىرىپ، گران – ٴپريدى جەڭىپ العان. سونداي-اق، قويىلىم 2019 جىلدىڭ ماۋسىم ايىندا رەسەي فەدەراسياسى سانكت-پەتەربۋرگ قالاسىندا وتەتىن «كۋكart» حالىقارالىق قۋىرشاق تەاترلارى فەستيۆالىنە جولداما الدى.

ونەر ۇجىمى «انا جۇرەگى» قويىلىمىن 22 قازان كۇنى ساعات 17:00-دە فەستيۆالدىڭ سالتاناتتى اشىلۋىندا جانە 23 قازان كۇنى ساعات 9:30-دا فەستيۆال قاتىسۋشىلارى مەن ساراپشىلارى، كورەرمەننىڭ نازارىنا ۇسىنادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي